بالۋاندار بەلدەسۋى

«قازاقستان بارىسى» ءتۋرنيرى باستالعالى قازاق كۇرەسى شارىقتاۋ كەزەڭىنە اياق باستى. قازىر بارلىق وڭىرلەردە دەمەۋشىلەردىڭ ۇيىتقى بولۋىمەن ۇلتتىق كۇرەسىمىزدەن تۋرنيرلەر ۇيىمداستىرۋ داستۇرگە اينالدى. سونداي ءتۋرنيردىڭ ءبىرى «اي-سا» قوناقۇي كەشەنىنىڭ دەمەۋشىلىگىمەن استانا قالاسىنىڭ ىرگەسىندەگى قاراوتكەل كەنتىندە ءوتتى. جاسوسپىرىمدەر مەن جاستار اراسىندا بولعان «قاراوتكەل بارىسى» اشىق ءتۋرنيرىنىڭ اشىلۋ سالتاناتىنا تسەلينوگراد اۋدانىنىڭ اكىمى باقبەرگەن ماۋلەنوۆ, اۋىل اقساقالدارى مەن اقجاۋلىقتى اجەلەر قارا­­وتكەلدەن دە بولاشاق چەمپيوندار شىعۋىنا نيەتتەس ەكەنىن جەت­كىزدى. ال بەلگىلى ايتىسكەر اقىن بالعىنبەك يماشەۆ تۋرنير­­­گە قا­تىسۋشىلارعا ارناۋىن تارتۋ ەتتى. سونىمەن, 38 كيلودا بارلىق قارسىلاسىنان تازا جەڭىسپەن باسىم تۇسكەن بەكزات جامبىل ءوز سالماعىندا جەڭىمپاز اتانسا, 42 كيلودا ابزال سولدىباەۆقا تەڭ كەلەر ەشكىم تابىلمادى. 46 كيلو سالماقتا باق سىناعان جانات باقىتجان ءۇشىن اقتىق سىن كۇردەلى بولدى. ونىڭ قارسىلاسى زەينەپ ادىلەت تە بولاشاعىنان زور ءۇمىت كۇتتىرەتىن بالۋان ەكەن. ەكەۋىنىڭ تەكە-تىرەسىنە جينالعان جۇرت رازى بولدى. ناتيجەسىندە جاناتتىڭ باعى جاندى. سونداي-اق, اراي قونىسباي (51 كيلو), امانبول جاناربەك (57 كيلو), امانات سادىق (60 كيلو), قاسىمحان عاني (70 كيلو), جانىبەك سۇلتان (+70 كيلو) ءوز سالماقتارىندا جەڭىمپاز اتاندى. ال «تۇيە بالۋان» اتاعى مەن وعان تاعايىندالعان 150 مىڭ تەڭگە مەرەي وسپانوۆقا بۇيىردى. وزگە جۇلدەلىلەرگە كەلسەك, 1-ورىنعا – 30 مىڭ, 2-ورىنعا – 20 مىڭ جانە 3-ورىنعا (ەكى بالۋانعا) 10 مىڭ تەڭ­گەدەن سىياقى ۇلەستىرىلدى. تۋر­نير سوڭىندا جانكۇيەرلەر مەن سپورتشىلار اراسىندا لوتە­رەيا ويناتىلىپ, ۇتىسقا 3 تەلە­ديدار مەن 5 ۇيالى تەلەفون قويىل­دى. الماس ماناپ, «ەگەمەن قازاقستان».