ماسەلەن, نۇر-سۇلتان قالاسىنداعى ۇلتتىق اكادەميالىق كىتاپحانا مەن الماتى قالاسىنداعى ۇلتتىق كىتاپحانا عيماراتتارىنىڭ الدىنداعى الاڭدا ساعات 11.00-دە عىلىمي-شىعارماشىل زيالى قاۋىم وكىلدەرىنىڭ, قوس قالا تۇرعىندارى مەن قوناقتارىنىڭ قاتىسۋىمەن ۇلى اقىننىڭ شىعارمالارىنا ارنالعان پوەزيا كەشى وتەدى.
سونىمەن قاتار رەسپۋبليكالىق مۋزەيلەر (ورتالىق مەملەكەتتىك مۋزەي, ءا.قاستەەۆ اتىنداعى مەملەكەتتىك ونەر مۋزەيى جانە ۇلتتىق مۋزەي) اباي كۇنىنە وراي ءىس-شارالار وتكىزەدى. اتاپ ايتقاندا, مۋزەي قورىنداعى جادىگەرلەر نەگىزىندە اباي قۇنانباي ۇلىنىڭ شىعارماشىلىعىنا ارنالعان دارىستەر ۇيىمداستىرىلادى. ءىس-شارالارعا نۇر-سۇلتان جانە الماتى قالالارىنىڭ شىعارماشىلىققا باۋليتىن مەكتەپتەر وقۋشىلارى, جاستار قاتىسادى. سونداي-اق دارىستەر مۋزەيلەردىڭ الەۋمەتتىك جەلىلەردەگى پاراقشالارىندا جاريالانادى.
ايتا كەتۋ كەرەك, ۇلى اقىننىڭ رۋحاني الەمىنە ارنالعان ءتۇرلى ءىس-شارالار ەلىمىزدىڭ بارلىق وڭىرىندە دە جوسپارلانعان.
