ەلىمىزدىڭ ءبىرىنشى راكەتكاسى ەلەنا رىباكينا قايتا توپ-25 ويىنشىنىڭ قاتارىنا قوسىلدى. وسى ورايدا «اتتەگەن-اي» دەگەننەن باسقا ايتارىمىز جوق. ەگەر ۋيمبلدوننىڭ ناتيجەسى ەسەپكە الىنعاندا, سول جارىستىڭ جەڭىمپازى اتانعان جەرلەسىمىزدى بۇل كۇندەرى ۇزدىك وندىقتىڭ قاتارىنان كورەتىن ەدىك. بىراق امال نەشىك, وسىعان دا تاۋبە دەيمىز. تورونتوداعى ءتۋرنيردىڭ شيرەك فينالىنا دەيىن جەتكەن يۋليا پۋتينتسەۆا توعىز ساتىعا كوتەرىلىپ, قازىرگى كەزدە 37-ورىندى يەلەنۋدە.
ەرلەر اراسىندا رەسەيلىك دانيل مەدۆەدەۆ دارا تۇر. گەرمانيالىق الەكساندر زۆەرەۆ پەن يسپانيالىق رافاەل نادال ەكىنشى جانە ءۇشىنشى ورىنداردى ولجالاۋدا. پيرەنەي تۇبەگىنىڭ تاعى ءبىر وكىلى كارلوس الكاراس پەن سەربيالىق نوۆاك دجوكوۆيچ ۇزدىك بەستىكتى تۇيىندەۋدە. قازاقستاننىڭ ەڭ مىقتى تەننيسشىسى الەكساندر بۋبليك 45-ورىنعا تۇراقتاسا, ميحايل كۋكۋشكين 212-ساتىعا تابان تىرەدى.
