ەلوردا • 05 تامىز، 2022

التاي كولگىنوۆ ەلوردانىڭ ساۋلەتتىك ءستيلىن جەتىلدىرۋ جايىندا ايتتى

25 رەت كورسەتىلدى

ەلوردا اكىمى التاي كولگىنوۆ Instagram-داعى پاراقشاسىندا ديزاين-كودتىڭ قالانىڭ كەلبەتىن قالاي وزگەرتەتىنىن ايتتى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ 

«ەلوردانىڭ ساۋلەتتىك كەلبەتىن جەتىلدىرۋدى جالعاستىرىپ جاتىرمىز. مىسالى، ەگەر 10 جىل بۇرىن قۇرىلىس كومپانيالارى اليۋكوبوند، كەراموگرانيت جانە باسقا دا ماتەريالداردى بەلسەندى قولدانسا، ولار العاشقى بىرنەشە جىلدا ءورت قاۋىپسىزدىگى بويىنشا پروبلەمالار تۋىنداتىپ، پليتكالار ۇشىپ كەتە باستاعان بولسا، بۇگىندە قۇرىلىس كومپانيالارىنىڭ كوپشىلىگىندە زاماناۋي شەشىمدەر بار. مەملەكەت باسشىسىنىڭ تاپسىرماسى بويىنشا قۇرىلىمداۋ جانە بىرىڭعاي ساۋلەت تۇجىرىمداماسى ءۇشىن ءبىز ديزاين-كودتى ازىرلەپ، قابىلدادىق»، دەدى التاي كولگىنوۆ.

اكىمنىڭ ايتۋىنشا قازىر ديزاين-كود بارلىق قاجەتتى شەشىمدەرى بار كونسترۋكتور بولىپ وتىر: ساۋلەت انسامبلىنە سايكەستىك، تك قاسبەتتەرىن ارلەۋ بويىنشا تەحنولوگيالىق شەشىمدەر، بىرىڭعاي ءتۇس گامماسى، ستيليستيكالىق بىرىڭعاي، ىڭعايلى جانە قاۋىپسىز قالالىق ورتانى قالىپتاستىرۋ (جاياۋ جۇرگىنشىلەر ءۇشىن كەدەرگىسىز ورتا، كىرۋ توپتارىنىڭ قۇرىلىسى)، جارنامانىڭ بىرىڭعاي ءستيلىن ورنالاستىرۋ، دەمالىس ايماقتارىن ۇيىمداستىرۋ جانە ت. ب. بارلىق وسى ماسەلەلەر قالانىڭ قۇرىلىس كومپانيالارىنىڭ وكىلدەرىمەن تالقىلاندى. سونىڭ ىشىندە ءۇي قۇرىلىسىنىڭ ساپاسى ماسەلەلەرىنە جەكە توقتالدى.

«مىسالى، ديزاين-كود ەرەجەلەرى حالىق اراسىندا قيسايعان بالكوندارى بار ءۇي رەتىندە تانىمال بولعان «وربيتا» قاۋىپتى تك، جەل كەزىندە ۇشاتىن پليتالارىمەن «تانىمال بولعان» «تەرريتوريا كومفورتا-2» تك رەكونسترۋكتسيالاۋ كەزىندە دە قولدانىلدى جانە تۇرعىندارعا قاۋىپ ءتوندىردى. قالادا مۇنداي ۇيلەر ءالى دە بار، ولاردى كەزەڭ-كەزەڭىمەن، سونىڭ ىشىندە تۇرعىن ءۇي-كوممۋنالدىق دامۋ باعدارلاماسى ارقىلى رەتكە كەلتىرەمىز.

تاعى ءبىر ماڭىزدى ماسەلە – الەۋمەتتىك ينفراقۇرىلىم. ەگجەي – تەگجەيلى جوسپارلاۋ جوباسىنا ءبىز وسى باعىتتى بەكىتتىك-اۋداندا (شاعىن اۋدانداردا) مىندەتتى تۇردە وقۋ ورىندارى، بالاباقشالار، «ۇيدەگى دارىگەر» وبەكتىلەرى، اباتتاندىرىلعان اۋلا اۋماقتارى جانە باسقا دا ماڭىزدى الەۋمەتتىك وبەكتىلەر بولۋى ءتيىس. اۋدانداردى «نۇر-سۇلتان-جايلى قالا» ماستەر – جوسپارى اياسىندا اباتتاندىرامىز. سوڭعى جىلدارى ءبىز 750-گە جۋىق اۋلا مەن قوعامدىق كەڭىستىكتى (ساياباقتار، سكۆەرلەر، بۋلۆارلار) اباتتاندىردىق. سەبەبى بوس ۋاقىتتى دەنساۋلىققا پايدالى وتكىزۋگە بولاتىن ءۇيدىڭ جانىندا بولۋ وتە ماڭىزدى. بۇل باعىتتاعى جۇمىستار جالعاسۋدا»، دەدى التاي كولگىنوۆ.

 

سوڭعى جاڭالىقتار

2186 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:30

ەلوردا «جاسىل» ايماققا ءوتتى

كوروناۆيرۋس • بۇگىن، 09:13

1/16 فينالعا شىعا المادى

تەننيس • بۇگىن، 08:45

ۇقساس جاڭالىقتار