«قازاقستان مەن رەسەي پرەزيدەنتتەرى ەكىجاقتى كەزدەسۋدەن كەيىن جىلى لەبىزبەن قوشتاستى», دەلىنگەن اقوردا مالىمەتىندە.
بۇگىن ق.توقاەۆ ۆ.ءپۋتيننىڭ شاقىرۋىمەن سوچي قالاسىنا كەلگەن بولاتىن. رەسەي باسشىسى قازاقستان پرەزيدەنتىن كەزدەسۋ وتەتىن عيمارات الدىندا قوشەمەتپەن كۇتىپ الدى.
كەزدەسۋ بارىسىندا ق.توقاەۆ قازاقستان مەن رەسەي اراسىنداعى سەرىكتەستىكتىڭ دامۋىنا قاناعاتتانۋعا بارلىق نەگىز بار ەكەنىن اتاپ ءوتتى.
«بۇل تۇرعىدا سىزبەن كەلىسەمىن. ءبىزدى الەمدەگى ەڭ ۇزىن قۇرلىقتىق تولىق شەگەندەلگەن شەكارا بىرىكتىرىپ تۇر. سوندىقتان, ارينە, بولاشاعىمىزعا قاتىستى پەسسيميستىك بولجام ايتۋعا ەشقانداي نەگىز جوق», - دەدى مەملەكەت باسشىسى.
سونداي-اق قر پرەزيدەنتى رف باسشىسى قازاقستاندا وتەتىن تمد سامميتىنە قاتىسۋعا شاقىردى.
ءوز كەزەگىندە ۆلاديمير پۋتين قاسىم-جومارت توقاەۆقا شاقىرۋىن قابىل الىپ, سوچيگە كەلگەنىنە العىس ءبىلدىرىپ, سىرتقى ىستەر, قورعانىس مينيسترلىكتەرى بىرلەسىپ ءتۇرلى ءىس-شارالاردى, سونىڭ ىشىندە ۇقشۇ اياسىنداعى بىرلەسكەن وقۋ-جاتتىعۋلاردى جانە تاعى باسقالارىن دايىنداپ جاتقانىن اتاپ ءوتتى.
«تاۋار اينالىمى ءوسىپ كەلەدى. بىلتىر 34,4 پايىزعا وسسە, بيىل بەس ايدا 9 پايىزعا دەرلىك, 8,8 پايىزعا ءوستى. ينۆەستيتسيالار ەكى جاقتان دا ارتىپ كەلەدى. مەنىڭشە, رەسەي ينۆەستيتسياسى 18 ميلليارد دوللارعا جەتتى, ال قازاقستاننىڭ رەسەيگە ينۆەستيتسيا ءتورت جارىم ميلليارد شاماسىندا. قازاقستاننىڭ ساۋدا-ەكونوميكالىق سەرىكتەستەرى اراسىندا رەسەي ءبىرىنشى ورىندا كەلەدى. ءبىز سونداي-اق جاقسى ءىرى جوبالاردى ازىرلەپ جاتىرمىز. جوعارى تەحنولوگيالىق سالالاردا, سونىڭ ىشىندە عارىش سالاسىندا جۇمىس ىستەيمىز...», – دەدى ۆ.پۋتين.
