قارجى • 09 تامىز، 2022

ميكروكرەديت تۇزاعىنا تۇسپەس ءۇشىن...

413 رەت كورسەتىلدى

ميكروقارجى ۇيىمدارىنىڭ الەۋەتى بىرتىندەپ كوتەرىلىپ كەلە جاتىر. ولار­دىڭ نەسيە ماقۇلداۋداعى قولايلى سەرۆيسى اسىرەسە بيزنەس وكىلدەرىن ەرەكشە قى­زىقتىرادى. دەگەنمەن نەسيەنىڭ مۇنداي ءتۇرىن راسىمدەۋ كەزىندە ەسكەرۋ كەرەك بىرنەشە فاكتور بار. ويتكەنى مقۇ-لاردىڭ اتىن جامىلىپ قاراپايىم تۇتىنۋشىنى تاقىرعا وتىرعىزاتىن الاياقتار وتە كوپ.

وسى رەتتە مقۇ-لاردىڭ ادالدىعىن ايعاقتاۋعا كومەك بەرەتىن بەس نەگىزگى قادامدى اتاپ كورسەتكەن ءجون. ءبىرىنشىسى – ۇيىمنىڭ ليتسەنزياسىن تەكسەرۋ. ونى قارجى نارىعىن رەتتەۋ جانە دامىتۋ اگەنتتىگى ارقىلى (ونىڭ رەسمي سايتى ارقىلى دا) انىقتاۋعا بولادى. اگەنتتىك رۇقساتىن الماعان مقۇ قىزمەتىن پايدالانۋعا، ونداي كومپانيالار ۇسىناتىن ءبولىپ تولەۋ قىزمەتتەرىن تۇتىنۋعا، نەسيەلەرىن راسىمدەۋگە بولمايدى. ەكىنشى قادام – ميكرونەسيەنى ۇسىنۋ تۋرالى كەلىسىمشارتپەن مۇقيات تانىسۋ. مقۇ-لاردىڭ تۇتىنۋشىدان قانداي دا ءبىر كوميسسيا ۇستاۋعا، ازاماتتىڭ ەركىنەن تىس قوسىمشا قىزمەتتەر تاڭۋعا (ميكرونەسيە سوماسىنان ۇستالىپ قالاتىنداي ەتىپ) قۇقى جوق. ءۇشىنشىسى – سىياقى مولشەرلەمەسىنە نازار اۋدارۋ. «ميكروقارجىلىق قىزمەت تۋرالى» زاڭعا سايكەس مقۇ ميكرونەسيەنىڭ 2 ءتۇرىن ۇسىنا الادى:

1) جەكە جانە (نەمەسە) زاڭدى تۇلعالارعا رەس­پۋبليكالىق بيۋدجەت تۋرالى زاڭدا ءتيىستى قار­جى جىلىنا بەلگىلەنگەن ايلىق ەسەپتىك كورسەتكىشتىڭ (اەك) 20 مىڭ مولشەرىنەن اسپايتىن مولشەردە، قامتاماسىز ەتىلەتىن نە قامتاماسىز ەتىلمەيتىن ميكروكرەديت;

2) جەكە تۇلعالارعا رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن، 50 اەك اسپايتىن سوماعا، كۇنتىزبەلىك 45 كۇنگە دەيىنگى مەرزىمگە بەرىلەتىن ميكروكرەديتتەر.

ميكروكرەديتتىڭ ءبىرىنشى ءتۇرى بويىنشا سىياقىنىڭ جىلدىق ءتيىمدى مولشەرلەمەسى (جتسم) جىلىنا 56%-دان اسپايدى. ال بىرقاتار تالاپتى ەسكەرە وتىرىپ، زاڭ بويىنشا ميكرو­كرەديتتەردىڭ ەكىنشى تۇرىنە جتسم-ءنىڭ 56%-ى مولشەرى تۋرالى تالاپ قولدانىلمايدى.

ءتورتىنشى قادام – ميكروكرەديت بويىنشا تولەمدەردى كەشىكتىرۋ نەسىمەن قاۋىپ توندى­رەتىنىن زەردەلەۋ. اي سايىنعى نەسيە تولەمى مەرزىمىن وتكىزىپ الۋ تۋىنداعان جاعدايدا ميكرو­قارجى ۇيىمىنان جاسىرىنۋعا بولمايدى. ميكرو­كرەديتتەردى وتەۋدە قيىندىق كورىپ وتىرعان قارىز الۋشىلاردىڭ قۇقىقتارىن قورعاۋ ءۇشىن 2021 جىلعى 1 قازاننان باستاپ ازاماتتاردىڭ مەرزىمى وتكەن بەرەشەكتەرىن كرەديتتىك ۇيىمدار ءۇشىن مىندەتتى رەتتەۋ تەتىگى زاڭنامالىق تۇردە ەنگىزىلدى.

«پروبلەمالىق بەرەشەكتى شەشۋ، رەتتەۋ ءراسىمىن باستاۋ ءۇشىن ءسىز كرەديتورعا ءتيىستى وتىنىش­پەن جۇگىنۋىڭىز قاجەت. وتىنىشتە قولدا بار راستايتىن قۇجاتتاردى قوسا بەرە وتىرىپ، اتى-ءجونىن، جسن، بايلانىس دەرەكتەرىن، ميكروكرەديت تۋرالى مالىمەتتەردى، مەرزىمىن وتكىزىپ الۋ سەبەپتەرىن كورسەتۋ قاجەت. ازاماتتارعا ىڭعايلى بولۋ ءۇشىن وتىنىشتەر جازباشا دا، قاشىقتان دا، ياعني مقۇ بولىمشەلەرىنە بارماي-اق رەسمي ينتەرنەت-رەسۋرس­تار جانە كرەديتوردىڭ ەلەكتروندىق پوشتاسى ارقىلى بەرىلە الادى. ءوتىنىشتى جانە راستايتىن قۇجاتتاردى العان كۇننەن باستاپ كۇنتىزبەلىك 15 كۇن ىشىندە مقۇ بورىشكەردىڭ قارجىلىق جانە الەۋمەتتىك جاعدايىن جەكە-جەكە تالدايدى. كورسەتىلگەن مەرزىمدە سىزگە كرەديتوردىڭ قارىزدى قايتا قۇرىلىمداۋمەن كەلىسەتىنى تۋرالى حابارلانۋى ءتيىس»، دەلىنگەن Fingramota كەڭەسىندە.

بەسىنشى قادام – كليەنت ءوز قۇقىعىن قورعاۋ ماقساتىندا قارجى رەتتەۋشىسىنە جۇگىنە الادى. جۇگىنۋدىڭ دە بىرنەشە نۇسقاسى بار. ءوز شاعىمىڭىزدى egov.kz ەلەكتروندى پورتالى، eOtinish ەلەكتروندى سەرۆيسى ارقىلى جانە 1459 ءنومىرى ارقىلى جولداۋعا بولادى. سونداي-اق «Fingramota Online» ءموبيلدى قوسىمشاسى ارقىلى كونسۋلتاتسيا الۋ مۇمكىندىگى دە بار.

2022 جىلدىڭ 1 ماۋسىمىنداعى جاعداي بويىن­شا مقۇ-لار بەرگەن نەسيە كولەمى 916 ملرد تەڭگەدەن اسقان. جىلدىڭ باسىمەن سالىستىرعاندا كور­سەتكىش 125،8 ملرد تەڭگەگە نەمەسە 15،9 پايىزعا وسكەن. نەگىزگى قارىز الۋشىلار – جەكە تۇل­عالار.

سوڭعى جاڭالىقتار

ەل بىرىنشىلىگى باستالدى

بوكس • بۇگىن، 07:42

دۋبايدا دايىندالادى

تەننيس • بۇگىن، 07:40

«بارىس» تاعى جەڭىلدى

حوككەي • بۇگىن، 07:39

كىشكەنتاي قۇتقارۋشى

قوعام • بۇگىن، 07:38

جاساندى جۇرەك تە ءومىردى ۇزارتادى

مەديتسينا • بۇگىن، 07:37

كارديولوگتەر ەنگىزگەن تەحنولوگيا

مەديتسينا • بۇگىن، 07:35

جىلۋ قۇبىرىنداعى اپات

ايماقتار • بۇگىن، 07:32

مۇز قۇرسانعان ەكىباستۇز

ايماقتار • كەشە

ءۇمىت ساۋلەسى

ساياسات • كەشە

ساڭلاقتىڭ سوڭعى سامعاۋى

قازاقستان • كەشە

ۇقساس جاڭالىقتار