سونىمەن بىرگە پين كودىن ءبىلىپ الىپ جاساعان 14 قىلمىس اشىلدى. ونىڭ ىشىندە بىرەۋى بانك كارتوچكاسى ارقىلى اقشاسىن بانكوماتتان ۇرلاپ الۋ بولسا, قالعانى يەلەرىنە نەسيە رەسىمدەۋ جولىمەن جاسالعان قىلمىستار.
Olx.kz, Krisha.kz, Kolesa.kz سايتتارىنا جانە ۆكونتاكتە, Instagram الەۋمەتتىك جەلىلەرىنە مونيتورينگ جاساۋ بارىسىندا بىرنەشە قىلمىستىڭ جولى كەسىلدى. ماسەلەن, ءبىر ءاۆتوموبيلدى ساتۋ تۋرالى ءۇش قالادان فەيك حابارلاندىرۋلار بەرىلگەن. الۋشى تابىلسا, الدىن الا تولەگەن اقشاسىنان ايىرىلىپ قالار ەدى. وسىندايلاردان زارداپ شەككەندەر بولسا, ولاردى انىقتاۋ جۇمىستارى جۇرگىزىلىپ جاتىر.
«بۇدان بولەك, Instagram-دا سپورتتىق كيىم ساتاتىن جالعان دۇكەننىڭ اككاۋنتى انىقتالدى», دەپ تولىقتىرا كەتتى وبلىستىق پد كريمينالدىق پوليتسيا باسقارماسىنىڭ باستىعى, پوليتسيا پودپولكوۆنيگى مارات جۇماليەۆ. – الاياقتار پەتروپاۆلداعى مەكەنجايدى كورسەتكەن, ال شىندىعىندا وندا ەشقانداي ساۋدا ورنى بولماي شىقتى. زارداپ شەگۋى مۇمكىن ادامداردى انىقتاۋ بويىنشا شارالار قابىلداندى. بارلىعى ءىس-شارانىڭ ءۇش كۇنىندە ءتۇرلى قۇقىققا قايشى كونتەنتى بار 60 سىلتەمە انىقتالىپ, اقپارات جانە قوعامدىق دامۋ مينيسترلىگىنە تەكسەرۋ جانە بۇعاتتاۋ ءۇشىن جىبەرىلدى».
پەتروپاۆل
