پارلامەنت • 05 تامىز، 2022

اسقار شاكىروۆ اندوررانىڭ سىرتقى ىستەر مينيسترىمەن كەزدەستى

30 رەت كورسەتىلدى

قر پارلامەنتى سەناتى توراعاسىنىڭ ورىنباسارى اسقار شاكىروۆ اندوررانىڭ سىرتقى ىستەر ءمينيسترى ماريا ۋباحپەن كەزدەستى، دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.

تاراپتار كەلىسسوز بارىسىندا ەكىجاقتى بايلانىستاردىڭ قارقىندى سيپاتىن اتاپ ءوتىپ، ءبىر-بىرىنەن گەوگرافيالىق تۇرعىدا الشاقتىعىنا قاراماستان قازاقستان مەن اندوررانىڭ ءوزارا ءتيىمدى ىنتىماقتاستىق باعىتىن، اتاپ ايتقاندا، تۋريزم سالاسىنىڭ كەلەشەگى زور ەكەنىن اتاپ ءوتتى.

سونداي-اق ەكى ەل پارلامەنتشىلەرىنىڭ حالىقارالىق پارلامەنتتىك ۇيىمدار اياسىنداعى، ونىڭ ىشىندە ەقىۇ پارلامەنتتىك اسسامبلەياسى مەن ەۋروپا كەڭەسىنە قاتىسقان كەزدەگى ءوزارا جەمىستى ءىس-قيمىلى اتاپ ءوتىلدى.

سەنات توراعاسىنىڭ ورىنباسارى پرەزيدەنت قاسىم-جومارت توقاەۆتىڭ جاڭعىرتۋ كۇن جونىندەگى تارتىبىندەگى پارلامەنتتىڭ ساياسي تەتىكتەردەگى ءرولىن كۇشەيتۋ تۋرالى حاباردار ەتتى.

«كونستيتۋتسيالىق رەفورما ەلىمىزدىڭ قازىرگى ساياسي جۇيەسىنە ەلەۋلى تۇردە وزگەرىس ەنگىزۋدە، ونى سۋپەر پرەزيدەنتتىكتەن ىقپالدى پارلامەنتى مەن ەسەپ بەرەتىن ۇكىمەتى بار پرەزيدەنتتىك رەسپۋبليكاعا اينالدىرادى»، دەپ اتاپ ءوتتى قازاقستاندىق پارلامەنتشى.

سونىمەن قاتار كەزدەسۋگە قاتىسۋشىلار قازاقستان مەن اندوررا اراسىنداعى ەكىجاقتى قارىم-قاتىناستاردىڭ ماڭىزدى قۇرامداس بولىگى رەتىندە پارلامەنتارالىق بايلانىستاردى ودان ءارى دامىتۋ تۋرالى ۋاعدالاستى.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار