«24 شىلدەدە «الماتى 1» ستانتسياسىنداعى جەلىلىك پوليتسيا باسقارماسىنىڭ كەزەكشى بولىمىنە ساعات 20:20-دا قوڭىراۋ ءتۇستى. «الماتى-2» ستانتسياسىنان «الماتى-ورال» قاتىناسىمەن جولاۋشىلار پويىزىن جونەلتۋ كەزىندە ماشينيست ازاماتتىڭ ومىرىنە قاۋىپ تونگەندىكتەن شۇعىل تەجەۋ قولدانعان. ول الماتى-2 ستانتسياسىندا ارتقى ۆاگوننىڭ توبەسىنە شىعىپ العان», دەپ مالىمدەدى كولىكتەگى پوليتسيا دەپارتامەنتى.
پوليتسيا قىزمەتكەرلەرى پويىزدى توقتاتقاننان كەيىن قۇقىق بۇزۋشى اكت بويىنشا ۆاگوننىڭ توبەسىنەن ءتۇسىرىلدى.
«تەكسەرۋ بارىسىندا باتىس قازاقستان وبلىسىنىڭ 47 جاستاعى تۇرعىنى انىقتالدى. ساۋالناما بارىسىندا ەر ادام بيلەتكە اقشاسى جوق ەكەنىن ءتۇسىندىرىپ, ۇيىنە پويىزدىڭ توبەسى ارقىلى جەتپەك بولعان», دەپ حابارلادى كولىك پوليتسياسى.
وعان قاتىستى اكىمشىلىك حاتتاما تولتىرىلىپ, 5 اەك (15 315 تەڭگە) مولشەرىندە ايىپپۇل سالىندى.
