تەاتر • 09 تامىز، 2022

ەلورداعا تۇركىستان تەاترى كەلەدى

107 رەت كورسەتىلدى

الداعى 27-28 تامىزدا تۇركىستان مۋزىكالىق دراما تەاترىنىڭ ارتىستەرى باس قالاعا گاسترولدىك ساپارمەن كەلىپ، «استانا وپەرانىڭ» ۇلكەن زالىندا ەلوردا تۇرعىندارى مەن قوناقتارىنا قازاقستاننىڭ ەڭبەك سىڭىرگەن قايراتكەرى، جازۋشى-دراماتۋرگ ەرمەك امانشاەۆتىڭ ليبرەتتوسى جەلىسىمەن قويىلعان «قورقىت تۋرالى اڭىز» پلاستيكالىق سپەكتاكلىن ۇسىنادى.

جالپى، اتالعان قوس ونەر ۇجىمى اراسىندا دوستىق ءارى شىعارماشى­لىق بايلانىس قالىپتاسقانىن باي­قايمىز. ويتكەنى «استانا وپەرا» تەاترى بيىلعى ماۋسىمدا العاش رەت تۇركىستاندا گاسترولدىك ساپارمەن بو­لىپ، مۋزىكالىق دراما تەاتردىڭ ساح­ناسىندا XX عاسىر جاۋھارى – ن.ا.ريمسكي-كورساكوۆتىڭ مۋزىكاسىنا قويىلعان ايتۋلى حورەوگراف م.فوكيننىڭ «شەحەرازادا» بالەتىن جانە بالەت ترۋپپاسىنىڭ كوركەمدىك جەتەكشىسى، رەسەيدىڭ حالىق ءارتىسى ال­تىناي اسىلمۇراتوۆانىڭ اۆتورلىق گالا-باعدارلاماسىن كورسەتتى.

«مىنە، ەندى اراعا ەكى اي سالىپ ءبىز­دىڭ تەاترىمىزدا تۇركىستان تەاترى ارتىستەرىنىڭ ونەر كورسەتەتىنىنە قۋا­نىپ وتىرمىز. ارىپتەستەرىمىزدىڭ ونە­رىن ەلوردالىق جۇرتشىلىق جوعا­رى باعالايتىنىنا سەنىمدىمىن، – دەي­دى «استانا وپەرا» ديرەكتورى، قازاق­ستاننىڭ ەڭبەك سىڭىرگەن قايراتكەرى عالىم احمەدياروۆ.

تۇركىستان مۋزىكالىق دراما تەاترى­نىڭ قۇرىلعانىنا كوپ ۋاقىت بولماسا دا، از مەرزىم ىشىندە اتالعان ونەر ۇجى­مى مازمۇندى قويىلىمدارىمەن كو­رەرمەن ىقىلاسىنا يە بولدى.

– بۇل نۇر-سۇلتانعا ەكىنشى گاسترول­دىك ساپارىمىز، وعان دەيىن ءبىز ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا ەلوردالىقتارعا جازۋشى دۋلات يسابەكوۆتىڭ «بورتە» تاريحي دراماسىن قويدىق. ەندى «استانا وپەرانىڭ» تاماشا ساحناسىندا ونەر كورسەتۋ ءبىز ءۇشىن ۇلكەن مارتەبە. بارشا كورەرمەندى 27-28 تامىزدا زاماناۋي بي مەن وپەرانى بىرىكتىرگەن «قورقىت تۋرالى اڭىز» پلاستيكالىق سپەكتاكلىن­دە جاس تەاتردىڭ ونەرىن باعالاۋعا شا­قىرامىز، – دەيدى تۇركىستان مۋزى­كالىق دراما تەاترىنىڭ ديرەكتورى ءارى كوركەمدىك جەتەكشىسى اينۇر كوپباساروۆا.

بەلگىلى دراماتۋرگتىڭ «قورقىت تۋرالى اڭىز» سپەكتاكلىندە اتى اڭىزعا اينالعان الىپ تۇلعانىڭ ءومىرى تۋرالى ايتىلادى. قورقىت اتا قارا اعاشتان ويىپ قوبىز جاساپ، اينالاسىن كيەلى اسپاپ ۇنىمەن الديلەگىسى كەلەدى. الايدا قوبىزشىنىڭ ءومىرى ءتۇرلى قيىندىققا كەز بولىپ، بىردە كورگەن تۇسىنەن شوشىپ، ولىمنەن قاشادى. جەرۇيىق مەكەن ىزدەيدى. اقىرى نەشە ءتۇرلى قيىن جولدان ءوتىپ، تۋعان جەرىنە ورالادى. قىسقاسى، قويىلىمدا ىزگىلىك پەن جاسامپازدىق نۇرىن شاشقان قورقىت پەن جەر بەتىن ارازدىق الاڭىنا اينالدىرعىسى كەلگەن سيقىرشى مارتۋدىڭ اراسىنداعى ماڭگىلىك قاقتىعىس زاماناۋي حورەوگرافيا تىلىمەن اسەرلى بەينەلەنەدى.

سوڭعى جاڭالىقتار

ەل بىرىنشىلىگى باستالدى

بوكس • بۇگىن، 07:42

دۋبايدا دايىندالادى

تەننيس • بۇگىن، 07:40

«بارىس» تاعى جەڭىلدى

حوككەي • بۇگىن، 07:39

كىشكەنتاي قۇتقارۋشى

قوعام • بۇگىن، 07:38

جاساندى جۇرەك تە ءومىردى ۇزارتادى

مەديتسينا • بۇگىن، 07:37

كارديولوگتەر ەنگىزگەن تەحنولوگيا

مەديتسينا • بۇگىن، 07:35

جىلۋ قۇبىرىنداعى اپات

ايماقتار • بۇگىن، 07:32

مۇز قۇرسانعان ەكىباستۇز

ايماقتار • كەشە

ءۇمىت ساۋلەسى

ساياسات • كەشە

ساڭلاقتىڭ سوڭعى سامعاۋى

قازاقستان • كەشە

ۇقساس جاڭالىقتار