سالتاناتتى جيىنعا جەتىسۋ وبلىسىنىڭ قوعامدىق دامۋ باسقارماسى باسشىسىنىڭ مىندەتىن اتقارۋشى بولات كەرىمبەك, قاراتال اۋدانىنىڭ اكىمى ەرلان يسابەكوۆ جانە وڭتۇستىك كورەيانىڭ قازاقستانداعى باس كونسۋلى پاك نەچحون قاتىستى.
وتىز جىل ىشىندە ەكى ەل اراسىندا ەكونوميكالىق جانە مادەني-رۋحاني بايلانىستار ورنىعىپ ۇلگەردى. وسى ساپار اياسىندا باس كونسۋل پاك نەچحون باستاعان دەلەگاتسيا اۋدان حالقىمەن, كورەي ەتنوسى وكىلدەرىمەن كەزدەستى. كەزدەسۋدە سويلەگەن سوزىندە پاك نەچحون: «مەن ءوز اتىمنان جانە كورەيا مەملەكەتىنىڭ اتىنان قازاقستان حالقىنا راحمەت ايتامىن. ءبىز قازاقستان رەسپۋبليكاسىن, سونىڭ ىشىندە قاراتال اۋدانى ۇشتوبە قالاسىن قاسيەتتى دە كيەلى ايماق رەتىندە قۇرمەتتەيمىز, سونداي-اق ءبىزدىڭ التىن بەسىگىمىز دەپ سانايمىز. ويتكەنى بۇل جەر قيىن-قىستاۋ كەزەڭدە تۋعان جەرىنەن قازاقستانعا جەر اۋدارىلعان وتانداستارىمىزدى قورعاپ, ولاردىڭ ءوسىپ-وركەندەۋىنە كومەگىن تيگىزدى. ەكى ەل اراسىنداعى دوستىق قارىم-قاتىناس ودان ءارى نىعايا بەرسىن», دەدى باس كونسۋل.
كۇنى كەشە ا.پۋشكين اتىنداعى مەكتەپ عيماراتىندا كورەيالىق نيوندە كلينيكاسى مەن چۋنان ۋنيۆەرسيتەتىنىڭ دارىگەرلەرى قاراتالدىقتار ءۇشىن ورتوپەديا, تراۆموتولوگيا, حيرۋرگيا, نەيروحيرۋرگيا, نەۆرولوگيا, العاشقى مەديتسينالىق كومەك باعىتتارى بويىنشا قابىلداۋ جاساعان ەدى. ءدال وسىنداي دارىگەرلىك كەڭەس بەرۋ شاراسى تالدىقورعانداعى كوپسالالى اۋرۋحاناسىندا دا جۇرگىزىلگەن. مەرەيلى جىلعا ارنالعان شارالار لەگىن باستوبەدە كورەي حالقىنىڭ اتىنان «دوستىق» مونۋمەنتى مەن مەموريالىنىڭ سالتاناتتى اشىلۋى تۇيىندەدى. وسى ارادا مەكتەپ وقۋشىلارى اراسىندا «دوستىق» تاقىرىبىندا وتكەن بايقاۋدىڭ قورىتىندىسى شىعارىلىپ, جەڭىمپازدارى ماراپاتتالدى.
جەتىسۋ وبلىسى
