ايماقتار • 09 تامىز، 2022

بىرىكتىرە باسقارۋعا بەتبۇرىس

1564 رەت كورسەتىلدى

بۇگىنگى ءداۋىردى تسيفرلاندىرۋسىز ەلەستەتۋ مۇمكىن ەمەس. وتاندىق ەكونوميكانىڭ بارلىق سالاسى تسيفرلاندىرۋ تەحنولوگياسىنا بەت بۇردى. مۇنداي جاڭا تەحنولوگيا ەنەرگەتيكا سالاسىنا دا اۋاداي قاجەت.

ماسەلەن، ەلىمىزدە العاشقى­لاردىڭ قاتارىندا قۇرىلىپ، الەم­دەگى بالاماسى جوق «تەڭىز» كەن ورنىن يگەرىپ جاتقان «تەڭىز­شەۆرويل» جشس تسيفرلاندىرۋدى وندىرىسكە كەڭىنەن ەنگىزۋدى قولعا العان. وسى ماقساتتا اقپارات­تىق تەحنولوگيامەن اينالىساتىن قازاقستاندىق كومپانيالارمەن ىنتىماقتاستىق ورناتۋعا بەتبۇرىس جاسادى. ويتكەنى ەنەرگەتيكا ءمي­نيسترىنىڭ ورىنباسارى جانات جاحمەتوۆانىڭ پىكىرىنشە، ۇكىمەت تاراپىنان ەنەرگەتيكا سالاسىن تسيفرلاندىرۋعا، قازاقستاندىق قام­تۋدى دامىتۋعا ەرەكشە نازار اۋدارىلىپ وتىر. اسىرەسە «تە­ڭىز­شەۆرويل» سەكىلدى ەنەرگەتيكا سالاسىنداعى كوشباسشى كومپانيالار تسيفرلاندىرۋعا دەن قويسا، بۇل وتاندىق اقپاراتتىق تەحنولوگيا ماماندارى جۇمىسىنىڭ جان­دانۋىنا سەرپىن بەرەدى. ءسوي­تىپ، اقپاراتتىق تەحنولوگيا مەن جەر قوي­ناۋىن پايدالانۋشى كوم­پا­نيالار اراسىنداعى ىنتى­ماق­تاس­تىق جاڭا دەڭگەيگە كوتەرىلەدى.

قازىر «تەڭىزشەۆرويل» كومپا­نياسىنىڭ ماماندارى «تەڭىز» كەن ورنىندا يننوۆاتسيالىق تەحنولوگيالاردى وندىرىستە قولدانا باستادى. ماسەلەن، «تەڭىزشەۆرويلدىڭ» بارلىق اۆتوكولىك پاركى كولىك قاۋىپ­سىزدىگى ينتەللەكتۋالدى جۇ­يە­سىمەن قامتىلىپ وتىر. بۇل دى­بىستىق سيگنال بەرۋ ارقىلى جۇر­گىزۋشىنىڭ شارشاۋ دەڭگەيىن باقىلاۋعا مۇمكىندىك بەرەدى. وسى­لايشا، ينتەللەكتۋالدى جۇيە جازاتايىم وقيعالاردى ازايتۋعا، كولىككە مىنگەن قىزمەتكەرلەردىڭ قاۋىپسىزدىگىن قامتاماسىز ەتۋگە ىقپال ەتەدى.

«تەڭىزشەۆرويل» جشس-نىڭ باس ديرەكتورى كەۆين لايوننىڭ دەرەگىنە سۇيەنسەك، «تەڭىز» كەن ور­نىندا بىرىكتىرىلگەن ءوندى­رىس­تى باسقارۋ ورتالىعى ىسكە قوسىل­دى. جاڭا ورتالىقتا سوڭعى ۇلگى­دەگى تسيفرلى تەحنولوگيالار ورنا­تىلعان. مۇنى قازاقستاننىڭ مۇناي-گاز ونەركاسىبىندەگى بىرەگەي نىسان دەۋگە بولادى.

– بىرىكتىرىلگەن باسقارۋ ورتا­لىعى «تەڭىزشەۆرويلدىڭ» بارلىق وندىرىستىك نىسانى مەن زاۋىتىن ءبىر ورتالىقتان باسقارۋعا، بىرىڭعاي وپەراتيۆتىك مودەلگە بىرىكتىرۋگە مۇم­كىندىك بەرىپ وتىر. بۇل نىساندى پايدالانۋ كاسىپورىنعا ءوندىرىستى قاۋىپسىز ءارى ۇزدىكسىز جۇرگىزۋگە، قىز­مەتكەرلەرىمىز بەن ءوزىمىز ەڭبەك ەتە­تىن وڭىردەگى قوعامداستىقتىڭ يگىلىگى ءۇشىن قوسىمشا پايدا اكەلۋگە كومەكتەسەدى، – دەيدى كەۆين لايون.

كومپانيا باسشىلارى جاڭا ورتا­لىقتى كەن ورنىنداعى وندى­رىستىك نىسانداردان 20 شاقىرىم قاشىق­تىقتا ورنالاستىردى. مۇن­داي قادام بىرىكتىرىلگەن باس­قارۋ ورتالىعىنىڭ قاۋىپسىز جۇمى­سىن ۇيلەستىرۋ ءۇشىن جاسالعان. جاڭا ورتالىقتا «تەڭىز» كەن ورنى­نىڭ وپەراتورلارىنا ەڭ ­ۇت­­قىر شەشىمدەر قابىلداپ، سەنىم­دى­لىكتى ارتتىرۋعا، وندىرىستىك كورسەت­كىش­تەردى وڭتايلاندىرۋ ءۇشىن يكەمدى تاسىلدەردى قولدانۋعا كومەكتەسە­تىن ديسپەتچەرلىك پۋلت بار. ونىڭ جالپى اۋماعى 2 200 شارشى مەتر­دى قۇرايدى.

– ءبىزدىڭ كومپانيا قۇرىلعان كەزدەن بەرى جاڭا نىسانداردىڭ قۇرىلىسىنا قوماقتى ينۆەستيتسيا سالىپ، وندىرىسكە سوڭعى ۇلگىدەگى تەحنولوگيالاردى كەڭىنەن ەنگىزىپ كەلەدى. ءبىز قازاقستان ەكونوميكاسىنا ەلەۋلى ۇلەس قوسۋدى جالعاستىرا بەرەمىز. ماسەلەن، 1993 جىلدان بەرى ەل بيۋدجەتىنە 164 ملرد دوللاردان استام تىكەلەي قارجىلىق تولەمدەر جاسادى. ونىڭ 42 ملرد-تان استام دوللارى جەرگىلىكتى تا­ۋارلار مەن قىزمەتتەردى ساتىپ الۋ­عا جۇمسالدى، – دەيدى باس ديرەكتور ك.لايون.

باس ديرەكتوردىڭ ورىنباسارى كوڭىلقوش سۇيەسىنوۆتىڭ ايتۋىنشا، بىرىكتىرىلگەن ءوندىرىستى باسقارۋ ورتالىعىنىڭ نىسان قۇرىلىسىن جۇرگىزىپ ىسكە قوسۋعا 30-دان استام قا­زاقستاندىق كومپانيا تارتىلعان. وندا 600-دەن استام جەرگىلىكتى قىزمەتكەر جۇمىس ىستەيدى. نىسان­دى پايدالانۋعا بەرۋ جەرگىلىكتى قىزمەتكەرلەردىڭ كاسىبي بىلىگى مەن داعدىسىن جەتىلدىرۋگە ىقپال ەتكەن. «تەڭىز» كەن ورنىنداعى كەشەندى تەحنولوگيالار جەلىسىندە ۆيرتۋالدى زاۋىت (Virtual Plant) كومەگىمەن ناقتى ۋاقىت رەجىمىندە باقىلاۋ-ولشەۋ جابدىقتارىنىڭ دەرەكتەرى بىرىكتىرىلدى. وسىنداي تسيفرلى تەحنولوگيالاردى قولدانۋدىڭ ىقپالى سۇيىتىلعان كومىرسۋتەكتى گاز ءوندىرىسىن ۇلعايتۋعا، ورەس+ شەكتەۋلەرىنىڭ ورنىن تولتىرۋعا ءتيىپ وتىر. سونىمەن قاتار وندىرىستە كەزدەسەتىن ءتۇرلى قيىندىقتى مۇمكىندىككە اينالدىرۋعا، تسيفرلى شەشىمدەر ارقىلى قۇندىلىقتى قۇرۋ تىزبەگىن وڭتايلاندىرۋ مەن وزگەرىستەرگە سايكەس جىلدام ارەكەت ەتۋگە جول اشقان.

– قازاقستاندىق قامتۋدى ارت­تىرۋ – «تەڭىزشەۆرويل» كومپا­نياسىنىڭ باسىم باعىتتارى­نىڭ ءبىرى. ءبىز ءۇشىن وتاندىق كوم­پا­نيا­لارمەن بىرگە جۇمىس ىستەۋ، ولاردىڭ دامۋىنا ىقپال ەتۋ­دىڭ ماڭىزى زور. سول سەبەپتەن، اق­پاراتتىق تەحنولوگيا مامان­دارىنىڭ ۇلەسىن بارىنشا ارت­تىرۋدى كوزدەپ وتىرمىز. وسى ماقساتتا بيىل «تسيفرلى تەڭىزشەۆرويل-2022» اتاۋىمەن حاكاتون ءىس-شاراسىن وتكىزدىك. حاكاتونعا ەلىمىزدىڭ ءار وڭىرىنەن 30-عا جۋىق كوماندا قاتىستى. بە­رىلگەن تاپسىرمالاردىڭ وڭتايلى شە­شىمىن ۇسىنعان كوماندالار «تەڭىز­شەۆرويلمەن» كەلىسىمشارت­قا وتىرۋ مۇمكىندىگىنە يە بولدى. كومان­دالاردىڭ وڭتايلى شەشىمى عانا ەمەس، سونىمەن قاتار جالپى دايار­لىعى مەن قۇزىرەتتى­لىگى­نىڭ دەڭگەيى باعالاندى، – ­دەي­دى كومپانيانىڭ تسيفرلاندىرۋ جو­نىندەگى كەڭەسشىسى ءازيدوللا قيسمەتوۆ.

 

اتىراۋ وبلىسى

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

ۇقساس جاڭالىقتار