بيۋدجەتتىڭ اتقارىلۋى جونىندەگى ەسەپ تانىستىرىلدى

ماجىلىستە ۇكىمەتتىڭ جانە ەسەپ كوميتەتىنىڭ 2009 جىلعى رەس­پۋبليكالىق بيۋدجەتتىڭ ات­قا­رىلۋى تۋرالى ەسەپتەرىنىڭ تا­نىستىرىلىمى ءوتتى. بۇل شاراعا ءماجىلىس دەپۋتاتتارى, ۇلتتىق بانك, ورتالىق اتقارۋشى جانە وزگە دە ورتالىق مەملەكەتتىك ورگاندار وكىلدەرى قاتىستى, دەپ حابارلادى وسى پالاتانىڭ ءباسپاسوز قىزمەتى. ءماجىلىستىڭ قارجى جانە بيۋدجەت كوميتەتىنىڭ ءتورايىمى گۇلجان قاراقۇسوۆا ءسوز سويلەپ, جاڭا بيۋدجەت قودەكسىنە سايكەس 2009-2011 جىلدارعا ارنالعان ءۇش جىلدىق رەسپۋبليكالىق بيۋد­جەتتىڭ ءبىرىنشى جىلىنىڭ ورىن­دالۋ ناتيجەسىنىڭ ءبىزدىڭ ەلىمىز ءۇشىن ماڭىزى زور ەكەنىن اتاپ ءوتتى. قارجى ءمينيسترى بولات ءجامى­شەۆ بايانداما جاسادى. ول 2009 جىل­عى رەسپۋبليكالىق بيۋدجەت ءبى­رىن­شى كەزەكتە قازاقستان پرەزي­دەن­تىنىڭ “قازاقستان ازاماتتارى­نىڭ ءال-اۋقاتىنىڭ جاقسارۋى – مەم­لە­كەت­تىك ساياساتتىڭ باستى ماق­سا­تى” جانە “داعدارىس ارقىلى جا­ڭارۋ مەن دامۋعا” اتتى قازاقستان حال­قى­نا جولداۋلارىندا بەرىلگەن تاپ­­سىرمالاردى ورىنداۋ ماقسا­تىندا جانە وندا كورىنىس تاپقان الەۋ­مەت­تىك-ەكونوميكالىق دامۋ­دىڭ قاعي­دات­تارى مەن باسىمدىق­تارىنا ءساي­كەس ىسكە اسىرىلعانىن ايتتى. سون­داي-اق, ءبىلىم بەرۋ, دەنساۋلىق ساق­تاۋ جانە الەۋمەتتىك قامتۋعا ار­نالعان رەسپۋبليكالىق بيۋدجەت شى­عىندارىنىڭ تۇراقتى­لىعىن ساقتاپ قالۋ ماقساتىنداعى قادامدار وڭ ۇردىستەرگە يە بول­عانىن جانە ءبو­لىن­گەن قارجىلار سوڭعى بەس جىلدا 2,5 ەسەگە كوبەي­گەنىن باياندادى. بۇل ءوت­كەن قارجى جىلىنىڭ, ونىڭ ىشىندە مەملەكەت­تىڭ الەۋمەتتىك سالاداعى ءمىن­دەتتەرىنە قاتىستى رەسپۋب­لي­كالىق بيۋدجەتتىڭ ورىندالۋىنان كورىنىس تاۋىپ وتىر. 2009 جىلعى رەسپۋبليكالىق بيۋد­جەتتى ورىنداۋ بارىسىندا بيۋد­جەتكە 2 800,3 ملرد. تەڭگە كىرىس ءتۇستى نەمەسە بۇل جوسپاردىڭ 100,1 پايىزى, ال بيۋدجەتتىڭ شىعىسى 3 311,3 ملرد. تەڭگەنى نەمەسە 98,2 پايىزدى قۇرادى. وسى باسقوسۋدا رەسپۋبليكالىق بيۋد­جەتتىڭ اتقارىلۋىن باقىلاۋ ءجو­­نىندەگى ەسەپ كوميتەتىنىڭ ءتور­اعا­سى ومارحان وكسىكباەۆ ءوزى باس­قا­راتىن ۆەدومستۆونىڭ 2009 جىلعى قىزمەتى داعدارىسقا قارسى شارا­لار­دىڭ, باعدارلامالىق قۇجات­تاردىڭ ىسكە اسىرىلۋىنا, سالىق جانە كەدەندىك اكىمشىلەن­دىرۋدىڭ, سۋبەكتىلەردىڭ كۆازي­مەملەكەتتىك سەكتورىنىڭ مەملە­كەتتىك قارجى رەسۋرستارى مەن اكتيۆتەرىن پايدا­لا­نۋىنىڭ ءتيىم­دىلىگىن باقىلاۋعا باعىتتالعانىن اتاپ ءوتتى. سونىمەن قاتار, ەكونوميكا­لىق دامۋ جانە ساۋدا ۆيتسە-ءمينيسترى قۋاندىق بي­شىمباەۆ 2009 جىلعى ماكرو­ەكونوميكالىق كورسەتكىشتەردىڭ اتقارىلۋى مەن 2009 جىلعى ەكو­نوميكالىق دامۋدىڭ نەگىزگى قورىتىندىلارى تۋرالى, قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى توراعاسىنىڭ ورىنباسارى مۇرات بايسىنوۆ 2009 جىلى قازاق­ستاننىڭ قارجى جۇيەسىن تۇراقتان­دىرۋعا ۇلتتىق قوردان تارتىلعان قارجىنىڭ جۇم­سالۋى تۋرالى حابارلاما جاسادى. ول ۇلتتىق قوردان ەكونوميكا مەن قارجى جۇيەسىن تۇراقتاندىرۋ ءجو­نىندەگى بىرلەسكەن ءىس-قيمىل جوس­پارىن ىسكە اسىرۋعا ارنالعان قارجىنىڭ جۇمسالۋىن باقى­لايتىن جۇمىس توبى قىزمەتىنىڭ ناتيجە­لەرىمەن تانىستىردى. ۇسىنىلعان ەسەپتەردى تالقى­لاۋ­عا پارلامەنت ءماجىلىسىنىڭ دەپۋتات­تارى بەلسەنە قاتىسىپ, 2009 جىلعى رەسپۋبليكالىق بيۋدجەتتىڭ ورىن­دا­لۋىنا قاتىستى بىرقاتار وزەكتى ءما­سەلە كوتەردى.