ەلوردا • 12 تامىز، 2022

ەلوردادا ورتالىق ازياداعى ەڭ ۇلكەن مەشىت اشىلدى

160 رەت كورسەتىلدى

بۇگىن ەلوردادا ورتالىق ازياداعى ەڭ ۇلكەن مەشىتتىڭ اشىلۋ سالتاناتى ءوتتى. ءىس-شاراعا قر تۇڭعىش پرەزيدەنتى نۇرسۇلتان نازارباەۆ قاتىستى، دەپ حابارلايدى Egemen.kz.

فوتو: الەنا بۋتەنكو

«بۇگىن قاسيەتتى جۇما كۇنى ەلوردامىزدا ەڭسەلى مەشىت اشىلىپ وتىر. بۇل ەلوردامىز نۇر-سۇلتان قالاسىنىڭ باس مەشىتى دەپ اتالادى. تاۋەلسىزدىك داۋىرىندە ءبىزدى قولداعان، ەلىمىزدى ەل قىلۋعا جار بولعان اللا تاعالاعا دەگەن قۇرمەتىمىزبەن مەن وسى مەشىتتى سالۋعا نيەت جاسادىم. بۇل باس قالامىز عانا ەمەس، بۇكىل ەلىمىز، بارلىق مۇسىلمان قاۋىمى ءۇشىن ماڭىزدى وقيعا»،  دەدى نۇرسۇلتان نازارباەۆ.

سونداي-اق ول كەيىنگى 30 جىلدا باس قالادا ەڭسەلى كوپ نىساندار بوي كوتەرگەنىن ايتتى.

«ونىڭ ىشىندەگى بۇل مەشىتتىڭ ورنى جەكە دارا دەپ سانايمىن. تاۋەلسىزدىك تاڭى اتقاننان بەرى ەلىمىزدىڭ ءار تۇپكىرىندە مەشىتتەر اشىلىپ، جاماعاتتى ريزا قىلعانى بارىمىزگە بەلگىلى. سول مەشىتەردە وقىلعان نامازدار مەن دۇعالاردى اللا قابىل ەتسىن. مەن مەملەكەت باسشىسى رەتىندە وكىلەتتىگىمدى توقتاتۋدان ءبىر كۇن بۇرىن، 2019 جىلعى ناۋرىزدا وسى مەشىتتىڭ العاشقى كىرپىشىن قالادىم. سول ساتتە مەنىڭ قاسىمدا قازىرگى پرەزيدەنتىمىز قاسىم-جومارت توقاەۆ بولدى. اللاعا جۇگىنىپ، ريزاشىلىعىمىزدى ءبىلدىرىپ، بولاشاقتا حالقىمىزدىڭ تاۋەلسىزدىگى مەن ەركىندىگى ۇزاعىنان بولسىن دەپ تىلەدىك. اسىل دىنىمىزگە وسىنشا قولداۋ كورسەتۋدى ءاۋ باستان مۇسىلماندىق مىندەتىم، حالقىمنىڭ الدىنداعى پەرزەنتتىك پارىزىم دەپ ءبىلدىم»، دەدى ول.

ايتا كەتسەك، مەشىتتىڭ باس كۇمبەزىنىڭ بيىكتىگى 90 مەترگە جۋىق، ال مۇنارالارى 130 مەتر. قۇلشىلىق ۇيىنە 30 مىڭ ادامعا دەيىن سىيادى.

 

 

 

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار