قازاقستان رەسپۋبليكاسى ۇكىمەتىنىڭ قاۋلىسى №411

2014 جىلعى 28 ءساۋىر,  استانا, ۇكىمەت ءۇيى «ساۋلەت-قۇرىلىس باقىلاۋىن جانە قاداعالاۋدى جۇزەگە اسىراتىن مەملەكەتتىك قۇرىلىس ينسپەكتورلارىن اتتەستاتتاۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 22 مامىرداعى №437 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «ساۋلەت-قۇرىلىس باقىلاۋىن جانە قاداعالاۋدى جۇزەگە اسىراتىن مەملەكەتتىك قۇرىلىس ينسپەكتورلارىن اتتەستاتتاۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 22 مامىرداعى № 437 قاۋلىسىنا (قازاقستان رەسپۋبليكاسىنىڭ ءپۇاج-ى, 2006 ج., № 18, 178-قۇجات) مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن ساۋلەت-قۇرىلىس باقىلاۋىن جانە قاداعالاۋدى جۇزەگە اسىراتىن مەملەكەتتىك قۇرىلىس ينسپەكتورلارىن اتتەستاتتاۋ قاعيدالارىندا: 4-تارماق مىناداي رەداكتسيادا جازىلسىن: «4. اتتەستاتتاۋ ينسپەكتورلاردىڭ قۇزىرەتتىلىگىن, ساۋلەت, قالا قۇرىلىسى جانە قۇرىلىس سالاسىنداعى مەملەكەتتىك نورماتيۆتەردى ءبىلۋىن انىقتاۋ, ولار جۇزەگە اسىراتىن جۇمىستاردىڭ ساپاسىن جاقسارتۋ, قۇرىلىس سالاسىندا بولىپ جاتقان وزگەرىستەردى ەسكەرە وتىرىپ, جاڭا تالاپتاردى زەردەلەۋ ماقساتىندا جۇرگىزىلەدى جانە مىناداي ەكى كەزەڭنەن تۇرادى: 1) تەستىلەۋ; 2) اڭگىمەلەسۋ.»; 7-تارماقتىڭ ەكىنشى, ءۇشىنشى بولىگى مىناداي رەداكتسيادا جازىلسىن: «اتتەستاتتاۋ كوميسسياسى كوميسسيا توراعاسىنان, توراعانىڭ ورىنباسارىنان, مۇشەلەرى مەن حاتشىسىنان تۇرادى. كوميسسيا مۇشەلەرىنىڭ سانى بەس ادامنان كەم بولماۋعا ءتيىس. اتتەستاتتاۋ كوميسسياسىنىڭ وتىرىسىندا اتتەستاتاۋ كوميسسياسىنىڭ توراعاسى بولماعان جاعدايدا, وعان اتتەستاتتاۋ كوميسسياسى توراعاسىنىڭ ورىنباسارى توراعالىق ەتەدى.»; مىناداي مازمۇنداعى 13-1-تارماقپەن تولىقتىرىلسىن: «13-1. ەگەر, اتتەستاتتاۋ كوميسسياسىنىڭ مۇشەسى اتتەستاتتاۋدان وتكەن جاعدايدا, وزىنە قاتىستى داۋىس بەرە المايدى.»; 17-تارماق مىناداي رەداكتسيادا جازىلسىن: «17. قىزمەتتىك مىنەزدەمە اتتەستاتتالاتىن ادامنىڭ كاسىپتىك, جەك قاسيەتتەرى مەن قىزمەتتىك ءىس-ارەكەتى ناتيجەلەرىنىڭ باعاسىن قامتۋعا ءتيىس جانە وعان: 1) قازاقستان رەسپۋبليكاسىنىڭ باس مەملەكەتتىك قۇرىلىس ينسپەكتورىنىڭ ورىنباسارلارى ءۇشىن - ۋاكىلەتتى ورگاننىڭ باسشىسى; 2) اۋماقتىق بولىمشەلەردىڭ باس مەملەكەتتىك قۇرىلىس ينسپەكتورلار] ءۇشىن - ۋاكىلەتتى ورگان باسشىسىنىڭ ورىنباسارى; 3) باس مەملەكەتتىك قۇرىلىس ينسپەكتورلارى مەن اۋماقتىق بولىمشەلەردى مەملەكەتتىك قۇرىلىس ينسپەكتورلارىنىڭ ورىنباسارلارى ءۇشىن – ۋاكىلەتتى ورگاننىڭ ءتيىستى اۋماقتىق بولىمشەلەرىنىڭ باسشىلارى; 4) ۋاكىلەتتى ورگاننىڭ مەملەكەتتىك قۇرىلىس ينسپەكتورلارى ءۇشىن ۋاكىلەتتى ورگان باسشىسىنىڭ ورىنباسارلارى; 5) اۋماقتىق بولىمشەلەردىڭ مەملەكەتتىك قۇرىلىس ينسپەكتورلارىنىڭ ورىنباسارلارى ءۇشىن – ۋاكىلەتتى ورگاننىڭ ءتيىستى اۋماقتىق بولىمشەلەرىنىڭ باسشىلارى نە ولاردىڭ ورىنباسارلارى قول قويادى.»; 20-تارماق مىناداي رەداكتسيادا جازىلسىن: «20. اتتەستاتتالاتىن ادام وزىنە بەرىلگەن قىزمەتتىك مىنەزدەمەمە كەلىسپەگەن جاعدايدا, اتتەس­تاتتاۋ كوميسسياسىنىڭ وتىرىسىنا دەيىن ەكى اش قالعاندا جۇمىس ورگانىنا ءوزىن سيپاتتايتىن قوسىمشا اقپارات بەرۋ ارقىلى ءوزىنىڭ كەلىسپەيتىنى تۋرالى مالىمدەمە جاساي الادى.»; مىناداي مازمۇنداعى 4-1-بولىممەن تولىقتىرىلسىن: «4-1. تەستىلەۋ وتكىزۋ 20-1. جۇمىس ورگانى تەست سۇراقتارىن جاسايدى جانە ونى ۋاكىلەتتى ورگاننىڭ باسشىسى بەكىتەدى. تەست سۇراقتارى جاۋاپتار پاراقتارىن تولىقتىرۋ تۇرىندە اتتەستاتتالاتىن ادامنىڭ ءبىلىم دەڭگەيىن باعالاعان كەزدە پايدالانىلادى. 20-2. تەستىلەۋ ەكى كەزەڭنەن تۇرادى: 1) تەستىلەۋگە قاتىسۋشىلاردىڭ تەستىدەن ءوتۋى; 2) ناتيجەلەردى ەسەپتەۋ. تەستىلەۋ تەستىلەۋگە قاتىسۋشىنىڭ ءوتىنىشى بويىنشا مەملەكەتتىك نەمەسە ورىس تىلىندە جۇرگىزىلەدى. 20-3. تەستىلەۋ كەزىندە قاتىسۋشىلاردىڭ: 1) تەستىلەۋ اياقتالعانعا دەيىن ءۇي-جايدان كەتىپ قالۋىنا; 2) تەستىلەۋگە قاتىسۋشىلارمەن سويلەسۋىنە جانە باسقا دا ءىس-قيمىلىمەن كەدەرگى جاساۋىنا; 3) جەكە ەلەكتروندىق قۇرالداردى (ونىڭ ىشىندە كومپيۋتەردى, ۇيالى تەلەفوندى) پايدالانۋىنا رۇقسات ەتىلمەيدى. جوعارىدا كورسەتىلگەن تالاپتار بۇزىلعان جاعدايدا تەستىلەۋگە قاتىسۋشى تەستىلەۋ وتكىزىلىپ جاتقان ءۇي-جايدان شىعارىلادى; وسى ادام ءۇشىن تەستىلەۋ وتپەدى دەپ تانىلادى جانە تەستىلەۋگە قاتىسۋشى اڭگىمەلەسۋگە جىبەرىلمەيدى, ءبۇل تۋرالى اتتەستاتتاۋ كوميسسياسى وتىرىسىنىڭ حاتتاماسىندا كورسەتىلەدى. وسى ادام اتتەستاتتاۋ كوميسسياسى بەلگىلەگەن مەرزىمدەردە, بىراق ءۇش ايدان ەرتە ەمەس مەرزىمدە قايتا اتتەستاتتاۋدان وتەدى. 20-4. تەست تاپسىرمالارىن ورىنداۋعا بەرىلگەن جالپى ۋاقىت 90 مينۋتتى قۇرايدى. تەست سا­ۋالنامالارى 100 ء(جۇز) سۇراقتان تۇرادى. تەستى ورىنداۋ ءۇشىن بولىنگەن ۋاقىت اياقتالعاننان كەيىن ماتەريالدار اتتەستاتتاۋ كوميسسيا­سىنا ۇسىنىلادى. 20-5. تەستىلەۋ ناتيجەسىن ساناۋدى 3 ء(ۇش) ساعاتتان اسپايتىن ۋاقىت ىشىندە دۇرىس جاۋاپتاردىڭ كودتارىن پايدالانا وتىرىپ, اتتەستاتاۋ كوميسسياسى جۇرگىزەدى. 20-6. مەملەكەتتىك ساۋلەت-قۇرىلىس باقىلاۋىن جانە قاداعالاۋىن جۇزەگە اسىراتىن قۇرىلىمدىق بولىمشەلەردىڭ باسشىلارى مەن ولاردىڭ ورىنباسارلارى, سونداي-اق قازاقستان رەسپۋبليكاسىنىڭ باس مەملەكەتتىك ينسپەكتورلارىنىڭ ورىنباسارلارى ءۇشىن شەكتى ءمان – كەمىندە 70 %; اتتەستاتتاۋعا جاتاتىن قالعان ساناتتار ءۇشىن - كەمىندە 60 %, تەستىلەۋ ناتيجەسى ەسەپتەلەدى. 20-7. تەستىلەۋدەن ءوتۋ كەزىندە شەكتى ماننەن تومەن باعا العان تەستىلەۋگە قاتىسۋشى اڭگىمەلەسۋگە جىبەرىلمەيدى. وسى ادام اتتەستاتتاۋ كوميسسياسى بەلگىلەگەن مەرزىمدەردە, بىراق ءۇش ايدان ەرتە ەمەس مەرزىمدە قايتا تەستىلەۋدەن وتەدى. 20-8. قايتا تەستىلەۋدەن وتكەن كەزدە تەستىلەۋگە قاتىسۋشى شەكتى ماننەن تومەن باعا السا, وندا اتتەستاتاۋ كوميسسياسى تەستىلەۋگە قاتىسۋشى اتقاراتىن ينسپەكتور لاۋازىمىنا سايكەس ەمەستىگى تۋرالى شەشىم قابىلدايدى.»; 30-تارماقتىڭ 2) جانە 3) تارماقشالار مىناداي رەداكتسيادا جازىلسىن: «2) اتتەستاتتالعان جوق, قايتا اتتەستاتتاۋعا جاتادى; 3) اتتەستاتتالعان جوق جانە ينسپەكتور اتقاراتىن لاۋازىمعا سايكەس كەلمەيدى (تەك قايتا اتتەستاتتالعان جاعدايدا).»; 31-تارماق مىناداي رەداكتسيادا جازىلسىن: «31. اتتەستاتتاۋ كوميسسياسىنىڭ شەشىمى ونىڭ وتىرىسىنا قاتىسقان توراعا, توراعانىڭ ورىنباسارى, اتتەستاتتاۋ كوميسسياسىنىڭ مۇشەلەرى مەن ونىڭ حاتشىسى قول قوياتىن حاتتامامەن رەسىمدەلەدى.»; 37-تارماق مىناداي رەداكتسيادا جازىلسىن: «37. اتتەستاتتاۋدان وتپەگەن, بىراق قايتا اتتەستاتتاۋعا جاتاتىن ادام اتتەستاتتاۋ كوميسسياسى بەلگىلەگەن مەرزىمدە, بىراق كەمىندە ءۇش اي وتكەننەن كەيىن اتتەستاتتاۋدان قايتا ءوتۋى مۇمكىن.»; كورسەتىلگەن قاعيدالارعا قوسىمشا وسى قاۋلىعا قوسىمشاعا سايكەس جاڭا رەداكتسيادا جازىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى س.احمەتوۆ. قازاقستان رەسپۋبليكاسى ۇكىمەتىنىڭ 2014 جىلعى 28 ساۋىردەگى №411 قاۋلىسىمەن بەكىتىلگەن ساۋلەت-قۇرىلىس باقىلاۋىن جانە قاداعالاۋدى جۇزەگە اسىراتىن مەملەكەتتىك قۇرىلىس ينسپەكتورلارىن اتتەستاتتاۋ قاعيدالارىنا قوسىمشا اتتەستاتتاۋ پاراعى اتتەستاتتالاتىن ينسپەكتور تۋرالى اقپارات تەگى, اتى, اكەسىنىڭ اتى _____________________________________________ تۋعان كۇنى جانە جەرى______________________________________________ ءبىلىمى___________________________________________________________ لاۋازىمى جانە تاعايىندالعان كۇنى__________________________________ جالپى ەڭبەك _________ ءوتىلى (ونىڭ ىشىندە مەملەكەتتىك ساۋلەت-قۇرىلىس باقىلاۋ ورگاندارىندا), ونىڭ ىشىندە وسى لاۋازىمدا___________________ قوسىمشا مالىمەتتەر: اتتەستاتتاۋ ناتيجەلەرى تۋرالى مالىمەتتەر: قاتىسقان اتتەستاتتاۋ كوميسسياسى مۇشەلەرىنىڭ سانى__________ داۋىس بەرۋ ناتيجەلەرى: «جاقتاعاندار»____________ «قارسى»_________________ قابىلدانعان شەشىم: _________________ (اتتەستاتتاۋدان ءوتتى; اتتەستاتتالعان جوق جانە قايتا اتتەستاتتاۋعا جاتادى; اتتەستاتتالعان جوق جانە ينسپەكتور اتقاراتىن لاۋازىمعا سايكەس كەلمەيدى) توراعا /______________________/ توراعانىڭ ورىنباسارى /________________/ حاتشى /_________________/ مۇشەلەرى /_____________/ قابىلدانعان شەشىممەن تانىستىم_____________________________________________ (اتتەستاتتالاتىن ادامنىڭ قولى جانە كۇنى)