ايماقتار • 12 تامىز، 2022

سولتۇستىككە كوشىپ كەلۋشىلەردىڭ جاعدايىمەن تانىستى

72 رەت كورسەتىلدى

ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا سولتۇستىك قازاقستان وبلىسىنا جۇمىس ساپارى بارىسىندا كەللەروۆكا اۋىلىندا بولىپ، ەڭبەك رەسۋرستارىنىڭ ۇتقىرلىعىن ارتتىرۋ اياسىندا وڭىرگە وڭتۇستىك وبلىستاردان كوشىپ كەلگەن ازاماتتاردىڭ ءومىر ءسۇرۋ جاعدايىمەن تانىستى.

ت.دۇيسەنوۆا تايىنشا اۋدانى كەللەروۆكا اۋىلىنىڭ اكتيۆىمەن كەزدەسۋ وتكىزدى. جيىن بارىسىندا مەملەكەت باسشىسىنىڭ الەۋمەتتىك-ەڭبەك سالاسى، حالىقتى الەۋمەتتىك قولداۋ جانە جۇمىسپەن قامتۋ شارالارى جونىندەگى تاپسىرمالارىن ىسكە اسىرۋ تۋرالى ايتتى.

مينيستر سونداي-اق ەڭبەك رەسۋرستارىنىڭ ۇتقىرلىعىن ارتتىرۋ اياسىندا رەسپۋبليكانىڭ وڭتۇستىك وڭىرلەرىنەن سولتۇستىك قازاقستانعا كوشىپ كەلگەن اۋىل تۇرعىندارىن ارالادى.

2016 جىلدان باستاپ، جۇ­مىس كۇشى ارتىق وڭىرلەردەن جۇمىس كۇشى تاپشى وڭىرلەرگە ازاماتتاردىڭ ەرىكتى تۇردە قونىس اۋدارۋى بويىن­شا ءىس-شارالار جۇزەگە اسىرىلا باستاعاننان بەرى سولتۇستىك قازاقستان وبلىسىنا 287 وتباسى (959 ادام)، ونىڭ ىشىندە 2022 جىلدىڭ باسىنان باستاپ 25 وتباسى (94 ادام) كوشىپ كەلدى. كەللەروۆكا اۋىلدىق وكرۋگىنە 22 وتباسى (85 ادام)، ونىڭ ىشىندە وسى جىلى 4 وتباسى (17 ادام) كەلدى.

كەللەروۆكا اۋىلىندا قالۋ تۋرالى شەشىم قابىلداعان بارلىق قونىس اۋدارۋشى تۇرعىن ۇيمەن قامتاماسىز ەتىلدى. ەڭبەككە قابىلەتتى جاستاعى 34 قونىس اۋدا­رۋ­شىنىڭ 23-ءى تۇراقتى جۇمىس ورىن­دارىنا ورنالاستىرىلدى، 5 ادام ءوز ءىسىن اشتى، 6 ادام بالا كۇتىمىمەن جانە ءۇي شارۋاشىلىعىن جۇرگىزۋمەن اينالىسادى.

قونىس اۋدارۋشىلار وتبا­سىلارىنىڭ بالالارى بالاباقشا مەن مەكتەپكە ورنالاستىرىلعان.

قونىس اۋدارۋشىلاردىڭ ءومىر ءسۇرۋ جاعدايىمەن تا­نىسقان ت.دۇي­سەنوۆا ەڭبەك رەسۋرس­تارىنىڭ ۇتقى­ر­لىعىن ارتتىرۋ شەڭبەرىندەگى شارا­لاردى ىسكە اسىرۋدىڭ وڭ ناتي­جەلەرىن اتاپ ءوتتى.

«باستاپقىدا بۇل شارالار ناتي­جەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى شەڭ­بەرىندە كوز­دەلگەن بولاتىن. بيىلدان باستاپ بۇل «قۋاتتى وڭىر­لەر – ەل دامۋىنىڭ درايۆەرى» ۇلتتىق جوباسى شەڭبەرىندە ىسكە اسىرىلۋدا. ەرىكتى تۇردە قونىس اۋدارۋ ەكى ماسەلەنى شەشۋگە مۇمكىندىك بەرەدى: ءوز وڭىرلەرىندە جۇمىسقا ورنالاسا الماعان قازاقستاندىقتاردى جۇمىسپەن جانە جۇمىس بەرۋشىلەردى قاجەتتى ەڭبەك رەسۋرستارىمەن قامتاماسىز ەتۋ. كەللەروۆكا اۋىلىنىڭ ۇلگىسىندە قونىس اۋدارۋشىلار ءۇشىن جاقسى ءومىر سۇرۋگە بارلىق قاجەتتى جاع­دايلار جاسالعانى بايقالادى»، دەدى ەڭبەك جانە حالىقتى الەۋ­مەتتىك قورعاۋ ءمي­نيسترى.

ەستەرىڭىزگە سالا كەتەيىك، وڭىر­ارالىق ەرىكتى قونىس اۋدارۋعا جۇ­مىس ىزدەپ جۇرگەن ادامدار، جۇ­مىس­سىزدار جانە ولاردىڭ وتباسى مۇشەلەرى قاتىسادى.

«قۋاتتى وڭىرلەر – ەل دامۋى­نىڭ درايۆەرى» ۇلتتىق جوباسىمەن (بۇدان ءارى – ۇلتتىق جوبا) الماتى، جامبىل، ماڭعىستاۋ، تۇر­كىستان، قىزىلوردا وبلىستارى، سونداي-اق الماتى، شىمكەنت جانە نۇر-سۇلتان قالالارى قونىس اۋدارۋشىلاردىڭ شىعۋ وڭىرلەرى بولىپ ايقىندالدى. قانداستار مەن قونىس اۋدارۋشىلاردى قابىلداۋ وڭىرلەرى: اقمولا، قاراعاندى، شى­عىس قازاقستان، قوستاناي، پاۆلودار، سولتۇستىك قازاقستان وبلىستارى.

ۇلتتىق جوبا شەڭبەرىندە ەرىكتى تۇردە قونىس اۋدارۋعا قاتىسۋشىلار ءۇشىن سۋبسيديالار تۇرىندە مىناداي مەملەكەتتىك قولداۋ شارالارى ۇسىنىلادى:

- وتباسىنىڭ ءاربىر مۇشەسىنە كوشۋگە 70 اەك مولشەرىندە بىرجول­عى تولەم (2022 جىلى – 222،6 مىڭ تەڭگە);

- تۇرعىن ءۇيدى جالداۋ جانە كوممۋنالدىق قىزمەتتەرگە اقى تولەۋ شىعىندارىن جابۋ ءۇشىن تولەم 1 جىل ىشىندە اي سايىن تولەنەدى. تولەم مولشەرى قالاعا قونىس اۋدارعاندار ءۇشىن ءبىر ادام ءۇشىن 20 اەك-تەن (61،3 مىڭ تەڭگە)، وتباسى مۇشەلەرىنىڭ سانى بەس جانە ودان كوپ ادام بولسا 30 اەك-كە (91،9 مىڭ تەڭگە) دەيىن، اۋىلدىق جەرلەرگە قونىس اۋدارعاندار ءۇشىن – ءبىر ادامعا 15 اەك-تەن (45،9 مىڭ تەڭگە) باستاپ، وتباسى مۇشەلەرىنىڭ سانى بەس جانە ودان كوپ بولسا 21 اەك-كە دەيىن (64،3 مىڭ تەڭگە) قۇرايدى.

ەرىكتى قونىس اۋدارۋشىلارعا جۇمىس ورىندارى جانە جۇمىسپەن قامتۋعا جاردەمدەسۋدىڭ باسقا دا شارالارى ۇسىنىلادى.

وڭىرارالىق قونىس اۋدارۋعا جاردەم كورسەتەتىن جۇمىس بەرۋ­شىلەرگە كەمىندە 2 جىل مەرزىمگە تۇ­راقتى جۇمىسقا ورنالاسقان جانە تۇرعىن ۇيمەن قامتاماسىز ەتىلگەن ءاربىر قىزمەتكەر ءۇشىن 400 اەك مولشەرىندە جۇمىسقا ورنالاسۋعا بىرجولعى سۋبسيديا تۇرىندە مەملەكەتتىك قولداۋ شارالارى كورسەتىلەدى. سونداي-اق مەملەكەت جۇمىس بەرۋشىلەرگە قونىس اۋدارۋشىلار ءۇشىن اۋىلدىق جەرلەردە جاڭا تۇرعىن ءۇي سالۋعا جۇمسالعان شىعىننىڭ 50%-ىنا دەيىن سۋبسيديالايدى.

 

سولتۇستىك قازاقستان وبلىسى

سوڭعى جاڭالىقتار

ەل بىرىنشىلىگى باستالدى

بوكس • بۇگىن، 07:42

دۋبايدا دايىندالادى

تەننيس • بۇگىن، 07:40

«بارىس» تاعى جەڭىلدى

حوككەي • بۇگىن، 07:39

كىشكەنتاي قۇتقارۋشى

قوعام • بۇگىن، 07:38

جاساندى جۇرەك تە ءومىردى ۇزارتادى

مەديتسينا • بۇگىن، 07:37

كارديولوگتەر ەنگىزگەن تەحنولوگيا

مەديتسينا • بۇگىن، 07:35

جىلۋ قۇبىرىنداعى اپات

ايماقتار • بۇگىن، 07:32

مۇز قۇرسانعان ەكىباستۇز

ايماقتار • كەشە

ءۇمىت ساۋلەسى

ساياسات • كەشە

ساڭلاقتىڭ سوڭعى سامعاۋى

قازاقستان • كەشە

ۇقساس جاڭالىقتار