قوعام • 11 تامىز، 2022

مەنشىك قۇقىعىن قورعاۋ ويداعىداي ەمەس

341 رەت كورسەتىلدى

مەنشىك قۇقىعىن قورعاۋ دەڭگەيى بويىنشا رەيتينگتە قازاقستان 129 ەلدىڭ ىشىندە 71-ورىنعا يە. ەلىمىزدىڭ يندەكسى – 5،275. بۇل يندەكس نەعۇرلىم جوعارى بولسا، ەلدەگى قۇقىقتى قورعاۋ دەڭگەيى دە سوعۇرلىم جوعارى دەگەن ءسوز.

رەيتينگتە مەنشىك قۇقى­عىنىڭ نەگىزگى ينستيتۋتتارى، ياعني قۇقىقتىق ورتا مەن سايا­سي ورتا، فيزيكالىق جانە زيات­كەرلىك مەنشىك قۇقىقتارى ساراپتالعان.

ەلىمىزدەگى قۇقىقتىق جانە سايا­سي ورتانىڭ سۋبيندەكسى 3،833-كە دەيىن تومەندەگەن. سونىڭ ىشىندە سوت جۇيەسىنىڭ تاۋەلسىزدىگى – 4،673، قۇقىق ۇس­تەمدىگى – 4،091، ساياسي تۇ­راق­تىلىق – 3،121، ال سىباي­لاس جەمقورلىققا قارسى كۇ­رەس بويىنشا كورسەتكىش – 3،445. سونداي-اق رەيتينگتەگى مالىمەتتەرگە سۇيەن­سەك، قازاق­ستاندا وتكەن جىلدارمەن سالىس­تىرعاندا فيزيكالىق مەنشىك قۇقىعى بويىنشا سۋبيندەكس 6،39-عا دەيىن ازايعان. ال زياتكەرلىك مەنشىك قۇقىقتارى بويىن­شا ەلدىڭ سۋبيندەكسى 4،774-كە دەيىن ۇلعايعان.

جەكەلەگەن توپتارعا توقتا­لار بولساق، مەنشىك قۇقىعىن قورعاۋدى قابىلداۋ بويىنشا سۋب­يندەكس – 5،608، مەنشىكتى تىركەۋ بويىنشا – 8،552، نەسيەگە قول جەتكىزۋ جەڭىلدىگى بويىنشا –  4،871. زياتكەرلىك مەنشىكتى قورعاۋدى قابىل­داۋ بويىنشا سۋبيندەكس – 5،213، پاتەنتتەردى قورعاۋ بويىنشا – 5،783، اۆتورلىق قۇقىقتاردى قورعاۋ بويىنشا –  2،6، تاۋار بەلگى­لەرىن قورعاۋ بويىنشا –  5،859.

وسى جىلدىڭ ءبىرىنشى توق­سان قورىتىندىسىنا كوز جۇ­گىرت­­سەك، ەلدە قۇقىق جانە بۋح­گالتەر­لىك ەسەپ سالاسىندا 27،7 ملرد تەڭگەگە قىزمەت كورسە­تىلگەن. بۇل وتكەن جىلمەن سالىس­تىرعاندا 9،2 پايىز­عا ارتقان. ناقتى كولەم يندەكسى – 104 پايىز.

قۇقىق سالاسىندا 8،3 ملرد تەڭگەگە قىزمەت كورسەتىلگەن. ادۆو­كاتتىق قىزمەت بويىنشا – 1،5 ملرد تەڭگەگە،  نوتاريالدىق قىزمەت بو­يىنشا 35،7 ملن تەڭگەگە قىزمەت كورسەتىلدى.

تمد ەلدەرىنىڭ ىشىندە مەن­شىك قۇقىعى ءبىزدىڭ ەلىمىزبەن سالىس­تىرعاندا ازەربايجان مەن ارمەنيادا جاقسى قورعالعان. ال رەسەي، مولدوۆا جانە ۋكرايناداعى كورسەتكىشتەر قازاقستانمەن سالىس­تىرعاندا ەداۋىر تومەن.

الەم بويىنشا ازاماتتار­دىڭ مەنشىك قۇقىعى شۆەيتساريا، سين­گاپۋر جانە جاڭا زەلانديادا جاقسى قورعالعان. ەڭ ناشار كورسەتكىش گايتي ەلىندە ەكەن.

سوڭعى جاڭالىقتار

ەل بىرىنشىلىگى باستالدى

بوكس • بۇگىن، 07:42

دۋبايدا دايىندالادى

تەننيس • بۇگىن، 07:40

«بارىس» تاعى جەڭىلدى

حوككەي • بۇگىن، 07:39

كىشكەنتاي قۇتقارۋشى

قوعام • بۇگىن، 07:38

جاساندى جۇرەك تە ءومىردى ۇزارتادى

مەديتسينا • بۇگىن، 07:37

كارديولوگتەر ەنگىزگەن تەحنولوگيا

مەديتسينا • بۇگىن، 07:35

جىلۋ قۇبىرىنداعى اپات

ايماقتار • بۇگىن، 07:32

مۇز قۇرسانعان ەكىباستۇز

ايماقتار • كەشە

ءۇمىت ساۋلەسى

ساياسات • كەشە

ساڭلاقتىڭ سوڭعى سامعاۋى

قازاقستان • كەشە

ۇقساس جاڭالىقتار