قوعام • 15 تامىز، 2022

كادرلاردى قانشالىقتى باعالاپ ءجۇرمىز؟

36 رەت كورسەتىلدى

قاي جۇيەدە بولسىن وزەكتىلىگىن جويماي كەلە جاتقان ۇراننىڭ ءبىرى – ء«بارىن دە كادر شەشەدى» دەگەن ءسوز. اسىرەسە، مەملەكەتتىك قىزمەت سالاسىندا بۇل ۇران­نىڭ وزەكتىلىگى وراسان. مەملەكەت باسشىسى ەلدىڭ ەكونوميكالىق جاعدايىن، الەۋمەتتىك احۋالىن، قورعانىس قۋاتىن جاقسارتۋ تۋرالى قانداي دا ءبىر جاقسى شەشىمدەر قابىلداسا دا ونى ىسكە اسىراتىن كادرلار تابىلماسا ءبارى دە اياقسىز قالا بەرەدى.

كادرلاردىڭ شەبەرلىگى ەڭ تو­مەن­گى ساتىدان باستاپ كورىنەدى. باس­تىعىنىڭ تاپسىرماسىن تەك باس شۇلعىپ ورىنداۋعا ءازىر تۇرا­تىن­دار­دىڭ جۇمىس تيىمدىلىگى تومەن. ۇنەمى ۇلكەن ماسەلەلەرمەن اينالىساتىن، باستىققا تومەندەگى احۋال تۋرالى تولىق اقپارات جەتكىزە الماي، تەك بۇزىپ-جارىپ باستىقتىڭ ايتقانىن عانا ورىندايتىن باعىنىشتىلاردىڭ جۇ­مى­سى جاقسى ناتيجە بەرمەيدى. ما­سەلەن، ناتيجەلى جۇمىس ىستەپ جاتقان ءبىر باسقارمانى نەمەسە ءبولىمدى تاراتۋ تۋرالى تاپسىرمانى كوزسىز ورىنداۋ – جالپى جۇيە­نىڭ قالىپتى جۇمىس ىستەۋىنە كە­دەرگى كەلتىرەدى. باستىققا ماسە­لە­نى جان-جاقتى تۇسىندىرە المايتىن باعىنىشتىلاردىڭ قىزمەتى – قامشى نەمەسە تاياقپەن عانا جۇمىس ىستەيتىن تۇيە مەن وگىزدىڭ جۇمىسىنا تەڭ. جۇمىس جالپى ورىندالعانىمەن ءتيىمدى ناتيجە جوق.

بىزدە ۇزاق جىلدار بويى سىرتتان كەلگەن نەمەسە شەتەلدەن وقىپ كەلگەندەر بىلگەن دۇنيەسىن قالىپ­تاس­قان تارتىپپەن ساناسپاي، بۇزىپ-جارىپ ەنگىزۋ جاپپاي ورىن الدى. قالىپتاسىپ، جۇلگەلەنىپ قالعان جۇيەنى جەتىلدىرۋ دەگەن جوق، تەك جاپوننىڭ، اعىلشىننىڭ، ماجاردىڭ تاجىريبەسى دەپ، بىزدە­گىمەن ۇيلەسپەيتىن جاڭا ءتارتىپ، مۇلدە باسقا تاسىلگە كوشىرۋ­دى قا­لاي­تىن­دار شىقتى. جاڭا جۇيەنى ەن­­گىزۋگە، جاڭا باعدارلامانى قا­بىل­­داۋعا قىرۋار قاراجات بولى­نە­تىنىن كور­گەن كەيبىر جىلپوستار مۇندايعا ءتىپتى جانىن سالىپ كىرىسەتىن. ءبىر جىلدارى قازاق تىلىنەن باسقا ءپاندى اعىلشىنشا وقىتامىز، سول ءۇشىن 2-3 ايدا اعىلشىنشا ساباق بەرەتىن ۇستازداردى دايارلايمىز دەگەن شەشىم قانشاما قارجىنى بوسقا قۇرتقانىن جاقسى بىلەمىز...

بارلىق سالادا وسىندايعا جول بەر­مەي­تىن، بەرىك قالىپتاسقان كادرلىق جۇيە بولۋى كەرەك. وندا­عى كادرلار باس­تىق­قا جاماناتتى بولۋدان قورىقپاي، ءوز ىسىنە جانى اشىسا، ناقتى جاعدايدى جاڭا باستىققا ءتۇسىندىرۋى كەرەك. سوڭعى جىلدارى حالىق مەملەكەتتىك قىز­مەتشىلەرگە سەنىمسىزدىكپەن قاراي­تىن بولدى، ولاردىڭ دەنى قول­دا­رى­نان ءىس كەلمەيتىن، تەك بيۋدجەت قارا­جاتىن قولدى قىلۋدى بىلەتىن جەم­قورلار، بيۋروكراتتار دەگەن تۇسى­نىك قالىپتاستى.

جاڭا قازاقستاندى قۇرۋ ءۇشىن بارلىق سالاداعى مەملەكەتتىك قىزمەت­كەرلەردىڭ جۇمىس تيىمدى­لى­گىن ارتتىرۋ كەرەك. ۇلتتىق قۇرىل­تاي­دا سويلەگەن سوزىندە پرەزيدەنت قاسىم-جومارت توقاەۆ: «مەملە­كەت­تىك قىزمەتشىلەردى قولىنان تۇك كەلمەيدى دەپ كەمسىتۋدى دوعارۋ كە­رەك. ءتىپتى ولاردى «حالىق جاۋ­لارى» سياقتى كورەتىندەر دە بار. «شەنەۋنىك» دەگەن ءسوز جاعىمسىز ۇعىمعا اينالىپ بارادى. بۇل – دۇرىس ەمەس. مەملەكەتتىك قىزمەتتە ادال ءارى بىلىكتى كادرلار وتە كوپ. ولار وتانىمىزدىڭ يگى­لى­گى جولىندا تىنباي ەڭبەك ەتىپ ءجۇر. بىراق وكىنىشكە قاراي، ء«بىر قارىن مايدى ءبىر قۇمالاق شىرىتەدى» دەگەن دە بار. ونداي ادامدارمەن ءبىز بىردەن قوشتاسىپ جاتىرمىز. بولاشاقتا دا سولاي بولادى»، دەگەن پىكىر ايتتى.

شىنىندا بارلىق قىزمەت­كەر­گە تۇ­تاس­­تاي كۇيە جاعۋعا بول­مايدى. ولار­دىڭ اراسىندا پاتريوتتار دا، ءوز ءىسىن شە­مىش­كەشە شا­­عاتىن بىلىكتى ازاماتتار دا كوپ. مىنە، وسىلاردىڭ كۇش-قۋا­تىن، اقىلى مەن ءبىلىمىن ەلدىڭ يگىلى­گىنە ءتيىمدى جۇم­ساي ءبىلۋ كەرەك. وندايدى جاسايتىن الدى­مەن ءوزىنىڭ تىكەلەي باسشىلارى. باعىنىشتىسىنىڭ ىسكەرلىگىن كورگەن باسشى ونى ءوزىنىڭ تاپسىرماسىن بۇلجىتپاي ورىنداعانىنا ءماز بولماي قىزمەتىن وسىرۋگە، كادر­­لىق رەزەرۆكە جىلجىتۋعا تىرىسۋى كەرەك. وسىندايدى ورىنداپ جۇرگەن ءاربىر باسشىنىڭ ءىسى دە باعا­لانىپ، ىنتالاندىرىلىپ وتىرسا – ءتىپتى قۇبا-قۇپ بولار ەدى.

قانشاما جازىپ، قانشاما سىناپ جاتسا دا بىزدەگى مەملەكەتتىك قىزمەتكەرلەردىڭ سانى كوپ. بىل­تىر­عى جەلتوقساندا ۇكىمەت مەم­لە­كەتتىك قىزمەتكەرلەردىڭ سانىن قىسقارتۋ تۋرالى قاۋلى قا­بىل­دا­عانىمەن، ونىڭ ناتيجەسى شا­مالى بولدى. ماسەلەن، سول­تۇستىك قازاقستان وبلىسىندا قازىر 4 مىڭ­داي مەملەكەتتىك قىزمەتكەر بار. بۇل بىلتىرعى جىلدىڭ ساي­كەس مەرزىمىمەن سالىستىرعاندا 14 بىرلىككە عانا ازايعان دەگەن ءسوز.

مەملەكەتتىك قىزمەتكەرلەر سانىنىڭ تۇراقتىلىعىن ساقتاۋ، ولاردىڭ ءجيى اۋى­سۋى­نا جول بەرمەۋ – مەملەكەتتىك قىز­مەت ىس­تەرى جونىندەگى اگەنتتىكتىڭ سترا­­­تە­گيا­لىق كورسەتكىشتەرىنىڭ ءبىرى. وب­لىس­­­تىق دەپارتامەنتتىڭ باسشىسى ەلەنا ستەپانەنكونىڭ ايتۋىنا قاراعاندا، بۇل كورسەتكىش بويىنشا سولتۇستىك قازاقستان رەسپۋبليكا بويىنشا الدىڭعى قاتاردا. ەگەر ەلدەگى ورتاشا كورسەتكىش 6،8 پا­يىز بولسا ءبىزدىڭ وبلىستا ول 1،9 پايىز عانا ەكەن. بىلتىر جەتى ايدا 146 ادام قىزمەتتەن شىقسا، بيىل 82 ادام عانا باسقا قىزمەتكە اۋىسقان. ارينە، كادر­لار­دىڭ اۋىسپاي، ءبىر جەردە تۇ­راق­تى جۇمىس ىستەۋىنە قازىر بار­لىق جاعداي جاسالعان. وسى دەپارتامەنتتىڭ باسقارما باسشىسى ەركىن جاقسىلىقوۆتىڭ ايتۋى­­­­نا قاراعاندا، قازىر اۋداندىق دەڭ­گەيدە جۇمىسقا تۇرعان مەم­لە­كەتتىك قىز­مەت­كەر­دىڭ ءوزى ايىنا كەم دەگەندە 200 مىڭ تەڭگە ەڭبەكاقى الادى ەكەن. بۇرىن كوپ جىل بويى، ءوتىلى كەم قىز­مەت­كەرلەر از ەڭبەكاقى الاتىن. ەندى وسى ەڭبەكاقىعا مەرەكەلەردە بەرىلەتىن سىياقىلاردى جانە جىلدىڭ قورىتىندىسى بويىنشا تولەنەتىن بونۋستاردى قوسساڭىز – قوماقتى سوما شىعا كەلەدى. جۇمىس ءوتىلى ارتقان سايىن تولەنەتىن قوسىمشاسى تاعى بار. وسىنداي جاعدايدا جۇمىس ىستەمەيتىن نەسى بار؟ سوندىقتان دا بيىل مەملەكەتتىك قىزمەتكە تۇرۋعا ۇمتىلعاندار سانى بىلتىرعى جىلدىڭ سايكەس مەرزىمىمەن سا­لىس­­تىرعاندا 1،5 ەسە ارتىپ، 1 551 ادام­­عا جەتكەن. الايدا كاندي­دات­تار­دىڭ بىلىكتىلىگى تومەن. ءتيىستى تەستتەردەن تەك
31 پا­يىزى عانا وتە العان.

وسىنىڭ وزىنەن كانديداتتاردى تەستى­لەۋ ءادىل جولمەن وتەتىن بولۋى كەرەك دەگەن سەنىم تۋادى. ويت­كەنى قازىرگى جاس­تار­دىڭ جالپى بىلىكتىلىگى تومەن ەكە­نىن وڭىردە كورىپ جۇرەمىز. دەمەك سول­­تۇستىكتە مەملەكەتتىك قىزمەتكە تەك­ بى­­لىكتى، ءبىلىمدى جاندار عانا وتەتىن سياق­­­­تى. ەندەشە، ەرتەڭگى كۇنى ولاردىڭ كا­سى­­­بي بىلىكتىلىگىنەن باسقا مەملە­كەت­­شىل­­دىگى، پاتريوتتىعى جوعارى بولار دەپ ۇمىت­تە­نە­سىڭ. جوعارىدا ايتىلعان تالاپتاردى دا تەك وسىنداي جاستار عانا ورىنداي الاتىنى ءسوزسىز.

 

سولتۇستىك قازاقستان وبلىسى

سوڭعى جاڭالىقتار

جاپونيادا جەر سىلكىندى

الەم • بۇگىن، 10:22

ۇقساس جاڭالىقتار