ايماقتار • 12 تامىز، 2022

الماتىدا ەسىرتكى قولدانعان اۆتوبۋس جۇرگىزۋشىسى ۇستالدى

28 رەت كورسەتىلدى

الماتىدا 118-ءشى باعىتتاعى قوعامدىق كولىك جۇرگىزۋشىسى ەسىرتكىگە ماس كۇيىندە جولاۋشىلاردى تاسىمالداعان، دەپ حابارلايدى Egemen.kz Polisia.kz سايتىنا سىلتەمە جاساپ.

«جۇرگىزۋشىنىڭ ارەكەتى كۇدىك تۋعىزدى. ونى مەديتسينالىق تەكسەرۋدەن وتكىزۋ ءۇشىن ەرتىپ باردى، ساراپتاما قورىتىندىسى بويىنشا ناركولوگ-دارىگەرلەر ونىڭ ەسىرتكىگە ماس بولعانىن انىقتادى. جۇرگىزۋشى بىردەن قوعامدىق كولىكتى باسقارۋدان شەتتەتىلدى. الماتى قالاسى بويىنشا مامانداندىرىلعان اۋدانارالىق اكىمشىلىك سوتىنىڭ شەشىمىمەن ەر ادام 8 جىل مەرزىمگە كولىك قۇرالىن باسقارۋ قۇقىعىنان ايىرىلدى، سونىمەن قاتار 15 تاۋلىككە اكىمشىلىك قاماققا الىندى. قوعامدىق كولىك مامانداندىرىلعان ايىپپۇل تۇراعىنا قويىلدى»، دەدى اكىمشىلىك پوليتسيا باسقارماسى باستىعىنىڭ ورىنباسارى داۋلەت سەيىتقۇلوۆ.

سونداي-اق ەسىرتكىگە ماساڭ كۇيدەگى جۇرگىزۋشىنى قاتارعا شىعارۋعا رۇقسات بەرگەن اۆتوكاسىپورىننىڭ مەديتسينا قىزمەتكەرىنە قاتىستى قر اقبك-ءنىڭ 619-بابىنا سايكەس اكىمشىلىك شارا قولدانىلدى. اۆتوبۋس جۇرگىزۋشىسىنە 150 مىڭ تەڭگە كولەمىندە ايىپپۇل سالىندى.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار