كەزدەسۋدە «شەۆرون» كومپانياسىنىڭ قازاقستانمەن الداعى ۋاقىتتاعى ءوزارا ءىس-ارەكەتىنىڭ نەگىزگى اسپەكتىلەرى جانە بىرقاتار ينۆەستيتسيالىق جوبانى جۇزەگە اسىرۋ ماسەلەلەرى تالقىلاندى.
مەملەكەت باسشىسى مەن مايكل ۋيرت الەمدىك ەنەرگەتيكا نارىعىنداعى جاعداي تۋرالى پىكىر الماستى. پرەزيدەنت «تەڭىزشەۆرويل» كومپانياسىنىڭ قوسىمشا 2,6 ميلليارد تەكشە مەتر گازدى ىشكى نارىققا باعىتتاۋ تۋرالى شەشىمىن قۇپتادى.
سونداي-اق «شەۆرون» كومپانياسىنىڭ مۇناي-حيميا سالاسىنداعى ينۆەستيتسيالىق جوبالاردى جۇزەگە اسىرۋعا قاتىسۋ پەرسپەكتيۆالارى مەن قاراشىعاناق كەن ورنىنىڭ ءوندىرىس قۋاتىن ودان ءارى كەڭەيتۋدىڭ جوسپارى قاراستىرىلدى.
