قۇرمەتتى وتانداستار!

بارشاڭىزدى وتان قور­عاۋشى كۇ­نى مەن ۇلى وتان سوعى­سى­نىڭ جەڭىسپەن اياقتال­عا­نى­نا 69 جىل تولۋ مە­رە­كەسىمەن شىن جۇرەكتەن قۇتتىقتايمىز! شۋاقتى كوكتەم كۇندەرىندە قاتار اتالىپ وتەتىن قوس مەرەكەنىڭ تاۋەلسىز قازاقستان ازاماتتارى ءۇشىن الاتىن ورنى ەرەكشە. وتان قورعاۋشى كۇنى – بەيبىت كۇندە ەل تىنىشتىعىن قورعاعان ازاماتتارىمىزدىڭ مەرەكەسى بولسا, جەڭىس كۇنى – حالقىمىزدى فاشيست باسقىنشىلارىنان قورعاپ قالعان قاھارمان جاۋىنگەرلەردىڭ ەرلىگىنە تاعزىم ەتەتىن ۇلى مەيرام. ءبىز الەمدى فاشيزمنەن ازات ەتۋ ءۇشىن سوعىسقان باتىر بابالارىمىزدىڭ الدىندا ماڭگى قارىزدارمىز. قازاقستاندىق جاۋىنگەرلەر شەشۋشى شايقاستارعا قاتىسىپ, ەرلىكتىڭ ەرەن ۇلگىلەرىن كورسەتتى. تىلداعى حالىق تا جان اياماي ەڭبەك ەتىپ, جەڭىس كۇنىن جاقىنداتا ءتۇستى. وسى كەزەڭدەردىڭ تاريحى ماڭگىلىك حالىق جادىندا. ۇلى جەڭىس ءۇشىن بولعان كۇرەس حال­قى­مىزدىڭ بۇگىنگى اۋىزبىرشىلىگى مەن تىنىش­تىعىن قىزعىشتاي قورعاپ, ساقتاپ قالۋعا زور امانات جۇكتەيدى. ەلباسى, «نۇر وتان» پارتياسىنىڭ ءتورا­عاسى نۇرسۇلتان نازارباەۆ قازاقستان حال­قى اس­سام­بلەياسىنىڭ XXI سەسسياسىندا «ءبىز ۇلى وتان سوعىسىنا قاتىسقان بارلىق قا­زاق­ستاندىق باتىرلاردىڭ اتى-جوندەرىن ءبىلىپ, ولاردى قۇرمەتتەۋگە مىندەتتىمىز», دەپ اتاپ ءوتتى. وتان ءۇشىن وتقا تۇسكەن, ۇلى جەڭىس ءۇشىن تىل مايدانىندا ايانباي ەڭبەك ەتكەن ار­دا­گەر­لەرىمىزدى ارداقتاۋ – بارشامىزدىڭ ازاماتتىق بورىشىمىز, وسكەلەڭ ۇرپاققا كورسەتەر ۇلگى-ونەگە. قۇرمەتتى مايدانگەرلەر مەن تىل ارداگەرلەرى! سىزدەرگە شىن جۇرەكتەن زور دەنساۋلىق, مول باقىت, دەندەرىڭىزگە ساۋلىق, وتباسى­لارى­ڭىزعا اماندىق تىلەيمىز! «نۇر وتان» پارتياسىنىڭ  ساياسي كەڭەسى.