قىمىزقالا

قاشاندا ناقتى ىسىمەن كوش باس­تاي بىلەتىن جەتىسۋلىقتار ءداستۇرلى قىمىزحانالارىن بيىل دا رەسپۋبليكامىزدا ءبىرىنشى بولىپ سالتاناتتى تۇردە اشتى. مەملەكەتتىك سايا­ساتقا ساي سالاماتتى ءومىر سالتىن ناسيحاتتاۋمەن قاتار, قازاقى قۇن­دىلىقتى كۇندەلىكتى ومىرگە ەنگى­زىپ, حالىقتىڭ كوكەيىندەگى كوپ دۇنيەنى ءدوپ باسقان وسىناۋ يگى شا­رانىڭ وسكەلەڭ ۇرپاققا بەرە­رى مول. ەڭ باستىسى, ۇلكەننىڭ دە, كى­شىنىڭ دە دەنساۋلىعىنا شيپا بو­لار سارى قىمىز بەن اپپاق ءارى قويۋ شۇبات ادام اعزاسىنا كەرەمەت ءسىڭىمدى. سوندىقتان ءوڭىر حالقى اسى­عا كۇتكەن ۇلتتىق سۋسىنعا ال­عاش­­­­قى كۇننەن سۇرانىس ارتىپ وتىر. بۇل قۋانارلىق جايت. ءسويتىپ, تال­دىقورعاندا 16 اۋدان مەن 3 قالا­نىڭ ارقايسىسى ءوز اقشاڭقان ءۇي­لەرىن تىگىپ, قالا ءسانىن كىرگىزە ءتۇستى. سونىمەن, ءبىز اتباسىن بۇر­عان ىلە اۋداندىق شۇباتحانا كە­شەنىنىڭ وزگەلەردەن ءبىرىنشى ارتىق­شىلىعى – مۇندا قىمىز بەن شۇبات بىردەي ساتىلادى. ءدامى ءتىل ۇيىرەتىن ۇلتتىق تاعامدار ءوز الدىنا. سالتاناتتى شارانى اشۋعا ارنايى كەلگەن الماتى وبلىسى اكىمىنىڭ ءبىرىنشى ورىنباسارى اماندىق باتالوۆ: « ىلە اۋدانىندا بىرقاتار جاقسى ىستەر ىستەلىنۋدە. سونىڭ ءبىر تارماعى وندىرىستىك كلاستەر جاقسى دامىعاندىقتان اۋدان وبلىستىق بيۋدجەتكە تۇسەتىن سالىقتىڭ ۇشتەن ءبىر بولىگىن بەرىپ وتىر. بۇل جەر يندۋستريالىق ايماق بولعاندىقتان شەتەلدىك جانە قازاقستاندىق كاسىپكەرلەر ءوز مۇمكىندىكتەرىنە وراي حالىقتى جۇمىسپەن قامتاماسىز ەتۋدە. ىلە اۋدانىندا اۋىل شارۋاشىلىعى سالاسى دا جاقسى دامىعاندىق­تان ءوز باعىمىنداعى تۇيە شۇبا­تىن وڭىردە ساتىپ قانا قويماي, ەلباسى قويىپ وتىرعان تالاپقا ساي ۇلتتىق ەرەكشەلىكتى تانىتاتىن قۇمىرالارعا قۇيىپ ەكسپورت­قا شىعارۋ قادامى ماسكەۋگە جىبەرۋدەن باستالدى», دەدى. بۇل – ۋاقىت تالابى. سونى دەر كەزىن­دە جۇزەگە اسىرىپ وتىرعان اۋدانداعى «داۋلەت-بەكەت» جشس 2001 جىلى زاڭدى تۇلعا رەتىندە تىركەلگەن. باستى باعىتى – مال شارۋاشىلىعى, ونىڭ ىشىندە تۇيە ءوسىرۋ سالاسى. شارۋاشىلىق 2008 جىلى «اسىل تۇقىمدى تۇيە شا­رۋاشىلىعى» مارتەبەسىن الدى. 2014 جىلدىڭ 1 قاڭتارىنداعى سا­ناقتا شارۋاشىلىقتا 4412 باس تۇيە, ونىڭ ىشىندە ىنگەنى 1000 باس بولدى. بىلتىرعى جىلى بارلىعى 795 توننا شۇبات ساتىلسا, ونىڭ ءىش­ىندە قۇمىراعا قۇيىلعانى 250 تون­ناعا جەتتى. مۇنداعى ءوندى­­­رىل­­گەن شۇبات الماتى, استانا, قا­­راعاندى, ورال, تالدىقورعان قالا­­لارىنداعى ارناۋلى ورىندار ار­­قىلى ساتىلاتىندىعى تۋرالى ماع­­لۇماتتى ىلە اۋدانى اكىمى­­نىڭ ور­ىن­باسارى مادەن مۇساەۆ ءمالىم ەت­تى. نۇربول الدىباەۆ, «ەگەمەن قازاقستان». تالدىقورعان.