ونەر • 15 تامىز، 2022

«ازيا جاڭعىرىعى» قايتا ورالدى

167 رەت كورسەتىلدى

ەلوردادا ءبىراز جىلدان بەرى داس­تۇرگە اي­نالعان «ازيا جاڭ­عىرى­عى» اتتى XIII تسيرك ونەرى فەستيۆالى قايتا جاڭ­عىر­دى. الەمدى جاي­لاعان ىندەتكە بايلانىستى ەكى جىل ۇزىلىستەن سوڭ قاي­تا باستاۋ العان ايتۋ­لى بايقاۋعا الەمنىڭ 13 ەلىندەگى تسيرك ونەرىنىڭ ۇزدىك ارتىستەرى كەلدى. اۋ­قىم­­دى مادەني ءىس-شارانى وتكىزۋگە نۇر-سۇلتان قا­­لا­سى اكىم­دىگى قولداۋ كورسەتتى.

تسيرك – عاجايىپ ونەر، اسىرەسە ونى بالالار قىزىعىپ كورەدى. اتالعان بايقاۋ – بۇگىندە تسيرك ونەرىندەگى بەدەلدى حالىقارالىق فەستيۆالدەردىڭ بىرىنە اينالدى. جىل ساناپ اۋقىمى ارتقان بايقاۋعا بيىل فرانتسيا، يتاليا، رەسەي، بەلارۋس، ماجارستان، ۆەتنام، يزرايل، قىرعىزستان، مولدوۆا، موڭعوليا، تاجىكستان، وزبەكستان جانە وتاندىق تسيرك ونەرىنىڭ سايىپقىراندارى قاتى­سىپ، ءدۇبىرلى دودانىڭ بايراعىن كوتەردى. فەستيۆال بارىسىندا كورەرمەندەر فرانتسيا مەن ۆەتنامنان كەلگەن ايگىلى اۋە گيمناستارىنىڭ ونەرىنە تاڭعالسا، تانىمال قازاق­ستاندىق اتتى-اكروبا­تيكالىق ءانسامبلدىڭ ويىندارى دا ءوز ەرەكشەلىگىمەن جۇرتشىلىقتى ءتانتى ەتە ءبىلدى. سونداي-اق شەبەر جونگلەرلەر، اكروباتتار، ارقان بويىمەن جۇرۋشىلەر مەن ەكۆيليبريستەردىڭ ونەرى دە ەشكىمدى بەيجاي قالدىرمادى. اسىرەسە تسيرك كلوۋندارىنىڭ قىزىققا تولى ءتۇرلى ءىس-قيمىلدا­رىنا بالا­­لار ءدان ريزا بولىپ، كۇلكىگە باتتى. سونىمەن بىرگە فەستيۆالگە قاتىسۋشىلار اراسىندا «شتەين-تراپە» جانرىنىڭ ۇزدىگى، اتاقتى اۋە ەكۆيليبريسى ولەگ سپيگينتە ونەر كورسەتىپ، كورەرمەندەردىڭ ىقىلاسىنا بولەندى. ايتا كەتەيىك، بۇل جولعى بايقاۋدىڭ باعدارلاماسىندا جىرتقىش اڭدارمەن ونەر كورسەتۋ الىنىپ تاستالعان.

حالىقارالىق دەڭگەيدەگى ءىس-شارانى ۇيىمداستىرۋدىڭ باسى-قاسىندا جۇرگەن «استانا­لىق تسيركتىڭ» ديرەكتورى، قا­زاق­ستاننىڭ ەڭبەك سىڭىرگەن قاي­راتكەرى ەرىك جولجاقسىنوۆ ءوز سوزىندە بەدەلدى بايقاۋدىڭ ماڭىزىنا توقتالدى.

– «ازيا جاڭعىرىعى» فەستيۆا­لىنىڭ ءمانى دە، مازمۇنى دا بولەك. بۇل بايقاۋ ەلىمىزدەگى تسيرك ونەرىن عانا ەمەس، ەلوردانى دا الەمگە تانىتۋعا ءوز ۇلەسىن قوستى. ءبىر جاعىنان، تسيرك ارتىستەرىنە شابىت بەرەدى، جاڭا تىنىسىن اشادى. ونەر ادامى توقتاپ قالماۋ كەرەك. سول ءۇشىن وسىنداي فەستيۆالدەر وتە قاجەت. ءبىز قازىر ءار ەلدەن كەلگەن ارتىستەردىڭ ونەرىن كورىپ، تاجىريبە الماسامىز. سونداي-اق كوپتەگەن مەملەكەتتەگى ارىپتەستەرىمىزبەن شىعارما­شى­لىق بايلانىس قۇردىق. ءبىزدىڭ نەگىزگى كورەرمەندەرىمىز – بالالار. كەيدە بالالارىن ەرتىپ كەلگەن اتا-انالار تسيركتى كورىپ، تاڭعالىپ جاتادى. نەگىزى، ونەردىڭ ادەمىلىگى – تسيركتە. ءسىز تسيرك ارتىس­تەرىنىڭ ونەرىن كورىپ، ادام بويىنداعى قابىلەتتىڭ سونشالىق مول ەكەندىگىن تۇسىنەسىز، – دەدى ول.

ال رەسەي فەدەراتسياسىنىڭ قۇرامىنداعى ساحا رەسپۋبلي­كالىق مەملەكەتتىك تسيركىنىڭ ديرەكتورى، قازىلار القاسىنىڭ مۇشەسى سەرگەي راستورگۋەۆ فەس­تي­ۆالدىڭ جوعارى دەڭگەيدە ۇيىم­داستىرىلعانىن ايتىپ، ءوز ريزا­شىلىعىن ءبىلدىردى.

– ءبىزدىڭ تسيرك تەاترىمىز توق­سانىنشى جىلداردىڭ باسىندا اشىلعان. سودان بەرى تىنىم­سىز جۇمىس ىستەپ، كوپتەگەن باي­قاۋلارعا قاتىسىپ، لاۋرەات اتان­دىق. نەگىزى، ياكۋتسك قالا­سىن­دا ءۇش ءجۇز مىڭنان اسا حالىق تۇ­رادى، سونشالىقتى ۇلكەن دەپ ايتا المايمىن. سوندا دا ءبىز قالامىزعا تسيرك تەاترى كەرەك ەكەندىگىن دالەلدەي بىلدىك. تەاتر ارتىستەرى بەيجىڭدە وقىپ، ونەرىن شىڭداپ كەلدى. ءبىز دە حالىق­ارالىق فەستيۆال وتكىزە­مىز، وعان قازاقستاندىقتار دا قاتىس­تى. ەكى ونەر ورداسىنىڭ ارا­سىندا ارىپتەستىك قانا ەمەس، دوستىق بايلانىس ورناعان. ماعان «ازيا جاڭعىرىعى» بايقاۋى ەرەكشە ۇنادى. اسىرەسە ءار ەلدەن كەلگەن تسيرك ارتىستەرىنىڭ كورسەتكەن باعدارلامالارى وتە قىزىقتى، انشلاگپەن ءوتىپ جاتىر. ۇيىمداستىرۋشىلارعا العىسىم شەكسىز، – دەدى فەستيۆال قوناعى.

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار