بۇل شارا قازاقستان رەسپۋبليكاسىنىڭ پرەزيدەنتى «اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى زاپاسقا شىعارۋ جانە قازاقستان رەسپۋبليكاسىنىڭ ازاماتتارىن مەرزىمدى اسكەري قىزمەتكە كەزەكتى شاقىرۋ تۋرالى» جارلىعىنا سايكەس جۇرگىزىلەدى.
وسىعان وراي شاقىرۋدىڭ نەگىزگى تاپسىرماسى اسكەرلەردى دەنى ساۋ جانە مورالدى دايارلانعان جاستارمەن جاساقتاۋ بولىپ تابىلادى.
اعىمداعى جىلدىڭ كۇزىندە تۇركىستان وبلىسىنان 2 مىڭنان استام اسكەرگە شاقىرىلۋشىلاردى اسكەرگە جىبەرۋ جوسپارلانعان.
اسكەرگە شاقىرىلۋشىلاردى ىرىكتەۋدىڭ ايقىندىعى ءۇشىن, شاقىرۋ كوميسسياسى قۇرامىنا ىشكى ىستەر, ۇلتتىق قاۋىپسىزدىك, قوعامدىق ۇيىمدار وكىلدەرى, قارۋلى كۇشتەر, جەرگىلىكتى سوعىس ارداگەرلەرى جانە ءدىن جۇيەسىنىڭ وكىلدەرى كىرەدى. اتالعان كوميسسيانىڭ قابىلدانعان شەشىمىنىڭ نەگىزىندە ءبىزدىڭ جاستار اسكەرگە جولدانادى.
ايتا كەتسەك, شاقىرۋ كەزىندە ازاماتتار اسكەري قىزمەتكە شاقىرۋدان كەيىنگە قالدىرۋعا جانە بوساتۋعا قۇقىقتارى بار. مەرزىمىن كەيىنگە قالدىرۋ كەلەسى نەگىزدەر بويىنشا بەرىلەدى:
1) وتباسى جاعدايى بويىنشا;
2) ءبىلىمىن جالعاستىرۋ ءۇشىن;
3) دەنساۋلىق جاعدايى بويىنشا;
ماڭىزى از ەمەس جاڭالىقتىڭ ءبىرى مەرزىمىن كەيىنگە قالدىرۋعا قۇقىعى بار اسكەرگە شاقىرىلۋشىلاردىڭ ساناتتارى كەڭەيتىلدى. اتاپ ايتقاندا مەرزىمىن كەيىنگە قالدىرۋ ەندى قوسىمشا بەرىلەدى:
- وقىتۋشىلارعا جۇمىسىنىڭ بارلىق كەزەڭىنە;
- قۇقىق قورعاۋ ورگاندارىنىڭ ءبىلىم بەرۋ ۇيىمدارىندا العاشقى دايىندىقتان ءوتىپ جۇرگەن تۇلعالارعا.
ءار اسكەر تۇرلەرىندە بەلگىلى ءبىر تالاپتار بار, سول تالاپتار بويىنشا اسكەرگە شاقىرىلۋشى قانداي اسكەري بولىمدەردە قىزمەت وتكەرەتىنى بەلگىلەنەدى. مىسالىعا: قورعانىس مينيسترلىگى ۇلتتىق ۋنيۆەرسيتەتىنىڭ اسكەري-عىلىمي ۆزۆودىن جاساقتاۋ ءۇشىن ءىت-ماماندىقتارى, سوناداي-اق اسكەرگە شاقىرىلۋشىنىڭ دەنساۋلىق جاعدايى ماڭىزدى, ال دەسانتتىق اسكەرلەرى جانە ارنايى تاعايىندالعان اسكەرلەر ءۇشىن بويىنىڭ پارامەترلەرى 170 سم تومەن ەمەس سياقتى اسكەرگە شاقىرىلۋشىنىڭ دەنە بىتىمدەرى ماڭىزدى, سپورتشىلارعا تالداۋ بەرىلەدى.
الايدا وسىمەن بىرگە قارۋلى كۇشتەرى مۋزىكانتتارعا, اسپازشىلارعا, جۇرگىزۋشىلەرگە, بايلانىسشىلارعا جانە كوپتەگەن باسقا ماماندىقتارعا مۇقتاج.
قارۋلى كۇشتەرى قاتارىنا اسكەرگە شاقىرىلعانداردىڭ بەلگىلى ءبىر بولىگى 6 اي ىشىندە مىناداي اسكەري ماماندىقتار بويىنشا وقۋدى وتەدى: بتر, بمپ, تانك مەحنيك-جۇرگىزۋشىسى, ارتيللەريالىق جانە مينواتقىش قارۋلارىنىڭ كومانديرلەرى جانە كوزدەۋشىلەرى, ينجەنەرلىك قامتاماسىز ەتۋ ماماندىقتارى, قارۋلى كۇشتەرى وقۋ ورتالىقتارىندا بايلانىس ماماندارى.
وقۋ اياقتالىسىمەن ولار كىشى ماماندار رەتىندە اسكەري بولىمدەرگە جولداناتىن بولادى.
اسكەردە ازاماتتار تارتىپكە, جاۋاپكەرشىلىككە, وزدىگىنە ۇيرەنەدى جانە دەنە كۇشى مەن شىدامدىلىعىن تاربيەلەيدى. قىزمەت بارىسىندا ولار توپپەن جۇمىس جاساعاندى, وقۋ-جاتتىعۋلارداعى قيىن-قىستاۋ جاعدايلاردا تاپسىرمالاردى ورىنداۋعا, تەز ويلانۋعا جانە شەشىم قابىلداۋعا ۇيرەنەدى, ولار اسكەري قارۋ-جاراقتى قولدانۋدا, كۇردەلى اسكەري تەحنيكانى پايدالۋدا تەحنيكالىق داعدىلارعا يە بولادى.
قورعانىس مينيسترلىگىنىڭ باسشىلىعى اسكەري قىزمەتتىڭ قاۋىپسىزدىگىنە ۇلكەن نازار اۋدارادى. ۇدايى نەگىزدە اسكەري پروكۋراتۋرامەن, سونداي-اق اسكەري پوليتسيا ورگاندارىمەن بىرلەسە وتىرىپ اسكەري ۇجىمدا سالاۋاتتى ورتانى ورناتۋ ءۇشىن جۇيەلى جۇمىس جۇرگىزۋدە.
اسكەري ءبولىمنىڭ ءار بولمەسىندە بەينە باقىلاۋ جۇرگىزىلگەن. ءار اسكەري بولىمدە گارنيزون پروكۋرورىنىڭ جانە اسكەري پوليتسيا جاساعى باستىعىنىڭ سەنىم جاششىكتەرى ورنالاسقان, حات-حابارلار پروبلەمالىق ماسەلەلەر بويىنشا تەزدەتىپ شەشىمدەر قابىلداۋ ءۇشىن مەكەنجايلارعا تۇسەدى.
كازارمانىڭ ءار جايعاسۋ ورىندارىندا, شتابتا, اسحانادا, ءبوپ, كلۋبتا بارلىق دەڭگەيدەگى باسشىلىق قۇرامنىڭ, سونىڭ ىشىندە قىزمەتتىك تەلەفوننان قوڭىراۋ شالۋ ءۇشىن قول جەتىمدى سەنىم تەلەفوندارى تۋرالى اقپارات ورنالاستىرىلعان. اسكەري قىزمەتشىلەردىڭ قىزمەتتىك ارەكەتتەگى پروبلەمالارى تۋرالى ءار ۋاقىتتا ولارعا قوڭىراۋ شالۋعا نەمەسە سمس-حابارلاما جولداۋعا مۇمكىندىكتەرى بار. ءار كەلىپ تۇسكەن سيگنال بويىنشا پروبلەمالىق ماسەلەلەردى تەكسەرۋ جانە جويۋ بويىنشا, سونداي-اق وسىنداي وقيعالاردى الداعى ۋاقىتتا بولدىرماۋ ءۇشىن الدىن الۋ بويىنشا قاجەتتى جۇمىس جۇرگىزىلەدى.
تۇركىستان وبلىسى
قورعانىس ىستەرى جونىندەگى
دەپارتامەنت باستىعى, پولكوۆنيك
نۇرماحانبەت ديۋسەباەۆ
