«يميدجدىك ءونىم ساتاتىن ساۋدا نۇكتەلەرىن اشۋ – مادەني قاۋىمداستىقتى قالىپتاستىرىپ قانا قويماي, كلاسسيكالىق تەاتر ونەرىنە كورەرمەندەردىڭ قىزىعۋشىلىعىن ارتتىرۋداعى ءىس-شارالار باستاماسى, – دەگەن «استانا وپەرا» تەاترى ديرەكتورىنىڭ ورىنباسارى ايجان قۇرمانعاليەۆا ودان ءارى, – ءبىز ءۇشىن كورەرمەندەرمەن بايلانىستىڭ ماڭىزى زور. ول ونەرسۇيەر قاۋىممەن مۇددەمىزدىڭ ءبىر بولۋىنا مۇمكىندىك بەرەدى. وسى ماقساتتا ءبىز «دوستار كلۋبى» جوباسىن جۇزەگە اسىرىپ, كورەرمەندەرگە ءوزارا قارىم-قاتىناسىمىز تۋرالى ورتاعا سالۋدى ۇسىنامىز. ەلوردا اكىمدىگىنىڭ قولداۋىمەن اشىلاتىن ارت-دۇكەندەر ونەردى جاقسى كورەتىن قاۋىمدى تەاترعا ءبىر تابان جاقىنداتىپ قانا قويماي, ونىڭ قايتالانباس رۋحىن سەزىندىرىپ, ادەمى جاسالعان كوركەم سىيلىقتارعا يە بولۋعا مۇمكىندىك سىيلايدى».
تەاتردىڭ ماركەتينگ دەپارتامەنتىنىڭ ماماندارى تاۋارلار اسسورتيمەنتى ۇلكەن ەكەنىن جانە ونىڭ ۇنەمى جاڭارتىلاتىنىن اتاپ ءوتتى. سونىمەن بەكزات ونەردى جاقسى كورەتىن قاۋىم اتالعان تەاتر عيماراتى مەن ەلوردالىق اۋەجاي جانە «كەرۋەن» ساۋدا ويىن-ساۋىق ورتالىعىندا اشىلاتىن ارت-دۇكەندەردەن نۇر-سۇلتان قالاسى مەن «استانا وپەرا» ەمبلەمالارى ءستيلدى سالىنعان ءارى بەدەرلەنگەن سپورتتىق كوستيۋم, باس كيىم, فۋتبولكا, شوپپەر-سومكە, ورامال, بلوكنوت, قالام, ساپتىاياق, ورگانايزەرلەر مەن باسقا دا كوپتەگەن تاۋاردى ساتىپ الادى.
