پاۆلودار وبلىسىندا جىل باسىنان بەرى اليمەنت تولەمەي جۇرگەن 270 ادام ىزدەستىرىلۋدە, قازىرگى ۋاقىتتا ونىڭ 164-ءى انىقتالدى.
مىسالى, پاۆلودار وبلىسىنىڭ تۇرعىنى اتا-انا مىندەتتەرىن ورىنداۋعا نەمقۇرايدى قاراعان. ونىڭ بۇرىنعى ايەلى پوليتسياعا جۇگىنۋگە ءماجبۇر بولدى. ايەل ءۇش جىلدان بەرى بۇرىنعى كۇيەۋى كامەلەتكە تولماعان ۇلىن اسىراۋ ءۇشىن اليمەنت تولەمەيتىنىن ايتتى. قارىز سوماسى شامامەن 3 ملن تەڭگەگە جەتكەن. پوليتسيا بالانىڭ اكەسىن انىقتادى.
– تاعى ءبىر پاۆلودارلىق 2021 جىلدىڭ ماۋسىمىنان باستاپ بالانى اسىراۋ بويىنشا اليمەنتتىك مىندەتتەمەلەرىن ورىنداماعان. ەر ادام اليمەنتتەر بويىنشا پايدا بولعان بەرەشەكتى وتەۋگە جانە ولاردى اي سايىن تولەۋگە باعىتتالعان پارمەندى شارالاردى قابىلدامادى. سوت اكتىلەرىن ورىنداۋ مىندەتتىلىگى تۋرالى سوت ورىنداۋشىلارىنىڭ جازباشا حابارلامالارى مەن ەسكەرتۋلەرىنە جاۋاپ بەرگەن جوق, جۇمىسقا ورنالاسقىسى كەلمەدى, – دەپ اتاپ ءوتتى ۆەدومستۆو وكىلى.
پوليتسيا ۆەدومستۆوسىنىڭ حابارلاۋىنشا, ەڭ الدىمەن بالالار اتا-انالارىنىڭ نەكەسىز قالۋىنان زارداپ شەگەدى. ورتاق بالالارعا جانە اجىراسۋدان زارداپ شەككەن اتا-انالارعا قامقورلىق جاساۋدىڭ ورنىنا, بۇرىنعى ەرلى-زايىپتىلار ءبىر-بىرىنە زيانىن تيگىزۋدى جالعاستىرۋدا. كەيبىر انالار بالالارعا اكەلەرىن كورۋگە رۇقسات بەرمەيدى, ال ولار ءوز كەزەگىندە قارجىلىق قولداۋدان باس تارتادى.
