«ەلوردالىق كولىك جانە جول-كولىك ينفراقۇرىلىمىن دامىتۋ باسقارماسى قالالىق پد اكىمشىلىك پوليتسيا باسقارماسىمەن كەلىسە وتىرىپ, ماڭگىلىك ەل داڭعىلىنداعى جول توسەمىن جوندەۋدى باستايدى.
جوندەۋ جۇمىستارىنىڭ جۇرگىزىلۋىنە بايلانىستى 5-8 تامىز ارالىعىندا ماڭگىلىك ەل داڭعىلىنىڭ الماتى كوشەسىنەن ورىنبور كوشەسىنە دەيىنگى بولىگىندە اۆتوكولىك قۇرالدارىنىڭ قوزعالىسى تولىعىمەن جابىلادى. سونىمەن قاتار 8-12 تامىز ارالىعىندا ورىنبور كوشەسىنەن بۇقار جىراۋ كوشەسىنە دەيىنگى ۋچاسكەدە داڭعىل تولىعىمەن جابىلادى», دەلىنگەن حابارلامادا.
ەلوردا اكىمدىگى كەلتىرىلگەن قولايسىزدىقتار ءۇشىن كەشىرىم سۇرادى.
«ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماۋ ءۇشىن قوزعالىس باعىتتارىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىنا تۇسىنىكپەن قاراۋدى سۇرايمىز», دەلىنگەن كولىك باسقارماسى حابارلاماسىندا.
