ەلوردا • 11 تامىز، 2022

ەلوردالىق ءورت سوندىرۋشىلەر ءورت-تاكتيكالىق وقۋ-جاتتىعۋ وتكىزدى

31 رەت كورسەتىلدى

نۇر-سۇلتان قالاسى تج دەپارتامەنتى «MEGA Silk Way» COO-نىڭ ورتكە قارسى قىزمەتىمەن بىرلەسىپ، تولىق كولەمدە ءورت-تاكتيكالىق وقۋ-جاتتىعۋ وتكىزدى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

وقۋ-جاتتىعۋ بارىسىندا يميتاتسيالانعان ءورتتى جويۋ جانە ادامدار مەن م ۇلىكتى قاۋىپسىز ەۆاكۋاتسيالاۋ بويىنشا ورتكە قارسى قىزمەت بولىمشەلەرى مەن ساۋدا ويىن-ساۋىق ورتالىعىنىڭ جەكە قۇرامىنىڭ ءوزارا ءىس-قيمىلى تەكسەرىلدى.

جاتتىعۋ ستسەناريى بويىنشا سوو-نىڭ ەكىنشى قاباتىندا ورنالاسقان بۋتيكتەردىڭ بىرىندە ءورت شىعىپ، ودان ءارى ىرگەلەس اۋماققا تاراعان. ارى قاراي سوو قىزمەتكەرلەرى ءورتتى انىقتاپ، ءورت ءسوندىرۋ قىزمەتىنە حابار بەرىپ، عيماراتتان ادامداردى ەۆاكۋاتسيالاۋعا كىرىسكەن. ءورت ءسوندىرۋ ءبولىمىنىڭ قىزمەتكەرلەرى مەن MEGA Silk Way سوو-نىڭ ءورت ءسوندىرۋ قىزمەتىنىڭ كۇشتەرىمەن ءورت ءساتتى ءسوندىرىلدى. وقۋ-جاتتىعۋعا بارلىعى جەكە قۇرامنان 35 ادام جانە 10 تەحنيكا جۇمىلدىرىلدى.

وقۋ-جاتتىعۋلاردىڭ نەگىزگى ماقساتى – جۇرتتى ەۆاكۋاتسيالاۋ جانە ادام كوپ جينالاتىن عيماراتتاعى ءورتتى ءسوندىرۋ ادىستەرى مەن تاسىلدەرىن ازىرلەۋ. سونداي-اق وقۋ-جاتتىعۋ بارىسىندا يميتاتسيالانعان ءورتتى جويۋ جانە ادامداردى عيماراتتان قاۋىپسىز ەۆاكۋاتسيالاۋ بويىنشا سوو ءتيىستى قىزمەتىنىڭ دايىندىعى تەكسەرىلدى، سونىمەن قاتار ساۋدا ورتالىعىنىڭ تەحنيكالىق جابدىقتارى مەن ەسكەرتۋ جۇيەسى سىناقتان ءوتتى.

 

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

ۇقساس جاڭالىقتار