گۇلبارشىن تەرگەۋبەكوۆا جاڭا كليپ ءتۇسىردى
سوڭعى جىلدارى قاسىم امانجولوۆتىڭ شىعارماشىلىعىن ناسيحاتتاۋعا بىلەك سىبانىپ كىرىسىپ جۇرگەن بەلگىلى ءداستۇرلى جانە ەسترادا ءانشىسى گۇلبارشىن تەرگەۋبەكوۆا ەندى قازاقتىڭ داۋىلپاز اقىنى قاسىم امانجولوۆتىڭ سوزىنە جازىلعان, كومپوزيتور ءابىلاحات ەسپاەۆتىڭ «اق ساۋلە» اتتى انىنە بەينەبايان ءتۇسىردى.
الدىمەن مىنا ءبىر قىزىق دەرەكتى بايانداي كەتكەن ارتىق بولماس. گۇلبارشىننىڭ ارعى باباسى – اتاقتى توبە بيلەردىڭ ءبىرى – قاز داۋىستى قازىبەك بي. ول بىلاي تارالادى: قاراكەسەكتىڭ شانشارىنان كەلدىبەك, ودان قازىبەك بي, ءبيدىڭ ۇرپاعى سىرىمبەتتەن توقتىباي, ونىڭ ۇلى ءبىتىم, بىتىمنەن تەرگەۋبەك, تەرگەۋبەكتەن مۇحامەديار, مۇحامەدياردان ىبىراي. ىبىراي — گۇلبارشىن تەرگەۋبەكوۆانىڭ اكەسى.
ءوزىنىڭ شىققان تەگىن ماقتان تۇتاتىن ءانشى سوڭعى ون بەس جىلدا تەك شىعارماشىلىقپەن اينالىسىپ كەلەدى. ونىڭ رەپەرتۋارىندا قۇيقىلجىعان ارقا اندەرىمەن قاتار, بۇگىنگى زاماناۋي ەسترادالىق اندەر دە بار. ءبىرجان سال, اقان سەرى, ەستاي, ءمادي, مايرا, ۇكىلى ىبىراي جانە قاسىم امانجولوۆ اندەرى گۇلبارشىننىڭ ورىنداۋىندا اسا ءبىر حالىقتىق ورىنداۋشىلىق سيپاتقا يە بولادى.
سونىمەن جاڭا كليپ الماتىداعى اباي اتىنداعى مەملەكەتتىك اكادەميالىق وپەرا جانە بالەت تەاترىندا تۇسىرىلگەن. بەيناباياننىڭ قويۋشى رەجيسسەرى – جازۋشى, كينودراماتۋرگ, تەلەجۇرگىزۋشى ديدار امانتاي.
بەينەباياندى جاساۋشىلار ونى ءاننىڭ ليريكالىق مازمۇنىنا ساي بيمەن كوركەمدەۋگە ۇمتىلعان. قازىردىڭ وزىندە كليپ بىرقاتار وتاندىق تەلەارنالاردان كورسەتىلە باستادى.
حالىقارالىق جانە رەسپۋبليكالىق كونكۋرستاردىڭ لاۋرەاتى اتانعان گۇلبارشىن تەرگەۋبەكوۆا ءۇش جىلدان بەرى «قاسىمنىڭ اندەرى-اي» اتتى كونتسەرتتىك جوبانىڭ اۆتورى جانە پروديۋسەرى رەتىندە تانىلىپ ءجۇر.
ايناش ەسالي,
«ەگەمەن قازاقستان».
الماتى.
سوڭعى جىلدارى قاسىم امانجولوۆتىڭ شىعارماشىلىعىن ناسيحاتتاۋعا بىلەك سىبانىپ كىرىسىپ جۇرگەن بەلگىلى ءداستۇرلى جانە ەسترادا ءانشىسى گۇلبارشىن تەرگەۋبەكوۆا ەندى قازاقتىڭ داۋىلپاز اقىنى قاسىم امانجولوۆتىڭ سوزىنە جازىلعان, كومپوزيتور ءابىلاحات ەسپاەۆتىڭ «اق ساۋلە» اتتى انىنە بەينەبايان ءتۇسىردى.
الدىمەن مىنا ءبىر قىزىق دەرەكتى بايانداي كەتكەن ارتىق بولماس. گۇلبارشىننىڭ ارعى باباسى – اتاقتى توبە بيلەردىڭ ءبىرى – قاز داۋىستى قازىبەك بي. ول بىلاي تارالادى: قاراكەسەكتىڭ شانشارىنان كەلدىبەك, ودان قازىبەك بي, ءبيدىڭ ۇرپاعى سىرىمبەتتەن توقتىباي, ونىڭ ۇلى ءبىتىم, بىتىمنەن تەرگەۋبەك, تەرگەۋبەكتەن مۇحامەديار, مۇحامەدياردان ىبىراي. ىبىراي — گۇلبارشىن تەرگەۋبەكوۆانىڭ اكەسى.
ءوزىنىڭ شىققان تەگىن ماقتان تۇتاتىن ءانشى سوڭعى ون بەس جىلدا تەك شىعارماشىلىقپەن اينالىسىپ كەلەدى. ونىڭ رەپەرتۋارىندا قۇيقىلجىعان ارقا اندەرىمەن قاتار, بۇگىنگى زاماناۋي ەسترادالىق اندەر دە بار. ءبىرجان سال, اقان سەرى, ەستاي, ءمادي, مايرا, ۇكىلى ىبىراي جانە قاسىم امانجولوۆ اندەرى گۇلبارشىننىڭ ورىنداۋىندا اسا ءبىر حالىقتىق ورىنداۋشىلىق سيپاتقا يە بولادى.
سونىمەن جاڭا كليپ الماتىداعى اباي اتىنداعى مەملەكەتتىك اكادەميالىق وپەرا جانە بالەت تەاترىندا تۇسىرىلگەن. بەيناباياننىڭ قويۋشى رەجيسسەرى – جازۋشى, كينودراماتۋرگ, تەلەجۇرگىزۋشى ديدار امانتاي.
بەينەباياندى جاساۋشىلار ونى ءاننىڭ ليريكالىق مازمۇنىنا ساي بيمەن كوركەمدەۋگە ۇمتىلعان. قازىردىڭ وزىندە كليپ بىرقاتار وتاندىق تەلەارنالاردان كورسەتىلە باستادى.
حالىقارالىق جانە رەسپۋبليكالىق كونكۋرستاردىڭ لاۋرەاتى اتانعان گۇلبارشىن تەرگەۋبەكوۆا ءۇش جىلدان بەرى «قاسىمنىڭ اندەرى-اي» اتتى كونتسەرتتىك جوبانىڭ اۆتورى جانە پروديۋسەرى رەتىندە تانىلىپ ءجۇر.
ايناش ەسالي,
«ەگەمەن قازاقستان».
الماتى.
