بولات باقبەرگەن ۇلى كەرىمبەك 1982 جىلى تۋعان.
ءبىلىمى جوعارى. ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىن «تاريح, قۇقىق جانە ەكونوميكا نەگىزدەرى», قازاق ەكونوميكا, قارجى جانە حالىقارالىق ساۋدا ۋنيۆەرسيتەتىن «ەكونوميكا جانە بيزنەس باكالاۆرى», م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن «مەملەكەتتىك جانە مۋنيتسيپالدى باسقارۋ» ماماندىقتارى بويىنشا بىتىرگەن.
ەڭبەك جولىن «وتان» پارتياسىنىڭ تالدىقورعان قالالىق وكىلدىگىندە ەسەپ جانە ستاتيستيكا سەكتورىنىڭ مەڭگەرۋشىسى بولىپ باستادى. ءار جىلداردا استانا قالاسىنىڭ تىلدەردى دامىتۋ جونىندەگى باسقارماسى تالداۋ ءبولىمىنىڭ جەتەكشى مامانى, باس مامانى, ءبولىم باستىعى, قر ءبىلىم جانە عىلىم مينيسترلىگى «مەملەكەت تاريحى» ينستيتۋتىنىڭ اعا عىلىمي قىزمەتكەرى, قر پرەزيدەنتى اكىمشىلىگى ىشكى ساياسات ءبولىمىنىڭ ساراپشىسى, كونسۋلتانتى, ينسپەكتورى, الماتى وبلىسىنىڭ تىلدەردى دامىتۋ جونىندەگى باسقارماسىنىڭ باسشىسى لاۋازىمدارىن اتقاردى.
2022 جىلدىڭ قاڭتارىنان بۇگىنگى كۇنگە دەيىن الماتى وبلىسىنىڭ ىشكى ساياسات باسقارماسىنىڭ باسشىسى بولدى.
