اتىراۋدا سوعىس ارداگەرلەرىنە 100 000 تەڭگەدەن بەرىلەدى

اتىراۋ. 6 مامىر. اتىراۋ وبلىسىندا جەڭىس مەرەكەسىنە وراي سوعىس ارداگەرلەرىنىڭ اربىرىنە 100 مىڭ تەڭگەدەن اقشالاي سىياقى بەرىلەتىن بولدى. بۇل تۋرالى وبلىستىق ارداگەرلەر كەڭەسىنىڭ توراعاسى قاتيموللا ريزۋانوۆ حابارلادى. قازىر اتىراۋ وبلىسىندا ۇلى وتان سوعىسىنا قاتىسقان اعا ۇرپاق وكىلدەرى اراسىنداعى ەڭ جاسى ۇلكەنى – عاسىرلىق عۇمىردىڭ ءدامىن تاتقان بايعازى بايەت ۇلى (سۋرەتتە) يندەر اۋدانىنىڭ ەسبول اۋىلىندا تۇرادى. قاريا جەڭىس كۇنى – 9 مامىردا 100-گە تولعالى تۇر. «وق پەن وتتىڭ ورتاسىنان ورالعان سوعىس ارداگەرلەرىنىڭ قاتارى اتىراۋدا دا ازايىپ بارادى. ءدال قازىر مۇنايلى وڭىردە 100 سوعىس ارداگەرى بار. ايماق باسشىلىعى جەڭىس كۇنى قارساڭىندا سوعىس ارداگەرلەرىنىڭ اربىرىنە 100 مىڭ تەڭگەدەن قارجى بەرگەلى وتىر. جەرگىلىكتى بيۋدجەتتەن وسى ماقساتقا ارانى قارجى ءبولىندى. بۇعان قوسا, سوعىس ارداگەرلەرىنىڭ كوممۋنالدىق قىزمەت تولەمدەرى ءۇشىن بيۋدجەتتەن اي سايىن 10 مىڭ تەڭگە بەرىلەدى», - دەدى ارداگەرلەر كەڭەسىنىڭ توراعاسى. جولداسبەك شوپەعۇل. دەرەككوز: egemen.kz. فوتو: egemen.kz.