قوعام • 08 تامىز، 2022

ەسىرتكى ساۋداسى ءورشىپ، پاتەر توناۋ ازايدى

267 رەت كورسەتىلدى

قۇقىق قورعاۋ قىزمەتكەرلەرى ەلىمىزدە جەكەلەگەن قۇقىقبۇزۋشىلىق، قىلمىس سانىنىڭ ازايا باستاعانىن ايتادى. الايدا ىشكى ىستەر مينيسترلىگىنىڭ اپتالىق ەسەبىنە قاراساق، ەلدەگى كريمينوگەندىك جاعداي ءالى دە الاڭداتارلىق جاعدايدا. ءبىر اپتا ىشىندە 3 400-گە جۋىق قىلمىس جاسالعان.

ءبىر اپتادا ورىن العان 3 397 قىلمىستىڭ 1 986-نىڭ ءىزى سۋىماي اشىلعان.  پوليتسيا قىزمەتكەرلەرى 7 كىسى ولتىرگەن قاسكويلەردى، 1 كىسى ولىمىنە اكەلگەن دەنساۋلىققا قاساقانا اۋىر زيان كەلتىرگەن، 1 قاراقشىلىق جاساعان، 34 توناۋ جانە 539 بوتەن م ۇلىكتى ۇرلاعان كۇدىكتىلەردى بىردەن قۇرىقتاعان.

ءىىم كريمينالدىق پولي­تسيا دە­پارتامەنتى ءۇشىنشى باسقار­ما­سىنىڭ اعا جەدەل ۋاكىلى ساعىندىق جانتەمىروۆتىڭ ايتۋىنشا، قازاق­ستاندا سوڭعى التى جىلدا ينتەرنەت­الاياقتىقتىڭ سانى ايتارلىقتاي ارتقان (21 مىڭعا دەيىن). جىل باسىنان بەرى 11 763 وقيعا تىركەلىپ، الاياقتاردىڭ كەسىرىنەن 7 ملرد تەڭگە شىعىن كەلتىرىلگەن. 571 قىلمىسكەر، 17 ۇيىمداسقان قىل­مىستىق توپ مۇشەلەرى ۇستالعان. بۇگىندە الاياقتار ابونەنتتىك نو­مىر­لەردى اۋىستىرۋ بويىنشا سەر­­ۆيستەردى، ۇيالى تەلەفوندارعا قا­شىقتان قول جەتكىزۋ ءۇشىن ارنايى قوسىمشالاردى پايدالانادى. سونداي-اق ولاردىڭ اراسىندا شەتەلدەن ارەكەت ەتەتىندەر دە بار. وسى ورايدا قازاقستاندىق بايلانىس وپەراتورلارى اۋىستىرىلعان ابونەنتتىك نومىرلەردى بۇعاتتاۋ جۇيەسىن ەنگىزىپ جاتىر، بۇل تەلەفون ارقىلى جاسالاتىن الاياقتىق فاكتىلەرىن ازايتادى، دەدى ءىىم-ءنىڭ وكىلى.

ەلدە ءورشىپ تۇرعان قىلمىستىڭ ءبىرى – ەسىرتكى ساۋداسى. ماسەلەن، جامبىل وبلىسىنىڭ جەرگىلىكتى تۇرعىندارى ەسىرتكى تاراتۋمەن جىلدار بويى اينالىسقان. ەكى كۇدىكتىنى ءتىنتۋ كەزىندە ولاردان تاراتۋعا دايىندالعان، 15 پاكەتكە سالىنعان سينتەتيكالىق مەفەدرون ەسىرتكىسى تابىلعان. ولار­دىڭ الەۋمەتتىك جەلىلەردەگى حات-حابارلارىن زەرتتەۋ بارىسىندا  كۇدىكتىلەردىڭ ەسىرتكىلەردى جاسىرىن ورىندارعا قويعاندارى بەلگىلى بولدى. «كليەنتتەرمەن» حات الماسۋدا كورسەتىلگەن ورىن­دار بويىنشا پوليتسيا قىزمەتكەر­لەرى تارازدا جانە ونىڭ ماڭىندا جاسىرىلعان ەسىرتكىلەردىڭ كوزىن جويدى. ناتيجەسىندە، مەفەدرون جاسىرىلعان 29 ورىن انىقتالعان.

سونداي-اق وسكەمەندە بەينە­باقىلاۋ جۇيەلەرىنىڭ كومەگىمەن ەسىرتكى ساتۋشى ۇستالىپ، جاسىرىن زەرتحانا جويىلعان. وبلىستىق ەسىرتكى قىلمىسىنا قارسى كۇرەس بولىمشەسىنىڭ قىزمەتكەرلەرى قا­لا ورتالىعىنداعى ۇيلەردىڭ بىرىن­­دە باسقا قالادان كەلگەن جى­گىت تۇ­­راتىنى جانە ونىڭ پا­تەر­دەن كەش­كە قاراي شىعىپ كە­تەتىنى تۋرالى اقپارات الادى. با­قى­لاۋ با­رىسىندا جاس جىگىتتىڭ كۇن سايىن پا­تەردەن كەشكە قاراي ريۋك­زاكتار­مەن شىعىپ، اۋداندى اينالىپ ءوتىپ، تۇندە ۇيگە ورالا­تىنى انىقتالعان. وسىلايشا، ونىڭ ەسىرتكى جاسىرۋمەن اينالىسات­ىنى بەلگىلى بولدى. ۇستاۋ كەزىندە كۇدىكتىدەن «الفا-pvp» سينتەتيكالىق ەسىرتكىسى تار­كىلەندى. جاۋاپ الۋ بارىسىندا كۇدىكتىنىڭ بۇرىن قاراعاندىدا تۇرعانى، ال وسكەمەنگە اقشا تابۋ ماقساتىندا ەسىرتكى ءوندىرۋ جانە وتكىزۋ ءۇشىن كەلگەنى بەلگىلى بولدى. جالدامالى ءۇيدى ءتىنتۋ بارىسىندا پوليتسەيلەر ساتۋعا دايىندالعان تاعى 600 گرامم سينتەتيكالىق ەسىرتكىنى انىقتاعان.

ال ەلدە پاتەر ۇرلىعى ازايا باستاعان. بۇل قىلمىس تۇ­رىنە 3 جىل بۇرىن جازانىڭ اۋىر­لاعانى ىقپال ەتكەن بولۋى كەرەك. س.جانتەمىروۆتىڭ ايتۋىنشا، ۇرى­لاردىڭ پاتەر يەلەرىمەن ىمى­راعا كەلۋى وڭاي ەكەنى ەسكەرىلىپ، 2018-2019 جىلدارى قولدانىس­تا­عى قىلمىستىق كودەكسكە بىرقاتار وزگەرىس ەنگىزىلگەن ەدى. بۇگىندە بىرنەشە رەت پاتەر توناپ، ءۇي-جاي­لارعا زاڭسىز كىرگەندەر اسا اۋىر قىلمىسقا جول بەرگەندەردىڭ ساناتىنا جاتادى. ولاردى 7 جىلعا دەيىن باس بوستاندىعىنان ايىرۋ جازاسى قاراستىرىلعان. سونداي-اق بار مۇلكى تاركىلەنەدى. سونداي-اق ۇرىلارعا توسقاۋىل بولاتىن تۇرعىن ۇيلەردىڭ اۋلالارىندا 68 مىڭنان استام بەينەباقىلاۋ كامەراسى ورناتىلعان. جالپى، سوڭعى ۋاقىتتا قابىلدانعان شارالاردىڭ ناتيجەسىندە 5 جىلدا پاتەر توناۋ سانى 33،4%-عا تومەندەگەن. «ماسەلەن، 2017 جىلى 37 893 ۇر­لىق تىركەلسە، 2018 جىلى – 34 623، 2019 جىلى – 31 153، ال 2020 جىلى – 14 532، 2021 جىلى 12 655 پاتەر ۇرلىعى انىقتالعان. پاتەر توناۋعا قاتىستى 2017 جىلى 37 مىڭنان استام قىلمىس تىركەلگەن بولسا، 2021 جىلى ولاردىڭ سانى 12 مىڭ­نان اسپايدى. الايدا قازىرگى پاتەر توناۋشىلار ۇرلىق تاكتيكاسىن، پاتەرلەرگە ەنۋ ادىستەرى مەن داعدىلارىن ۇنەمى جەتىلدىرىپ وتىرادى. ولار زاماناۋي تەحنولوگيالاردى، ۇيالى بايلانىستاردى پايدالانادى. پاتەر ۇرلىعى نەگىزىنەن كۇندىزگى ۋاقىتتا، اتاپ ايتقاندا، بارلىعى جۇمىستا نەمەسە مەكتەپتە بولعاندا جاسالادى»، دەدى س.جانتەمىروۆ.

سوڭعى جاڭالىقتار

سەمەي قالاسىنىڭ اكىمى تاعايىندالدى

تاعايىنداۋ • بۇگىن، 10:42

مەسسي جەڭىسكە جەتەلەي المادى

فۋتبول • بۇگىن، 07:35

شيرەك فينالعا ءوتتى

تەننيس • بۇگىن، 07:33

ءتورتىنشى ورىنعا تۇراقتادى

تەننيس • بۇگىن، 07:32

جۇلدەنىڭ اۋىلى الىس ەمەس

سپورت • بۇگىن، 07:28

بارىمتاعا – «قارىمتا»

قوعام • بۇگىن، 07:25

اسىق اتۋدان الەم چەمپيونى

ۇلتتىق سپورت • بۇگىن، 07:24

ادام كاپيتالىن ارتتىرۋعا ارنالادى

ەكونوميكا • بۇگىن، 07:20

جاڭا رەفورماعا سەنىم زور

پىكىر • بۇگىن، 07:16

ءۇمىت ءسوزى

پىكىر • بۇگىن، 07:12

بۇل – بولاشاقتىڭ تاڭداۋى

پىكىر • بۇگىن، 07:08

اشىقتىقتى ارتتىراتىن يگى ىستەر

قازاقستان • بۇگىن، 07:05

قۇقىق ۇستەمدىگى – كەلىسىم كەپىلى

قازاقستان • بۇگىن، 07:03

ەرتەڭىمىز ءۇشىن ۇتىمدى شەشىم

ساياسات • بۇگىن، 07:00

كاسىپ كوزى – ءناسىپ كوزى

ەكونوميكا • كەشە

ۇقساس جاڭالىقتار