تالانتىمەن توپ جارعان ايبەك قاسىمحانوۆ – التى جاسىنان باستاپ دومبىرا تارتۋدى ۇيرەنىپ, سودان بەرگى ارالىقتا تالاي مارتە ونەر سايىستارىنا تۇسكەن ورەن.
– مەن قاراعاندىداعى مامانداندىرىلعان مۋزىكا مەكتەپ-ينتەرناتىندا دومبىرامەن ءان ايتۋ سىنىبىندا وقيمىن. مەنىڭ جەتەكشىم – ازامات تۇسىپبەكوۆ. كوپتەگەن وبلىستىق, رەسپۋبليكالىق جانە حالىقارالىق بايقاۋ مەن فەستيۆالعا, سونداي-اق «قازاقستان داۋىسى» جوباسىنا قاتىسىپ, جۇلدەلى ورىندارعا يە بولدىم, – دەيدى ايبەك قاسىمحانوۆ.
گرۋزياداعى حالىقارالىق بايقاۋعا جاس ونەرپاز تۇركياداعى جەڭىسىنەن كەيىن جولداما العان.
– وتكەن جىلى مەن الماتىدا وتكەن حالىقارالىق بايقاۋعا قاتىسىپ, ءبىرىنشى ورىن الدىم, سودان ماعان تۇركيادا ۇيىمداستىرىلعان ونەر سايىسىنا جولداما بەرىلدى. مەن وندا دا ءبىرىنشى بولىپ, گرۋزيادا وتەتىن حالىقارالىق مۋزىكالىق بايقاۋعا قاتىسۋعا شاقىرتۋ الدىم. شىلدە ايىنىڭ سوڭىندا ول جەرگە بارىپ, ساتتىلىك سەرىگىم بولىپ, گران-پري جەڭىپ الدىم. كەلەسى جىلى تاعى دا گرۋزياداعى مۋزىكالىق جارىسقا قاتىسۋدى جوسپارلاپ وتىرمىن, ويتكەنى مەن سەرتيفيكات ەنشىلەدىم. بولاشاقتا ءوز ءومىرىمدى مۋزىكامەن بايلانىستىرعىم كەلەدى. دومبىرا مەن ءداستۇرلى حالىق اندەرىن دارىپتەيمىن. مەكتەپتى بىتىرگەننەن كەيىن الماتىداعى قازاق ۇلتتىق ونەر اكادەمياسىنا وقۋعا ءتۇسۋ جوسپارىمدا بار, – دەيدى جاس دومبىراشى.
ايبەك قاسىمحانوۆ نەگىزىنەن حالىق اندەرىن ورىندايدى. تۇركيا مەن گرۋزياداعى بايقاۋلاردا ول «باستاۋ» مەن ء«حالاۋلىم» تۋىندىلارىن شىرقادى. ايبەك قاسىمحانوۆتىڭ ەسىمى «قازاقستاننىڭ التىن بالالارى» كىتابىنا ەندى.
