بۇعان دەيىن وقۋشىلار توزىعى جەتكەن كونە الاڭدا جاتتىعىپ كەلگەن ەدى. قازىر ىسكە قوسىلعان جاڭا سپورت الاڭىنىڭ جالپى كولەمى 1 800 شارشى مەتر, وندا جاساندى گازون جابىندىسى توسەلگەن فۋتبول الاڭى, ارنايى جۇگىرۋگە ارنالعان رەزەڭكە جولاقتى جول, باسكەتبول جانە ۆولەيبول الاڭدارى بار. ستاديون قۇرىلىسىن «Millennium Story Group» جشس قۇرىلىسشىلارى جۇرگىزگەن. قۇرىلىس جۇمىستارى بيىلعى ماۋسىم ايىندا باستالعان بولاتىن.
سارقان اۋدانىنىڭ اكىمى تالعات قايناربەكوۆتىڭ ايتۋىنشا, بيىلعى بالالار جىلى اياسىندا سارقان قالاسىمەن قاتار, شالعاي جاتقان قارابوگەت, كوكوزەك, المالى, قارعالى اۋىلدارىندا زامان تالابىنا ساي ەكى شاعىن, ەكى ۇلكەن – جالپى 4 فۋتبول ستاديونى, 5 ستريت-ۆوركاۋت جانە 8 بالالار الاڭى سالىنىپ, جىل سوڭىنا دەيىن قولدانىسقا بەرىلەدى.
بۇعان دەيىن ماۋسىم ايىنىڭ سوڭىندا سارقان قالاسىندا جەكە كاسىپكەر ءوز قاراجاتىنا 300 ادامدىق «جەتىسۋ» باسسەين ورتالىعىن اشقان بولاتىن. مۇندا كەلۋشىلەردىڭ جاس ەرەكشەلىگىنە قاراي ءۇش باسسەين ءتيىستى قاجەتتىلىكتەرمەن جابدىقتالعان.
جالپى, سپورت كۇنىنە ارنالعان شارالاردىڭ اياسىندا سارقانداعى «جاستار» ساياباعىندا اۋىل شارۋاشىلىعى ونىمدەرىنىڭ جارمەڭكەسى وتكىزىلىپ, كەلۋشىلەرگە نارىقتاعىدان تومەن باعادا 3 توننا كوكونىس, 850 كيلودان استام ەت, 300 ليتر ءسۇت پەن ءسۇت ونىمدەرى جانە باسقا دا ازىق-ت ۇلىكتەر ساۋدالاندى.
