قازاقستان • 07 تامىز، 2022

ساپا قايتسە جاقسارادى؟

39 رەت كورسەتىلدى

جول ساپاسى تۋرالى ايتىلا باستاسا زار يلەيمىز. ەلىمىزدە جالپى ۇزىندىعى 96 مىڭ شاقىرىم بولاتىن اۆتوجول بار. سونىڭ 24 مىڭى – رەسپۋبليكالىق، 71 مىڭى جەرگىلىكتى ماڭىزعا يە. بىراق قاي ءوڭىردىڭ جولى تۋرالى ايتساڭ دا قولىڭا ىلىنەر ىلىك كوپ. وڭىرلەر اراسىن جالعايتىن جولداردى بىلاي قويعاندا، الاقانداي قالا ىشىندەگى جولداردىڭ ءوزى جىل سايىن ءسۇرىلىپ، جىل سايىن توسەلىپ جاتادى. ەگەر كولىك بولشەكتەرى بازارىندا سەڭدەي سوعىلىسىپ بولشەك ىزدەگەن جۇرگىزۋشىلەردى كورسەڭىز، وندا ونىڭ كولىگىنىڭ بۇزىلۋ سەبەبىندە قازاقستان جولدارىنىڭ ۇلەسى اسا مول دەپ بىلگەيسىز.

ءبىزدىڭ شەندىلەردە پرەزيدەنت ايتپاسا قوزعالا قويمايتىن جامان ءبىر ادەت بار. ەگەر الدەبىر پروب­لەماعا مەملەكەت باسشىسى نا­زار اۋدارماسا، دەمەك ول پروب­لەماعا ءبىزدىڭ دە نازار اۋدارۋىمىز قاجەتسىز دەپ ۇعىناتىن سياقتى...

ۇكىمەتتىڭ كەڭەيتىلگەن وتىرىسىندا قاسىم-جومارت توقاەۆ «جول ساپاسى مۇلدە سىن كوتەر­مەيدى. ۇكىمەتكە «قازاۆتوجول» مەن «قا­زاق­اۆتودوردى» بىرىكتى­رىپ، بىرىڭ­عاي اۆتوجول كومپانيا­سىن قۇرۋ­دى تاپسىرامىن. ناتيجەسىن­دە، قىزمەتكەر سانى دا قىسقا­را­دى»، دەگەن ەدى.

يندۋستريا جانە ينفرا­قۇرى­لىمدىق دامۋ مينيسترلىگىنىڭ حابارلاۋىنشا، جول قۇرىلىسىنىڭ ساپاسىن جاقسارتۋ ءۇشىن مينيسترلىك جۇيەلى شارالار مەن جاڭا تاسىل­دەردى ازىرلەپ جاتىر. ەڭ ءبىرىن­شى كەزەكتە، كەپىلدىك مەرزى­مىن­دە اقاۋلار پايدا بول­عان جاع­دايدا تەحنيكالىق، اۆتور­لىق قا­د­اعالاۋ جانە تاپسىرىس بەرۋ­شىنىڭ جاۋاپكەرشىلىگىن كۇشەيتۋ كوزدەلەدى. ودان سوڭ الەمنىڭ 100-دەن استام ەلىندە قولدانىلاتىن فيديك ەلەمەنتتەرىن (مەردىگەر، تاپسىرىس بەرۋشى جانە ينجەنەر اراسىنداعى ءوزارا قارىم-قاتىناس) ەنگىزۋ ارقىلى تولىق اياقتالعان سحەما بويىنشا EPC كەلىسىمشارتتارىن ەنگىزۋ (جوبالاۋ، پايدالانۋ جانە قۇرىلىس) جوسپارلانعان.

ءۇشىنشى مىندەت – جاڭا تەحنولوگيالاردى ەنگىزۋ جانە كادرلاردى دايارلاۋ.

«بۇدان باسقا، ساپانى قامتا­ماسىز ەتۋ جانە جەرگىلىكتى اتقا­رۋ­­شى ورگاندارعا قارجىلىق تاۋەلدىلىكتى جويۋ ءۇشىن «كولىك ­تۋرالى» زاڭ جوباسىنىڭ شەڭبە­رىندە بىرىڭعاي شارتقا قول قويۋ تەتىگى ۋاكىلەتتى ورگانمەن جانە ساپا ورتالىعىمەن پىسىقتالاتىن بولادى. بۇل شارتقا قاراماستان اكىمدىكتەردىڭ اتىنا ەسكەرتۋلەر بەرۋگە جانە ولاردىڭ مىندەتتى تۇر­دە ورىندالۋىن تالاپ ەتۋگە مۇم­كىندىك بەرەدى. بيىل جەر­گىلىكتى جولداردىڭ ساپاسىنا باقىلاۋ جۇرگىزۋ بارىسىندا 9 مىڭعا جۋىق سىناما الىندى، ولاردىڭ 2،5 مىڭ سىناماسى نەمەسە 28%-ى تالاپتارعا سايكەس كەلمەيدى»، دەلىنگەن مينيسترلىك حابارلاماسىندا.

ەسكەرتۋلەرگە قاراماستان، تاپ­سى­رىس بەرۋشىلەر وبەكتىلەردى قا­­­بىلداپ جىبەرگەن. مۇنىڭ سوڭى كەي وڭىردە قىلمىستىق ءىستىڭ قوز­عا­لۋىنا (اقتوبە وبلىسىندا، شىم­كەنتتە) اكەلىپ سوقتىرىپ جاتىر.

«سونىمەن قاتار قارجىلان­دىرۋدى تەپە-تەڭ ءبولۋ ماسە­لەسى وزەكتى بولىپ وتىر. مىندەتتە­مە­­لەرگە قاراماستان جەكەلەگەن وبلىستار بۇل تالاپتاردى ساق­­تا­مايدى (باتىس قازاقستان، سولتۇستىك قازاقستان، قوستاناي، پاۆلودار وبلىستارى). مىسالى، مەملەكەت باسشىسىنىڭ تاپسىرماسىنا قاراماستان، باتىس قازاقستان وبلىسىندا جەرگىلىكتى جولداردى دامىتۋ قارقىنى تومەن. وتكەن جىل­دىڭ قورىتىندىسى بويىنشا رەس­پۋبليكانىڭ ورتاشا كورسەتكىشى 80% بولا تۇرا وڭىردەگى جولدار­دىڭ نورماتيۆتىك جاي-كۇيى 39%-دى قۇرادى»، دەيدى ۆەدومستۆو.

سوڭعى جاڭالىقتار

سەمەي قالاسىنىڭ اكىمى تاعايىندالدى

تاعايىنداۋ • بۇگىن، 10:42

مەسسي جەڭىسكە جەتەلەي المادى

فۋتبول • بۇگىن، 07:35

شيرەك فينالعا ءوتتى

تەننيس • بۇگىن، 07:33

ءتورتىنشى ورىنعا تۇراقتادى

تەننيس • بۇگىن، 07:32

جۇلدەنىڭ اۋىلى الىس ەمەس

سپورت • بۇگىن، 07:28

بارىمتاعا – «قارىمتا»

قوعام • بۇگىن، 07:25

اسىق اتۋدان الەم چەمپيونى

ۇلتتىق سپورت • بۇگىن، 07:24

ادام كاپيتالىن ارتتىرۋعا ارنالادى

ەكونوميكا • بۇگىن، 07:20

جاڭا رەفورماعا سەنىم زور

پىكىر • بۇگىن، 07:16

ءۇمىت ءسوزى

پىكىر • بۇگىن، 07:12

بۇل – بولاشاقتىڭ تاڭداۋى

پىكىر • بۇگىن، 07:08

اشىقتىقتى ارتتىراتىن يگى ىستەر

قازاقستان • بۇگىن، 07:05

قۇقىق ۇستەمدىگى – كەلىسىم كەپىلى

قازاقستان • بۇگىن، 07:03

ەرتەڭىمىز ءۇشىن ۇتىمدى شەشىم

ساياسات • بۇگىن، 07:00

كاسىپ كوزى – ءناسىپ كوزى

ەكونوميكا • كەشە

ۇقساس جاڭالىقتار