ايماق باسشىسى سامات ەسكەندىروۆ اقجار اۋدانىنداعى جۇمىس ساپارىن لەنينگراد اۋىلدىق وكرۋگىندە تۇراتىن ەكى قارت مايدانگەردىڭ حال-جاعدايىن بىلۋدەن باستادى. ولارعا ەلباسى نۇرسۇلتان نازارباەۆتىڭ ۇلى جەڭىستىڭ 69 جانە 70 جىلدىعىن لايىقتى اتاپ وتۋگە جەرگىلىكتى بيلىك ورىندارىنا ارنايى تاپسىرما بەرگەنىن جەتكىزە كەلىپ, قوس قارياعا ءوز اتىنان ءبىر-ءبىر تەلەديداردى سىيعا تارتتى.
– جىل وتكەن سايىن شىبىن جانىن شۇبەرەككە ءتۇيىپ, وت پەن وقتىڭ اراسىندا جۇرگەن جاۋىنگەرلەردىڭ سانى ازايىپ كەلەدى. بۇگىندە قىزىلجار ءوڭىرىندە 334, اقجار اۋدانىندا 5-ەۋ عانا قالعان. سوندىقتان ءفاشيزمدى ۇياسىندا تالقانداپ, جەڭىس تۋىن جەلبىرەتكەن مايدانگەرلەرگە قامقورلىق ەشقاشان ۇزىلمەيدى. ونىڭ ناقتى ايعاعى رەتىندە سوعىسقا قاتىسۋشىلار مەن مۇگەدەكتەرگە جەرگىلىكتى قازىنادان 57,7 ميلليون تەڭگە مولشەرىندە الەۋمەتتىك كومەك كورسەتىلەتىنىن اتاپ وتكىم كەلەدى. قايىرىمدىلىق سەنبىلىكتەردەن جينالعان قاراجاتتان 8,6 ميلليون تەڭگە جانە بولىنەدى. سوندا ارقايسىسى 117 500 تەڭگە كولەمىندە قارجىلىق قولداۋعا يە بولادى. بۇدان تىسقارى سوعىسقا قاتىسۋشىلارعا تەڭەستىرىلگەن 1854 ادامعا 17,2 ميلليون تەڭگە الەۋمەتتىك قولداۋ قاراستىرىلىپ, 9260 تەڭگەدەن بەرىلەدى, – دەدى وبلىس اكىمى.
90-دى القىمداعان قاريالاردىڭ ءبىرى ءجۇسىپوۆ ەردەنباي اقساقال /سۋرەتتە وڭ جاقتا/ جاسىنىڭ ۇلعايعانىنا قاراماستان ءالى كۇنگە دەيىن سالاماتتى ءومىر سالتىن ۇستاناتىنىن, كۇنىنە ءۇش شاقىرىم جاياۋ جۇرەتىنىن, ءالى كۇنگە دەيىن باسىمەن جەرگە تىك تۇرۋ سەكىلدى دەنە جاتتىعۋلارىن جاسايتىنىن ايتسا, يمانمالىك ماشراپوۆ اقساقال وتانىمىزعا تىنىشتىق, بەرەكە-ىنتىماق تىلەپ, پرەزيدەنتكە دەگەن شىنايى العىسىن ءبىلدىردى.
لەنينگراد – ءبىر كەزدەرى اۋدان ورتالىعى بولعان ەلدى مەكەن. قازىر وسى اتتاس اۋىلدىق وكرۋگتىڭ اتىن يەلەنەدى. 5311 ادام تۇرادى. مادەنيەت نىساندارى, ەكى شاعىن ورتالىق, كاسىپتىك-تەحنيكالىق كوللەدج, بىرنەشە ساۋدا نۇكتەلەرى جۇمىس ىستەيدى. «جاڭاباەۆ» جەكە كاسىپكەرلىگىنە جەتەكشىلىك ەتەتىن بەكايدار جاڭاباەۆ بىلتىر اگروبانكتىڭ يەسىز قالعان عيماراتىن قالپىنا كەلتىرىپ, كەشەندى ساۋدا ورتالىعىنا اينالدىرىپتى. ول ءۇشىن «بيزنەستىڭ جول كارتاسى-2020» باعدارلاماسى شەڭبەرىندە جەڭىلدىكتى نەسيە الىپ, 25 ادامعا تۇراقتى جۇمىس تاۋىپ بەرگەن. مۇندا ناۋبايحانا, كونديتەر تسەحى, اياق-كيىم جوندەۋ شەبەرحاناسى ورنالاسقان. جۋىردا پايدالانۋعا بەرىلگەن16 پاتەرلى ءۇي ءبىرىنشى كەزەكتە جەتىم بالالار مەن جاس ماماندارعا بەرىلگەن. سامات ساپاربەك ۇلى 125 ءبۇلدىرشىن تاربيەلەنىپ جاتقان «ەركەتاي» بالاباقشاسىنا سوعىپ, تارتۋ-تارالعى جاسادى. جىلىنا 340 مىڭ توننا كۆارتس قۇمىن وندىرۋگە قاۋقارلى «اقتوبە گلاس» فيرماسىنىڭ جۇمىسىمەن تانىستى.
اۋدانداعى جۇمىس ساپارىنان ورالىسىمەن وبلىستىق ارداگەرلەر كەڭەسىنىڭ كەڭەيتىلگەن تورالقا ماجىلىسىنە قاتىسقان س. ەسكەندىروۆ سوعىس مۇگەدەكتەرى مەن ارداگەرلەردى تولعانتاتىن ماسەلەلەردى مۇقيات تىڭداپ العاننان كەيىن ۇلى جەڭىسكە دايىندىق بارىسى جايلى جان-جاقتى حاباردار ەتتى. كەشەندى ءىس-شارالاردا ارداگەرلەردىڭ الەۋمەتتىك تۇرمىسىن, ءومىر ساپاسىن جاقسارتۋ جايىنا جەتكىلىكتى كوڭىل اۋدارىلعان. اتاپ ايتقاندا, ەسكى ۇيلەردە تۇرىپ جاتقان قارتتار ءۇشىن كەلەسى جىلدان باستاپ 100 مىڭ تەڭگەدەن جاردەماقى تولەنەدى. «جەڭىس» ساياباعىن جاڭعىرتۋ جالعاسىن تابادى. سوعىس قاھارماندارىنا ارنالىپ ستەللا ورناتىلادى. ەسىمدەرى ەسكەرتكىش تاقتاعا جازىلادى. كوشەلەرگە اتتارىن بەرۋ, ارداگەرلەر ءۇيىن سالۋ ۇسىنىستارى دا قولداۋ تاپتى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
سۋرەتتى تۇسىرگەن تالعات تانىباەۆ.
90-دى القىمداعان قاريالاردىڭ ءبىرى ءجۇسىپوۆ ەردەنباي اقساقال /سۋرەتتە وڭ جاقتا/ جاسىنىڭ ۇلعايعانىنا قاراماستان ءالى كۇنگە دەيىن سالاماتتى ءومىر سالتىن ۇستاناتىنىن, كۇنىنە ءۇش شاقىرىم جاياۋ جۇرەتىنىن, ءالى كۇنگە دەيىن باسىمەن جەرگە تىك تۇرۋ سەكىلدى دەنە جاتتىعۋلارىن جاسايتىنىن ايتسا, يمانمالىك ماشراپوۆ اقساقال وتانىمىزعا تىنىشتىق, بەرەكە-ىنتىماق تىلەپ, پرەزيدەنتكە دەگەن شىنايى العىسىن ءبىلدىردى.
لەنينگراد – ءبىر كەزدەرى اۋدان ورتالىعى بولعان ەلدى مەكەن. قازىر وسى اتتاس اۋىلدىق وكرۋگتىڭ اتىن يەلەنەدى. 5311 ادام تۇرادى. مادەنيەت نىساندارى, ەكى شاعىن ورتالىق, كاسىپتىك-تەحنيكالىق كوللەدج, بىرنەشە ساۋدا نۇكتەلەرى جۇمىس ىستەيدى. «جاڭاباەۆ» جەكە كاسىپكەرلىگىنە جەتەكشىلىك ەتەتىن بەكايدار جاڭاباەۆ بىلتىر اگروبانكتىڭ يەسىز قالعان عيماراتىن قالپىنا كەلتىرىپ, كەشەندى ساۋدا ورتالىعىنا اينالدىرىپتى. ول ءۇشىن «بيزنەستىڭ جول كارتاسى-2020» باعدارلاماسى شەڭبەرىندە جەڭىلدىكتى نەسيە الىپ, 25 ادامعا تۇراقتى جۇمىس تاۋىپ بەرگەن. مۇندا ناۋبايحانا, كونديتەر تسەحى, اياق-كيىم جوندەۋ شەبەرحاناسى ورنالاسقان. جۋىردا پايدالانۋعا بەرىلگەن16 پاتەرلى ءۇي ءبىرىنشى كەزەكتە جەتىم بالالار مەن جاس ماماندارعا بەرىلگەن. سامات ساپاربەك ۇلى 125 ءبۇلدىرشىن تاربيەلەنىپ جاتقان «ەركەتاي» بالاباقشاسىنا سوعىپ, تارتۋ-تارالعى جاسادى. جىلىنا 340 مىڭ توننا كۆارتس قۇمىن وندىرۋگە قاۋقارلى «اقتوبە گلاس» فيرماسىنىڭ جۇمىسىمەن تانىستى.
اۋدانداعى جۇمىس ساپارىنان ورالىسىمەن وبلىستىق ارداگەرلەر كەڭەسىنىڭ كەڭەيتىلگەن تورالقا ماجىلىسىنە قاتىسقان س. ەسكەندىروۆ سوعىس مۇگەدەكتەرى مەن ارداگەرلەردى تولعانتاتىن ماسەلەلەردى مۇقيات تىڭداپ العاننان كەيىن ۇلى جەڭىسكە دايىندىق بارىسى جايلى جان-جاقتى حاباردار ەتتى. كەشەندى ءىس-شارالاردا ارداگەرلەردىڭ الەۋمەتتىك تۇرمىسىن, ءومىر ساپاسىن جاقسارتۋ جايىنا جەتكىلىكتى كوڭىل اۋدارىلعان. اتاپ ايتقاندا, ەسكى ۇيلەردە تۇرىپ جاتقان قارتتار ءۇشىن كەلەسى جىلدان باستاپ 100 مىڭ تەڭگەدەن جاردەماقى تولەنەدى. «جەڭىس» ساياباعىن جاڭعىرتۋ جالعاسىن تابادى. سوعىس قاھارماندارىنا ارنالىپ ستەللا ورناتىلادى. ەسىمدەرى ەسكەرتكىش تاقتاعا جازىلادى. كوشەلەرگە اتتارىن بەرۋ, ارداگەرلەر ءۇيىن سالۋ ۇسىنىستارى دا قولداۋ تاپتى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
سۋرەتتى تۇسىرگەن تالعات تانىباەۆ.
