ايماقتار • 19 تامىز، 2022

الماتىدا قالا قۇرىلىسىنىڭ كەڭەسى قۇرىلدى

55 رەت كورسەتىلدى

الماتى اكىمى ەربولات دوساەۆ قالا قۇرىلىسى كەڭەسىن قۇرۋ تۋرالى قاۋلىعا قول قويدى، دەپ حابارلايدى Egemen.kz قالا اكىمىنىڭ ءباسپاسوز قىزمەتىنە سىلتەمە جاساپ.

30 ماۋسىمدا مەملەكەت باسشىسى قاسىم-جومارت توقاەۆ «الماتى قالاسىنىڭ ەرەكشە مارتەبەسى تۋرالى» زاڭعا قالا قۇرىلىسى كەڭەسىن قۇرۋ تۋرالى ەرەجەنى قامتيتىن تۇزەتۋلەرگە قول قويدى. ونىڭ مىندەتى – قالا قۇرىلىسى ساياساتىن جۇزەگە اسىرۋدا شەشىمدەر قابىلداۋ تيىمدىلىگىن ارتتىرۋ جانە قالانىڭ تۇراقتى جانە تەڭگەرىمدى دامۋىن قامتاماسىز ەتۋ. وزگەرىستەر العاشقى رەسمي جاريالانعان كۇنىنەن كەيىن 60 كۇنتىزبەلىك كۇن وتكەن سوڭ، ياعني 1 قىركۇيەكتەن باستاپ قولدانىسقا ەنگىزىلەدى.

«1 تامىزدا الماتى اكىمى ەربولات دوساەۆقا قالا قۇرىلىسى كەڭەسىن قۇرۋ تۋرالى قۇجات جوباسى ۇسىنىلىپ، قاۋلى، رەگلامەنت ازىرلەۋ جانە ونىڭ قۇرامىن بەكىتۋ راسىمدەرى باستالدى. بۇگىن قالا اكىمى ءتيىستى قاۋلىعا قول قويدى»، دەلىنگەن حابارلامادا.

قۇجات الماتى قالاسى اكىمدىگى 23 ادامنان اسپايتىن مولشەردە بەكىتەتىن كەڭەستىڭ قۇرامىن، سونداي-اق فۋنكتسيالارىن، وكىلەتىن، قۇرىلىمى مەن جۇمىس ءتارتىبىن بەكىتەدى. قالا قۇرىلىسى كەڭەسىنە ساۋلەت، قالا قۇرىلىسى، قالاتانۋ، كولىك، ينكليۋزيا، ەكولوگيا، كرەاتيۆ ەكونوميكا، الەۋمەتتانۋ، ەكونوميكا سالالارىنىڭ ماماندارى كىرەدى. بۇل رەتتە قارالاتىن ماسەلەلەردىڭ ەرەكشەلىكتەرىنە قاراي كەڭەس وتىرىستارىنا باسقا ساراپشىلار دا قاتىسا الادى.

كەڭەس ىسكە اسىرۋعا ۇسىنىلعان قالا قۇرىلىسى جانە ساۋلەت جوبالارىن اشىق تالقىلاۋ جانە شەشىم قابىلداۋ ءۇشىن كونسۋلتاتيۆتىك-كەڭەسشى ورگانعا اينالاتىنى اتاپ ءوتىلدى.

 

 

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار