قر ءتسدياوم باسشىسى روسكوسموستىڭ جاڭا باسشىسىن وسى قىزمەتكە تاعايىندالۋىمەن جانە بورتىندا 17 عارىش قۇرىلعىسى بار «سويۋز-2.1ب» زىمىرانىنىڭ ءساتتى ۇشىرىلۋىمەن قۇتتىقتادى.
كەزدەسۋ بارىسىندا قوس تاراپ «بايتەرەك» جوباسىن جۇزەگە اسىرۋ ماسەلەسىن تالقىلاپ, العاشقى ۇشىرىلىم سىناعىنىڭ مەرزىمىن 2024 جىلعا شەگەرۋ قاجەتتىگىن ايتتى.
كەزدەسۋگە قر پرەزيدەنتىنىڭ «بايقوڭىر» كەشەنىندەگى ارنايى وكىلى قايرات نۇرتاي قاتىستى. تاراپتار سويۋز-5 زىمىران-تاسىعىشى مەن جەرۇستى كەشەنىن جاساۋ جۇمىستارىنىڭ كەستەسىن ءوزارا سايكەستەندىردى. عارىش سالاسىنداعى ەكىجاقتى ىنتىماقتاستىقتى نىعايتۋ ماقساتىندا نورماتيۆتىك-قۇقىقتىق بازالاردى دامىتۋ ماسەلەسى قاراستىرىلدى.
سونداي-اق باعدات مۋسين روسكوسموس باسشىسىمەن بايقوڭىر عارىش ايلاعىندا ءتۋريزمدى دامىتۋ تۋرالى سويلەسىپ, تۋريستەردى كەشەنگە وتكىزۋ ءتارتىبىن ونلاين جۇيە ارقىلى جەڭىلدەتۋدى ۇسىندى.
«تسيفرلىق فورماتتا ونلاين كىرۋ جۇيەسىن قولدانۋ ارقىلى «بايقوڭىر» كەشەنىندەگى ءتۋريزمدى دامىتۋعا بولادى», دەدى باعدات مۋسين.
