ەلوردا • 05 تامىز، 2022

ەلوردادا «مەرەيلى وتباسى» بايقاۋىنىڭ ۇزدىكتەرى ماراپاتتالدى

21 رەت كورسەتىلدى

نۇر-سۇلتان قالاسىندا «مەرەيلى وتباسى» بايقاۋىنىڭ ۇزدىكتەرى سالتاناتتى تۇردە ماراپاتتالدى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

حالقىمىزدىڭ ونەگەسى مەن وتباسى قۇندىلىقتارىن ناسيحاتتاۋ، وتباسى مارتەبەسىن ارتتىرۋ ماقساتىندا «مەرەيلى وتباسى» ۇلتتىق كونكۋرسى جىل سايىن وتكىزىلەدى. باقىتتى وتباسى، ونىڭ قوعامداعى زور مارتەبەسى – ەل بولاشاعىنىڭ ايقىن كورىنىسى.

«مەرەيلى وتباسى» ۇلتتىق كونكۋرسى وتباسىنا ارنالعان جانە ونىڭ باستى ماقساتى – وتباسى ينستيتۋتىن نىعايتۋ جانە وتباسىلىق قۇندىلىقتاردى ىلگەرىلەتۋ.

وتباسى – بۇل ادامنىڭ تىنىش، سەنىمدى ايلاعى عانا ەمەس، سونىمەن بىرگە مەملەكەتتىڭ، قوعامنىڭ تۇراقتى دامۋىنىڭ نەگىزى.

«مەرەيلى وتباسى» ۇلتتىق بايقاۋى بۇگىندە يگى داستۇرگە اينالدى. جىلدان جىلعا بايقاۋعا قاتىسقىسى كەلەتىن وتباسىلار سانى ارتىپ كەلەدى.

1

بيىل «مەرەيلى وتباسى» بايقاۋىنا قاتىسقان وتباسىلاردىڭ ىشىندە 10 وتباسى ارنايى نوميناتسيالار بويىنشا ۇزدىك اتاندى:

«جاس وتباسى» نوميناتسياسى بويىنشا – اۋەزوۆتەر وتباسى;
«بەرەكەلى وتباسى» نوميناتسياسى بويىنشا – سەرىكباەۆتار وتباسى;
«سالاۋاتتى وتباسى» نوميناتسياسى بويىنشا – رۋزاحۋنوۆتار وتباسى;
«قايسار وتباسى» نوميناتسياسى بويىنشا – بۇزاۋوۆتار وتباسى;
«ۇلاعاتتى وتباسى» نوميناتسياسى بويىنشا – جاقىپوۆتار وتباسى.

«ونەگەلى وتباسى – ەلدىڭ تۇتقاسى! جاراسىمدى جانۇيا مەن ىزگىلىكتى قاسيەتتەرگە تولى اۋلەت قاشان دا كوپكە ۇلگى بولۋى ءتيىس. وسى ماقساتتا 2013 جىلى مەملەكەت باسشىسىنىڭ باستاماسىمەن «مەرەيلى وتباسى» ۇلتتىق كونكۋرسى جاريالانعان بولاتىن. بارشاڭىزدى ەلىمىزدە كەزەكتى سەگىزىنشى رەت ۇيىمداستىرىلعان «مەرەيلى وتباسى» ۇلتتىق بايقاۋىمەن قۇتتىقتايمىن! بايقاۋعا ەلوردامىزدىڭ ءارتۇرلى ساناتتاعى وتباسىلارى قاتىستى.

بيىل كونكۋرسقا قاتىسۋعا 151 وتباسى قۇجات تاپسىردى. 2019 جىلى – 63 وتباسى، 2021 جىلى – 120 وتباسى. بەرىلگەن وتىنىمدەر سانى وتباسى ينستيتۋتىن نىعايتۋ ماسەلەسى ەلوردا تۇرعىندارى اراسىندا وتە تانىمال جانە سۇرانىسقا يە ەكەندىگىن كورسەتىپ وتىر»، دەيدى ەلوردا اكىمىنىڭ ورىنباسارى ەسەت بايكەن.

2

جيىن بارىسىندا ۇزدىكتەر مىنا نوميناتسيالار بويىنشا ماراپاتتالدى:

«ۇلگىلى وتباسى» نوميناتسياسى بويىنشا – نۇرعاليەۆتار وتباسى;

«ونەگەلى وتباسى» نوميناتسياسى بويىنشا – ايتقوجيندەر وتباسى;

«قايىرىمدى وتباسى» نوميناتسياسى بويىنشا – قۇسايىنوۆتار وتباسى;

«دارىندى وتباسى» نوميناتسياسى بويىنشا – ەرجۇمانوۆتار وتباسى;

«شىعارماشىل وتباسى» نوميناتسياسى بويىنشا – پتاشينسكيلەر وتباسى.

«ۇلگىلى وتباسى» نوميناتسياسى بويىنشا - نۇرعاليەۆتەر وتباسى

«قايىرىمدى وتباسى» نوميناتسياسى بويىنشا - قۇسايىنوۆتار وتباسى

ءىس-شارا كەزىندە كورەرمەن قاۋىم ءار وتباسىنىڭ ومىربايانىمەن تانىستى. ەكراندا وتباسىلار جايلى بەينەماتەريالدار كورسەتىلدى.

سونىمەن سالتاناتتى راسىمدە «مەرەيلى وتباسى» بايقاۋىنىڭ ۇزدىكتەرى ماراپاتتالدى. III جانە ءىى ورىن ەكى وتباسىعا بەرىلدى.

ءىىى ورىن: ايتقۇلوۆتار وتباسى جانە جۇنىسبەكوۆتەر وتباسى.

ءىى ورىن: اۋەلوۆتەر وتباسى جانە ولجاباەۆتار وتباسى.

ءى ورىن ساعيتوۆتار اۋلەتىنە بۇيىردى.

ساعيتوۆتار اۋلەتى بۇگىندە 3 قىز، 3 ۇل تاربيلەپ وتىر. اكەسى – دۋلات ساعيتوۆ 1977 جىلى تۋعان، 45 جاستا. مۇمكىندىگى شەكتەۋلى جاندارعا ارنالعان پاراليمپيادالىق جاتتىعۋ ورتالىعىندا جۇمىس ىستەيدى.

اناسى - ايناگۇل ساعيتوۆا 1982 جىلى تۋعان، 40 جاستا.

قىزدارىنىڭ ءبارى رەسپۋبليكالىق بي جارىستارىنا قاتىسىپ، جۇلدەلى ورىندارعا يە بولدى. قىزدارىنىڭ ءبىرى ء(اليا ساعيتوۆا) كوركەم گيمناستيكادان 1-رازريادقا يە.

ۇلكەن ۇلى «استانا» حوككەي كلۋبىندا سپورتتىق كارەراسىن باستادى.

 

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار