VII استانا ەكونوميكالىق فورۋمى 21-23 مامىر ارالىعىندا وتەدى

استانا. 6 مامىر. اعىمداعى جىلدىڭ 21-23 مامىرى ارالىعىندا وتكەلى وتىرعان VII استانا ەكونوميكالىق فورۋمى مەن II دۇنيەجۇزىلىك داعدارىسقا قارسى كونفەرەنتسياعا الەمنىڭ 150 مەملەكەتىنەن 10 مىڭعا جۋىق ادام قاتىسادى. بۇل تۋرالى egemen.kz ءتىلشىسى حابارلادى. استانا ەكونوميكالىق فورۋمى الەمدەگى ەڭ ءىرى حالىقارالىق جيىنداردىڭ ءبىرى. فورۋم 2008 جىلدان باستاپ ەكونوميكالىق جانە الەۋمەتتىك ماسەلەلەرىمەن كۇرەسۋ باعىتىندا شەشىمدەر تابۋ ءۇشىن جىل سايىن جاھاندىق كوشباسشىلاردى, ساراپشىلاردى جانە بيزنەس-قاۋىمداستىقتاردىڭ وكىلدەرىن جيناپ, ولاردىڭ باسىن قوسىپ كەلەدى. بيىل دا الەمگە ايگىلى ساياساتكەرلەر, ساراپشى-ەكونوميستەر مەن نوبەل سىيلىعىنىڭ 10-نان استام لاۋرەاتى, مەملەكەتتىك ۇيىمداردىڭ باسشىلارى مەن اقپارات قۇرالدارىنىڭ وكىلدەرى حالىقارالىق ەڭ وزەكتى ماسەلەلەردى استانادا تالقىلاماق. بۇكىلالەمدىك داعدارىسقا قارسى قازاقستان تاراپىنان تۇجىرىمداما ازىرلەنىپ وتىر. بۇل جوبا جونىندە كونفەرەنتسيادا كەڭىنەن ءسوز قوزعالماق. اتالعان باعدارلاما كوپشىلىك تاراپىنان قولداۋ تابادى دەگەن سەنىم بار. شاراعا بۇۇ بەلسەنە قاتىسادى دەپ كۇتىلۋدە. بۇل اۋقىمدى شاراعا 800-دەي جۋرناليست شاقىرىلعان. ولاردىڭ 300-ءى شەتەلدىك تىلشىلەر. جولدىباي بازار. دەرەككوز: egemen.kz. فوتو: akorda.kz.