قىتاي حالىق ازاتتىق ارمياسىنىڭ شىعىستاعى قولباسشىلىعى تايۆان ماڭىنداعى تەڭىز جانە اۋە جاتتىعۋلارىنىڭ رەسمي تۇردە اياقتالعانىن حابارلادى.
بۇعان دەيىن قىتاي سىرتقى ىستەر مينيسترلىگى «تايۆان قىتاي تەرريتورياسىنىڭ ءبىر بولىگى, ال بەيجىڭ ء«وز سۋلارىندا جوسپارلى اسكەري جاتتىعۋلار وتكىزىپ جاتىر», دەپ مالىمدەگەن.
قىتاي جاتتىعۋدى اقش وكىلدەر پالاتاسىنىڭ سپيكەرى نەنسي پەلوسيدىڭ تايۆانعا ساپارىنا جاۋاپ رەتىندە باستادى. اۋە جانە تەڭىز ايماعىنداعى مانەۆرلەر باستاپقىدا وتكەن جەكسەنبىگە دەيىن ءتورت كۇن بويى جۇرگىزىلەدى دەپ جوسپارلانعان.
جاتتىعۋ كەزىندە قىتايلىق ۇشاقتار كۇن سايىن تايۆان بۇعازىنىڭ ورتاڭعى سىزىعىن كەسىپ ءوتتى.
ايتا كەتەيىك, بۇل شەكارا - ەكى جاقتىڭ كەزدەيسوق قاقتىعىستارىنىڭ الدىن الۋعا كومەكتەسەتىن بەيرەسمي شەكارا.
