قوعام • 16 تامىز، 2022

اسحات ايماعامبەتوۆ بالاسىنىڭ مەكتەپ فورماسىنا قانشا جۇمسايدى؟

119 رەت كورسەتىلدى

قر وقۋ-اعارتۋ ءمينيسترى اسحات ايماعامبەتوۆ بالاسىنا مەكتەپ فورماسىن الۋ ءۇشىن 35 مىڭ تەڭگەگە جۋىق قارجى جۇمسادى، دەپ حابارلايدى Egemen.kz.

كوللاج: egemen.kz

ءمينيستردىڭ ايتۋىنشا، ونىڭ مەكتەپتە ءبىلىم الاتىن ءبىر بالاسى بار.

«وسى دەمالىستا بالانى ەرتىپ، دۇكەنگە باردىق. دۇكەننەن مەكتەپ فورماسىن ساتىپ الدى. اق كويلەك، شالبار، كوستيۋم، گالستۋك الدىق. جاڭا وقۋ جىلىنا دايىنبىز دەپ ايتا الامىز. باعاسىنا كەلەتىن بولساق، شامامەن 35 مىڭ تەڭگە جۇمسادىق. دۇكەننەن ساتىپ الدىق. ءبىز سەكىلدى ادامدار كوپ بولدى، باسقالارمەن قاتار كەزەكتە تۇردىق. بالام كيىمدى كيىپ كوردى. 36 رازمەردەگى كيىم الدىق»، دەدى اسحات ايماعامبەتوۆ ۇكىمەت وتىرىسىنان كەيىن جۋرناليستەرگە بەرگەن سۇحباتىندا. 

بۇعان دەيىن قازاقستاندا كەڭسە تاۋارلارى ءبىر جىلدا 50 پايىزعا قىمباتتاعانى حابارلانعان بولاتىن. 

سوڭعى جاڭالىقتار

ۇقساس جاڭالىقتار