سپورت • 10 تامىز، 2022

شاۆكات راحمونوۆ UFC رەيتينگىندە ءبىر ساتى تومەندەدى

34 رەت كورسەتىلدى

UFC Vegas 59 ءتۋرنيرى اياسىندا وتكەن امەريكالىق دجەفف نيل مەن برازيليالىق ۆيسەنتە لۋكە اراسىنداعى جەكپە-جەكتەن كەيىن جارتىلاي ورتا سالماقتاعى UFC رەيتينگىندە وزگەرىس بولدى، دەپ حابارلايدى Egemen.kz Prosports.kz-كە سىلتەمە جاساپ.

نيل ءۇشىنشى راۋندتا تەحنيكالىق نوكاۋتپەن جەڭىسكە جەتىپ، رەيتينگتە بىردەن بەس ساتى جوعارىلادى، ول 13-ورىننان 8-ساتىعا كوتەرىلدى.

دجەفف ءنيلدىڭ جارتىلاي ورتا سالماقتاعى رەيتينگتە العاشقى وندىققا ەنۋىنە بايلانىستى قازاقستاندىق شاۆكات راحمونوۆ تومەن سىرعىدى. ول ۇزدىك وندىقتان شىعىپ، 11-ساتىعا جايعاستى.

ايتا كەتەيىك، راحمونوۆ 26 ماۋسىمدا امەريكالىق نيل مەگنيدى جەڭگەننەن كەيىن ءبىر ايدان اسا ۋاقىت ۇزدىك وندىقتىڭ قاتارىندا تۇرعان.

سوڭعى جاڭالىقتار

ۇقساس جاڭالىقتار