«اۋىل شارۋاشىلىعى تەحنيكاسىن جەڭىلدىكپەن ليزينگ باعدارلاماسى باستالعان كۇننەن باستاپ «قازاگروقارجى» اق-عا وتاندىق ءوندىرىستىڭ 93 تراكتورى مەن 52 كومباينىن ساتىپ الۋ ءۇشىن قازاقستاننىڭ 11 وڭىرىنەن اۋىل شارۋاشىلىعى تاۋار وندىرۋشىلەرىنەن جالپى سوماسى 9,3 ملرد تەڭگەگە 113 ءوتىنىم كەلىپ ءتۇستى», دەلىنگەن اۋىل شارۋاشىلىعى مينيسترلىگىنىڭ ءباسپاسوز قىزمەتىنىڭ حابارلاماسىندا.
باعدارلاماعا قاتىسۋعا وتىنىمدەردى قابىلداۋ 2022 جىلعى 5 تامىزدا باستالدى. قارجىلاندىرۋدىڭ جالپى سوماسى 40 ملرد تەڭگەنى قۇرايدى, وعان مىڭعا جۋىق قازاقستاندىق اۋىل شارۋاشىلىعى تەحنيكاسىن ساتىپ الۋ جوسپارلانىپ وتىر.
باعدارلامانىڭ شارتتارى:
ليزينگ مەرزىمى - 10 جىلعا دەيىن;
سىياقى مولشەرلەمەسى - جىلدىق 6%;
ليزينگ بويىنشا باستاپقى جارنا - 0%;
نەگىزگى قارىزدى قايتارۋ بويىنشا جەڭىلدىكتى كەزەڭ - 1 جىل.
جەڭىلدىكتى باعدارلاما شاعىن جانە ورتا اۋىل شارۋاشىلىعى تاۋار وندىرۋشىلەرىنە ارنالعان, سوندىقتان باعدارلاما ءبويىنشا بىر ليزينگ الۋشىعا - 205 ملن تەڭگەدەن ارتىق بەرىلمەيدى جانە تەحنيكا ءۇش بىرلىكتەن اسپاۋى ءۇشىن ليميت بەلگىلەنگەن. ليزينگ الۋشىنى قارجىلاندىرۋ ەكى جىلدىق كەزەڭ ىشىندە ءبىر رەتتەن ارتىق بەرىلمەيدى.
«2022 جىلعى 17 تامىزدا جەڭىلدەتىلگەن ليزينگ باعدارلاماسى بويىنشا العاشقى اۋىل شارۋاشىلىعى تەحنيكاسىن قوستاناي وبلىسىندا بەرۋ جوسپارلانىپ وتىر», دەلىنگەن حابارلامادا.
