اباي • 16 تامىز، 2022

اباي وقۋلارى: حاكىم مۇراسىنىڭ جاس زەرتتەۋشىلەرى

51 رەت كورسەتىلدى

سەمەيدە XXIII رەسپۋبليكالىق اباي وقۋلارى بايقاۋىنىڭ جالاۋى جەلبىرەدى. ۇلى شايىردىڭ مۇراسىن ناسيحاتتاۋعا ارنالعان بايقاۋدا ەلى­مىزدىڭ ۇزدىك مەكتەپ وقۋشىلارى شى­عارماشىلىق قارىم-قابىلەتتەرىن تانى­تاتىن بولادى.

جيىرما جىلدان بەرى ۇزىلمەي وتكىزىلىپ كەلە جاتقان رۋحاني دودا بيىل دا اۋقىمدى دەڭگەيدە وتەدى دەپ كوزدەلىپ وتىر. ايتالىق، وسى جولى قازاقستاننىڭ تۇكپىر-تۇكپىرىنەن جينالعان 130-دان اسا جاس ورەن ۇلى اقىننىڭ مۇرالارىن ناسيحاتتاپ، ءوزارا كىل مىقتىنى انىقتايتىن بولادى.

اتالعان ءىس-شارا داستۇرگە سايكەس اباي ەسكەرتكىشىنە گۇل شوقتارىن قويىپ تاعزىم ەتۋدەن باستالىپ، قالاداعى مادەني ورىندارعا ەكسكۋرسيالىق ساپارمەن جالعاستى. ونىڭ بارىسىندا بالالار سەمەيدىڭ تاريحىنا قاتىستى قۇندى دەرەكتەرگە قانىعىپ، ساۋلەت ەسكەرتكىشتەرىن كورۋگە مۇمكىنىك الدى.

«اباي مەن شاكارىمنىڭ شىعارماشىلىعى جاستاردى ادامگەرشىلىك قاعيدالارىنا، سونداي-اق ءوزىنىڭ جەكە كوزقاراسى قالىپتاسقان تۇلعا رەتىندە جەتىلىپ دامۋىنا سەپتەسەتىنى ءسوزسىز. جىل سايىن وسى ءداستۇرلى بايقاۋعا قاتىسۋعا نيەت بىلدىرگەندەردىڭ قاتارى ارتىپ كەلەدى. بۇل ءبىزدىڭ بولاشاعىمىز ءۇشىن ۇلكەن جەتىستىك دەپ ويلايمىن.

اباي – دانا ويشىل، اقىن. ءوزىنىڭ ادەبي مۇرالارى ارقىلى ول قانشاما ۇرپاقتى تاربيەلەپ، ادام بولىپ قالىپتاسۋىنا مۇ­رىندىق بولدى. البەتتە، ونىڭ قاتارىندا جەرلەستەرى، ياعني سەمەيلىكتەر دە بار. ۇلى ويشىلدىڭ پاراساتتىلىعى، دۇنيەتانىمى، جاقىندارىنا دەگەن مەيىرىمدىلىگى بۇكىل الەمگە ايان. وسى قۇندىلىقتاردى جادىمىزدا ساقتاۋ، دەمەك ابايدى ۇمىتپاۋ – ءبىزدىڭ قاسيەتتى پارىزىمىز»، دەدى اباي وبلىسى اكىمىنىڭ ورىنباسارى شالقار بايبەكوۆ.

بايقاۋ قاتىسۋشىلارى ابايدىڭ جيدە­بايداعى مەموريالدىق كەشەنىنە ساپارلاپ، وندا ءوز ونەرلەرىن ورتاعا سالاتىن بولادى. ۇلى اقىننىڭ مۇراجايىن ارالاپ، ونىڭ ومىرىمەن تەرەڭىرەك تانىسۋعا مۇمكىندىك الادى.

 

اباي وبلىسى

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار