ەكونوميكا • 08 تامىز، 2022

كونسورتسيۋم مۇمكىندىگى تاعى تومەندەدى

287 رەت كورسەتىلدى

ءبىراز ۋاقىت تىنىشتالعانداي كورىنگەن كتك قاۋپى قايتا باس كوتەردى. كتك دەپ وتىرعانىمىز – مۇناي ەكسپورتتاۋداعى ءبىزدىڭ باستى مارشرۋتىمىز بولىپ سانالاتىن كاسپي قۇبىر كونسورتسيۋمى. بۇل قۇبىر جىل باسىنان بەرى بىرنەشە رەت ىستەن شىقتى. بىرىندە – داۋىل، بىرىندە – مينا ىزدەۋ، ال بىرىندە جوندەۋ جۇمىستارى سەبەپ بولعانىمەن، ساراپشىلار سونىڭ بارىندە ساياسي مۇددە باسىم ەكەنىن ايتادى. كونسورتسيۋمنىڭ مۇناي تيەۋ مۇمكىندىگى تاعى تومەندەدى.

بۇل جولى قاشاعانداعى ءوندىرىستىڭ توقتاۋىنا جانە تەڭىز كەن ورنىنداعى جوندەۋ جۇمىستارىنا بايلانىستى تەڭىز-نوۆوروسسيسك قۇبىر جەلىسى بويىنشا مۇناي ايداۋ كولەمى تومەندەگەن.

«قازاقستانداعى تەڭىز كەن ورنىنداعى جوندەۋ جۇمىستارىنا بايلانىستى كتك قۇبىر جەلىسى جۇيەسىنىڭ باس ۋچاسكەسىندەگى («تەڭىز» مۇناي ايداۋ ستانساسى) جوندەۋ جۇ­مىستارىنا بايلانىستى كەن ورنىنان مۇناي قابىلداۋ تومەندەتىلگەن رەجىمدە جۇزەگە اسىرىلىپ جاتىر. سون­داي-اق قاشاعان كەن ورنىنداعى مۇناي ءوندىرىسىنىڭ تومەندەۋىنە بايلانىستى  كتك قۇبىر جەلىسى جۇيەسىنە مۇناي قابىلداۋ كولەمى ازايدى. بۇل فاكتورلار تەڭىز-نوۆوروسسيسك قۇبىر جۇيەسى ارقىلى ايدالاتىن مۇنايدىڭ جالپى كولەمىنىڭ ايتارلىقتاي تومەندەۋىنە اكەلدى»، دەلىنگەن كتك-ءنىڭ رەسمي حابارلاماسىندا.

تەڭىز كەن ورنىنداعى جوندەۋ جۇ­مىستارى 1 تامىزدا باستالعان جانە

1 قىركۇيەككە دەيىن جالعاسادى. سول سەبەپتى تاۋلىكتىك ءوندىرىس ادەتتەگى 81 مىڭ توننادان 65،7 مىڭ تونناعا تومەندەگەن. سوندا 32 كۇندە 480 مىڭ توننا مۇناي تيەل­مەي قالادى.

ساراپشىلاردىڭ ايتۋىنا قاراعاندا، قاشاعان كەن ورنىنىڭ «بولاشاق» زاۋىتىندا قۇرىلعىلاردىڭ بىرىنەن جارىق تابىلىپ، بۇل ءوندىرىستىڭ تومەندەۋىنە اكەلىپ سوققان. نەگىزى قاشاعاننىڭ تاۋلىكتىك ءوندىرىسى 400 مىڭ باررەلدى قۇرايدى. تەلەگرامداعى Energy Monitor ساراپشىلارىنىڭ پايىمداۋىنشا، بۇل – اجەپتاۋىر كولەم. «مىسالى، ەكى كۇن بۇرىن عانا وپەك+ قىركۇيەكتە مۇناي ءوندىرىسىن تاۋلىگىنە 100 مىڭ باررەلگە ۇلعايتۋ تۋرالى شەشىم قابىلدادى. بۇل قاشاعاننىڭ وندىرىسىنەن 4 ەسە تومەن»، دەپ جازادى ولار.

قاشاعان كەن ورنىنىڭ وپەراتورى بولعان جاعدايعا وراي پىكىر بىلدىرگەن.

«NCOC كومپانياسى، سولتۇستىك-كاسپي جوباسى (قۇرامىنا قاشاعان، قايران جانە اقتوتى دەيتىن ءۇش كەن ورنى كىرەدى – رەد.) وپەراتورى 2022 جىلدىڭ 3 تامىزىندا ءوندىرىس ورنىندا گازدىڭ شىعىپ كەتۋ بەلگىلەرىنىڭ انىقتالۋىنا بايلانىس­تى «بولاشاق» كەشەنىنىڭ مۇناي-گاز وڭدەۋ زاۋىتىن قاۋىپسىز توقتاتۋ جۇرگىزىلگەنىن راستايدى. ستاندارتتى تارتىپكە سايكەس، ءوندىرىس ورىندارىندا گاز داتچيكتەرى ىسكە قوسىلعاننان كەيىن الاۋ جۇيەسىنىڭ قىسىمى جويىلدى. اتالعان وقيعا ادامداردىڭ دەنساۋلىعىنا زيان كەلتىرمەدى. باتىس ەسكەنەدەگى اۋا ساپاسىن باقىلاۋ ستانسالارى لاستاۋشى زاتتاردىڭ شەكتى رۇقسات ەتىلگەن كونتسەنتراتسياسىنان اسپاعانىن تىركەدى»، دەلىنگەن NCOC («نورت كاسپيان وپەرەيتينگ كومپاني ن.ۆ.») ءباسپاسوز قىزمەتىنىڭ حابارلاماسىندا.

Energy Monitor دەرەگى بويىنشا بيىل

1 تامىزدان بەرى قازاقستاندا مۇناي ءوندىرىسى تاۋلىگىنە 13-15 مىڭ تونناعا ازايعان. كتك بويىنشا مۇناي ايداۋ جۇمىستارى الداعى ءبىر جارىم اي كولەمىندە دە رەتتەلمەيتىن سەكىلدى. ويتكەنى قىركۇيەكتىڭ 12-سىنەن باستاپ قازاننىڭ 6-سىنا دەيىنگى ارالىقتا تولىقتاي كۇردەلى جوندەۋدەن وتكىزىلۋىنە بايلانىستى قاراشىعاناق كەن ورنى دا ءوندىرىستى توقتاتپاق.

كتك تاۋەكەلى مۇنىمەن دە بىتپەيتىن سياقتى. «تەڭىزشەۆرويل» جشس-نىڭ 25 پايىزىنا يەلىك ەتەتىن امەريكالىق ExxonMobil كومپانياسى كەلەشەكتە رەسەيگە تاعى سالىنۋى مۇمكىن سانكتسيادان قاۋىپ قىلىپ وتىرعان كورىنەدى.

«ۋكرايناداعى اسكەري وپەراتسيالارعا بايلانىستى قولدانىستاعى سانكتسيالاردى كەڭەيتۋ، رەسەي فەدەراتسياسىنىڭ قارسى شارالاردى قولدانۋى نەمەسە باسقا تىكەلەي نەمەسە جاناما اسەرلەردىڭ تۋىنداۋى جاع­دايىندا كتك قۇبىر جەلىسى بويىنشا قازاقستاننان مۇناي تاسىمالداۋ ءۇزىلىپ قالۋى، قىسقارۋى نەمەسە ۋاقىتشا شەك­تەلىپ قالۋى ىقتيمال. ونداي جاعدايدا كور­پوراتسيا شىعىنعا باتادى»، دەلىنگەن كوم­پانيانىڭ اقش بيرجاسى مەن قۇندى قاعاز­دارى بويىنشا كوميسسياعا ارنالعان ەسەبىندە.

وندا 2022 جىلدىڭ ءبىرىنشى جارتىسىندا قازاقستاندا ورنالاسقان اكتيۆتەرى كورپوراتسياعا 1،5 ملرد دوللار كولەمىندە تابىس اكەلگەنى ايتىلادى. بۇل بويىنشا تاۋلىكتىك ءوندىرىس كولەمى شامامەن 250 مىڭ مۇناي ەكۆيۆالەنتىنىڭ باررەلىن قۇراعان. ايتا كەتەيىك، ExxonMobil قازاقستانداعى تەڭىز جانە كورولەۆ كەن ورىندارىنىڭ جۇمىسىن باسقاراتىن «تەڭىزشەۆرويل» جشس-نىڭ 25 پايىز اكتسياسىنا، سونىمەن بىرگە قاشاعان كەن ورنىنىڭ 16،8 پايىز اكتسياسىنا يە.

قارجى ساراپشىسى اندرەي چەبو­تارەۆتىڭ ايتۋىنشا، ەگەر جاھانعا ايگىلى ExxonMobil-دىڭ ءوزى ىقتيمال تاۋەكەلدى ويلاپ تارتىنىپ تۇرسا، دەمەك كتك-ءنىڭ كەلەشەگى ب ۇلىڭعىر دەگەن ءسوز. جاقىن بولاشاقتا باتىس ەلدەرى كتك مۇنايىنان باس تارتۋى مۇمكىن، ەكىنشى مۇمكىن نۇسقا – كتك-ءنى رەسەيدىڭ ءوزى ىستەن شىعارادى. سوعىس قانشالىقتى ۇزاققا سوزىلعان سايى­ن تاۋەكەل دە سوعۇرلىم ارتا تۇسەدى دەيدى ساراپشىلار.

سوڭعى جاڭالىقتار

سەمەي قالاسىنىڭ اكىمى تاعايىندالدى

تاعايىنداۋ • بۇگىن، 10:42

مەسسي جەڭىسكە جەتەلەي المادى

فۋتبول • بۇگىن، 07:35

شيرەك فينالعا ءوتتى

تەننيس • بۇگىن، 07:33

ءتورتىنشى ورىنعا تۇراقتادى

تەننيس • بۇگىن، 07:32

جۇلدەنىڭ اۋىلى الىس ەمەس

سپورت • بۇگىن، 07:28

بارىمتاعا – «قارىمتا»

قوعام • بۇگىن، 07:25

اسىق اتۋدان الەم چەمپيونى

ۇلتتىق سپورت • بۇگىن، 07:24

ادام كاپيتالىن ارتتىرۋعا ارنالادى

ەكونوميكا • بۇگىن، 07:20

جاڭا رەفورماعا سەنىم زور

پىكىر • بۇگىن، 07:16

ءۇمىت ءسوزى

پىكىر • بۇگىن، 07:12

بۇل – بولاشاقتىڭ تاڭداۋى

پىكىر • بۇگىن، 07:08

اشىقتىقتى ارتتىراتىن يگى ىستەر

قازاقستان • بۇگىن، 07:05

قۇقىق ۇستەمدىگى – كەلىسىم كەپىلى

قازاقستان • بۇگىن، 07:03

ەرتەڭىمىز ءۇشىن ۇتىمدى شەشىم

ساياسات • بۇگىن، 07:00

كاسىپ كوزى – ءناسىپ كوزى

ەكونوميكا • كەشە

ۇقساس جاڭالىقتار