الماتى قالاسىنىڭ قۇتقارۋ قىزمەتى حابارلاعانداي, 9 تامىز كۇنى ساعات 21:08-دە توتەنشە جاعدايلار دەپارتامەنتىنەن «چيمبۋلاچكا» شىڭىنان ءتۇسىپ بارا جاتقان كەزىندە 1979 جىلى تۋعان ۇلىبريتانيالىق ماكوگون روماننىڭ اداسىپ كەتكەنى تۋرالى حابارلاما تۇسكەن.
«ىزدەستىرۋ جۇمىسىنا «تۇيىق سۋ» لاگەرىنەن ەكيپاج جولعا شىعادى. ساعات 22:44-تە قۇتقارۋشىلار اداسقان اداممەن ۆيزۋالدى بايلانىس ورناتقان (ول تاۋدىڭ ارعى جاعىندا بولدى). ەكى جاق كەزدەسۋ ورنىنا دەيىن قوزعالىستى جالعاستىرعان. ساعات 00:30-دا قۇتقارۋشىلار اداسىپ كەتكەن اداممەن كەزدەسىپ, تومەنگە تۇسكەن. ساعات 02:45-تە ولار «شىمبۇلاق» تاۋ-شاڭعى كۋرورتىنا جەتتى. وعان مەديتسينالىق كومەك قاجەت بولعان جوق», دەلىنگەن قۇتقارۋ قىزمەتىنىڭ حابارلاماسىندا.
