ايتپەسە نە حيميالىق, نە بيولوگيالىق ءبىلىمى جوق جاس جىگىت سينتەتيكالىق ەسىرتكىنى جاساۋ جولدارىن قايدان ءبىلۋى مۇمكىن. ۇستالعان كەزدە ونىڭ لابوراتورياسىنان وسىمدىك تەكتەس زات سالىنعان 8 پوليمەر تۇيىنشەك تابىلعان. ال حالتۋرين كوشەسىندەگى ۇيىنەن 52 تۇيىنشەك پەن سۇيىقتىق قۇيىلعان ەكى ىدىس شىقتى. ساراپتاما ونىڭ جاساعانى «سپايس» دەگەن اتپەن بەلگىلى سينتەتيكالىق ەسىرتكى ەكەنىن انىقتادى. سونداي-اق ونى دايىنداۋعا ارنالعان پرەكۋرسورلار ەكەندىگىن كورسەتتى. كۇدىكتىنىڭ ايتۋىنشا, ەسىرتكىنى ول جەكە پايدالانۋ ءۇشىن ساقتاعان. بۇل ارينە جالعان ەكەنى كورىنىپ تۇر. ارنايى لابوراتوريانىڭ ء«ونىمىن» قانشاما ادام تۇتىنىپ, قانشاماسى دەنساۋلىعىن قۇرتقانى, قانشاماسى قىلمىستىق ارەكەتتەرگە بارعانى داۋسىز.
تاركىلەنگەن ەسىرتكىنىڭ جالپى سانى 200 ءبىر رەتتىك دوزاعا جۋىق, جالپى سالماعى – شامامەن 8 گرامم. بۇل اسا ءىرى مولشەرگە جاتادى. سونىمەن قاتار ءتىنتۋ بارىسىندا ونىڭ ۇيىنەن رەسپيراتورلار, گراممدىق تارازىلار, ولشەۋىش كولبالار مەن سينتەتيكالىق ەسىرتكىنى دايىنداۋعا ارنالعان باسقا دا قۇرىلعى تاركىلەندى.
«قازىرگى ۋاقىتتا كۇدىكتى قاماۋعا الىندى. قىلمىستىق كودەكستىڭ 297-بابى 3-بولىگى «ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ» بويىنشا سوتقا دەيىنگى تەرگەپ-تەكسەرۋ جۇرگىزىلۋدە. باپتىڭ سانكتسياسى 15 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازاسىن كوزدەيدى», دەيدى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى, پوليتسيا پولكوۆنيگى جاندوس باسىباەۆ.
پەتروپاۆل
