قازاقستان • 12 تامىز، 2022

سولتۇستىككورەيالىق كيبەرتوپ قازاقستاندىق كومپانيالارعا شابۋىل جاساعان

81 رەت كورسەتىلدى

كومپيۋتەرلىك ۆيرۋستاردان قورعاۋ جۇيەسىن ازىرلەۋگە ماماندانعان كومپانيانىڭ ساراپشىلارى جاڭا Andariel شابۋىلدارىن انىقتادى. بۇل Lazarus قۇرامىنا كىرەتىن سولتۇستىككورەيالىق كيبەرتوپتىڭ شابۋىلى ەكەنى انىقتالدى، دەپ حابارلايدى Egemen.kz.

شابۋىل جاساۋ كەزىندە ولار بەلگىلى DTrack باعدارلاماسىنىڭ موديفيكاتسياسىن، سونداي-اق جاڭا Maui تولەم قۇرالىن پايدالانادى. كيبەرتوپ اقش، جاپونيا، ءۇندىستان، ۆەتنام، رەسەي جانە قازاقستانداعى ءىرى ۇيىمداردى نىساناعا العان.

Andariel ناقتى كومپانيالارعا نازار اۋدارمايدى، شابۋىلداۋشىلار ءۇشىن ەڭ باستىسى - ۇيىمنىڭ قارجىلىق جاعدايى. توپ ون جىلدان استام جۇمىس ىستەپ كەلەدى. 2022 جىلى دا زياندى باعدارلامالار ارسەنالىن جانە شابۋىل گەوگرافياسىن كەڭەيتۋدى جالعاستىرۋدا.

اقش-تىڭ كيبەرقاۋىپسىزدىك جانە ينفراقۇرىلىمدى قورعاۋ اگەنتتىگىنىڭ شىلدە ايىنداعى ەسەبىندە Andariel ۇكىمەتتىك جانە دەنساۋلىق ساقتاۋ ۇيىمدارىنا Maui تولەم باعدارلاماسى ارقىلى شابۋىل جاساعانى كورسەتىلگەن.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار