قوعام • 13 تامىز، 2022

قىزىلوردادا سەكسەۋىلدى زاڭسىز كەسكەن تۇرعىن ۇستالدى

27 رەت كورسەتىلدى

قىزىلوردا وبلىسىندا سەكسەۋىلدى زاڭسىز كەسكەن قالا تۇرعىنى ۇستالدى، دەپ حابارلايدى Egemen.kz.

وبلىس اۋماعىندا 8-18 تامىز ارالىعىندا «كيىك» جەدەل-پروفيلاكتيكالىق ءىس-شاراسى وتەدى. ءىس-شارانىڭ ماقساتى - تابيعاتتى قورعاۋ زاڭناماسىن بۇزۋشىلىقتاردى، بيولوگيالىق رەسۋرستار وبەكتىلەرى مەن ونىمدەرىنىڭ زاڭسىز اينالىمىنىڭ الدىن الۋ.

ء«ىس-شارا اياسىندا وبلىس ورتالىعىندا 40 جاستاعى قالا تۇرعىنىنىڭ باسقارۋىنداعى Volvo جۇك كولىگى توقتاتىلدى. تەكسەرۋ بارىسىندا اۆتوكولىكتىڭ جۇك سالعىشىنان زاڭسىز كەسىلگەن سەكسەۋىل انىقتالدى. اتالعان دەرەك بويىنشا قر قىلمىستىق كودەكسىنىڭ 339-بابىنىڭ 1-بولىگىمەن سوتقا دەيىنگى تەرگەپ-تەكسەرۋ ارەكەتتەرى ءجۇرىپ جاتىر. وندا وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن، سونداي-اق پايدالانۋعا تىيىم سالىنعان تۇرلەرىمەن، ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ جاعدايى كورسەتىلگەن»، دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار